Lukas 3:8 - Allah Wene Hurumbik Keron

⁸ Hit aphe inindi wereg atuson ilitoho, eke dag ebetuk atukukon epmano sohorep isarukuk ulug bukal amagsoho, suruk amiek-o. Hiren at Abraham ninikni wereg-o ulug uk fug-o. At Allahen helep du famen Abraham udaki endag inabukon iluk-o.

Lukas 3:8 Iomraidhean Croise

Matius 21:43

Ari halug, An wene misig yig hisamin-o. Hit At Allah wereg ambeg kukon etno og hiselebon oke, suhuluk holahu-o. Holaruk aruhureg, it aphe anggen fano yihikubon etno hag og isahu-o.

Matius 3:8

Hit aphe inindi wereg atuson ilitoho ang­gen fano­won-at yihie­k-o.

Matius 3:9

Eke hiren at Abraham ninikni wereg ulug hinahla buk fug-o. At Alla­hen helep du famen Abraham udaki endag inabukon iluk-o.

Lukas 13:25

Eke it ninen kulen ulug suhubon oke, at ibam unde werehon etno minatuk aruhureg, sok laruhu-o. Latuk aruhumu, hit aphe epmano selema fil wilil, sok kik haruk amuhupseg yig ituk wilil, ‘Ninikni-o, nit sok hut nisimin-o,’ ulug yig ituk amuhupmu, At etnowen, ‘Hit kemen wahep-o. Hinolohore An napeleg-o,’ ulug yig hisahu-o.

Lukas 13:26

Yig hisaruk aruhumu, eke hiren yig ituk wilil, ‘Nit bilin orom inim, ik inim Hat ninim naruk wilil, wene yanggul nisaruk atikin-o,’ ulug yig ituk amuhupmu, eke Aren dahagsoho yig hisaruk wilil,

Lukas 14:9

Ap suon misig waharuk aruhumu, at ­hinaohi esetukon etnowen yig hisaruk wilil, ‘Ap suon wahawon du hinubulukmu horie ukag-o,’ ulug yig hiselepmen, hit hinenggali haruk atlepseg, anggen ohoma horie elep-o.

Lukas 19:40

“It inune eleg welatlepmen, helep duen inune suon elep-o, ulug An demat yig hisaruk ahi-o,” ulug At Yesusen yig isebag.

Lukas 19:9

Yig ituk apagma, At Yesusen yig ituk wilil, “Hat hebe Abraham etamu-at welahen halug, inili warukon etno o yoho hat hobam hombahaki-o.

Lukas 5:21

it ap wene holal baleg unde epmano inim, it Farisi ap epmano inimen uruk wilil, “At ap Allah abug baltuk du sa-o? Nit dag suruk atukukon epmano At Allahen-at sohorep isalug ninobam ninapelegsoho apma ninombisaharukon oke, it apheyen inapma ninombisahuk ari fano behep?” ulug inahla bebag.

Yohanes 8:33

Yig isaruk apagma, eke it etnowen yig ituk wilil, “Nit ninebe etno at Abraham etamuki nowen, nit ninebe ap misig anggimbu neken wilil, hele waroko welatukuk fug-o. Ariroho welatukuk fuhon oke, Haren hele hibiloko hinombisahakuk ulug ehen ari, keroho ulug ehen-o?” ulug yig epag.

Yohanes 8:39

Ariroho yig isaruk apagma, eke it etnowen yig ituk wilil, “Nit ninetamu ari at Abraham at-o,” ulug yig ituk apagma, eke At etnowen yig isaruk wilil, “Hit hinebe at Abraham etamuki demat welatlepmen, aren sebahon etno ilitoho selep-o.

Kisah Para Rasul 26:20

Demat ulug nindimu ebetuk atikikseg, bilin o Damsyik inim, o Yerusalem inim, eke fobik o Yudea obog inim, eke it o ahik ya da Allah wene inapeleg ambeg inim obog-at yig isil nuruk wilil, hit dag suruk atikibon epmano sohorep isalug, hinindi weregsoho At Allah inuk waruk wilil, nit demat wene waruk ahe ulug hiniluk amagsoho fanowon etno-at suruk amuk-o, ulug yig isil nuruk atikik.

Roma 4:16

Eke ari fam, at Abrahamen Allah obam ebepag etno fam abug yig epag-o. Ariroho abug yig epag ari, it Abraham etamuki epmano obog onggo umburuk eleg iseheg demat og hisahuk-o ulug abug yig epag-o. Eke at Abraham etamuki ulug ebahon ari, wene duroho suruk amuk eke duroho suruk am fug ulug ebahon etno ilitoho surukon ulug ebag fug-o. We at Abraham Allah obam ebepag etno hag ebetuk isalug ebag-o. Eke at Abraham ari nit obog ninikni neken-at wereg-o.

Roma 9:7

Eke it at Abraham etamuki epmano it nin At Allah udaki neken welapag fug ari fam At Allahen Abraham etno yig ituk wilil,

Filipi 1:11

Eke ariroho wereg hisalug, yi angge di angge At Yesus Kristusen fanoroho suruk amon etno obogsoho og hisaruk aruhumu, ilitoho-at suruk amuhupseg fam, At Allah inuk-at suontepfuruk amuhup-o.