Lukas 3:3 - Allah Wene Hurumbik Keron

³ Yig ituk apagma, at Yohanes etno o ik Yordan ikma liluke epmano ya keheg yig isil nuruk wilil, “Hit dag suruk atikibon epmano sohorep isaruk hisalug, ikma belap hinabuhuk-o. Eke At Allahen hiren dag suruk atikibon epmano sohorep isalug hinindi hinapelegsoho apma hinombisahaku-o,” ulug yig isil nuruk apag.

Lukas 3:3 Iomraidhean Croise

Matius 3:11

Eke anden hinindi wereg amag ulug ikma belap hinaptuk ahion oke, eke At an nombolim waruhuon etno, At suon an doron ulug iog eset Aren angge walug lao ari an nakol-o. At etno­wen Roh Kudus og hisaruk wilil, hondok ambulpul neken hinobam belabik waruhu-o.

Lukas 1:16

Ariroho weregma, aren it Israel aphe epmano Inikni Allah obam ebebukag ulug suhuluk og inaplug waruhu-o.

Lukas 1:77

Yatuk aruhunteg, it aphe obog yig isaruk wilil, ‘Hiren dag suruk atikibon epmano sohorep isalug, hinobam hinapelegsoho apma hinombisahaku etno fam, hinahap wendaruhu-o,’ ulug haren yig isaruk aruhun-o.

Lukas 4:1

Eke fobik At Yesus etno Roh Kudus indi kuruk apagma, ik Yordan ikmen laharuk apareg weregma, At Roh Kudusen walug o limu aphe eleg ambeg epmano lahapfebag.

Yohanes 1:28

Yig isaruk apareg, eke fobik at Yohanes etnowen o Betania ik Yordan le femag epmanowen aphe ikma belap inaptuk apag.

Yohanes 3:26

Winimug aptuk apareg, fobik at Yohanes ambeg wapag. Waharuk apareg, yig ituk wilil, “Ninowe yanggul nisarukon wai, hat bilin ap misig hinim ik Yordan le femag wilil, At awene yig isaruk atikinon epmano hindi ebetuk ahen ano? At ap etno kidia aphe ikma belap inaptuk halug, it yi aphe di aphe obog At ambeg-at laruk-o,” ulug yig epag.

Kisah Para Rasul 13:24

Yig isaruk apareg weregma, At Yesus etno awan waharuk eleg heheg, at Yohanes etnowen it Israel aphe yig isaruk wilil, ‘Hit dag suruk atikibon epmano sohorep isaruk hisalug, an fobik ikma belap hinabuhuk-o,’ ulug yig isebag.

Kisah Para Rasul 19:4

Yig ituk atusama, at Paulusen yig isaruk wilil, “At Yohanesen bilin it aphe ikma belap inapag etno, it aphe iren dag surukon epmano sohorep iseheg inindi demat ebetukon hag fuloko ikma belap inaptuk apag-o. Eke at Yohanesen yig isaruk wilil, ‘Ap suon etno an nombolim waruhureg fam, inuk eberoko waruk amuhup-o,’ ulug at Yohanesen yig isebag etno hag, At Yesus inuk-at eberoko waruk amuk-o,” ulug at Paulusen yig isarisi.

Kisah Para Rasul 22:16

Ari halug, nit kidia keroho ulug bok welamul-o? Hat hebe kidia minatuk apmihinmu, ikma belap habikon-o. Ari haren At Yesus inuk waruk wilil, dag suruk atikinon epmano sohorep isalug, hindi dahon ho habukag ulug ikma belap habikon-o,’ ulug at Ananias etnowen yig nitisi,” ulug eke at Paulusen yig isarisi.