Lukas 3:16 - Allah Wene Hurumbik Keron

¹⁶ Ariroho inahla buruk apagma, at Yohanesen, “Anden ikma belap hinabihireg oke, eke At an nombolim waruhuon etno At suon, an doron ulug iog eset hele homahowon etno hibiluk an nakol-o. Eke At etnowen fobik Roh Kudus og hisaruk wilil, hondok ambulpul neken hinobam belabik waruhu-o.

Lukas 3:16 Iomraidhean Croise

Matius 3:11

Eke anden hinindi wereg amag ulug ikma belap hinaptuk ahion oke, eke At an nombolim waruhuon etno, At suon an doron ulug iog eset Aren angge walug lao ari an nakol-o. At etno­wen Roh Kudus og hisaruk wilil, hondok ambulpul neken hinobam belabik waruhu-o.

Matius 3:12

Eke At etno waruhureg, anggen baltu­kon ing­gikmu walug waruhu-o. Walug waruhureg, asin watuk ambeg epmanowen ho suhu-o. Ebe fanowon halug, Aren ang­gema umbu­hu-o, eke asin ahap halug hondok nangguk atuk eleg ambeg epmano imbisa­hu-o,” ulug yig isaruk apag.

Yohanes 1:26

Yig ituk apagma, at Yohanes etnowen yig isaruk wilil, “An ikma belap inaptuk ahion oke, ap misig hinapelehon etno hinanggelegma minduhuk wereg-o.

Yohanes 1:27

Ari halug, At ebe fobik an nombolim waruhuon oke, At iog ahul hele homahowon etno an ap doronen hibiluk ari nakol-o,” ulug yig isebag.

Yohanes 1:33

Nilanggen hihireg oke, At ebe du-o ulug napeleg heheg, At Allahen aphe ikma belap inabuhunen ulug lahap nabik waharision etnowen yig nituk wilil, ‘At fobik Roh Kudus inobam belabik waruhuon etno ungguluagma Roh Kudus etno ambik waharukmu hilanggen hamihin-o,’ ulug At Allahen yig nerehekma, nilanggen hihi-o.

Yohanes 7:38

Eke it obohen An nobam ebetuk isalug, ik ilukon etno eleruk inindimuen funaltuk aruhu-o, ulug Alkitab etno fam weregma yig hisihi-o,” ulug At Yesusen ariroho yig isebag ari, Roh Kudus etno farim yig isebag.

Kisah Para Rasul 1:5

Yig isaruk wilil, “At Yohanesen ikma belap inaptuk apahon oke, eke hit hag Roh Kudus hinobam belabik waruhu-o,” ulug yig isebag.

Kisah Para Rasul 10:44

At Petrus etnowen it aphe epmano awan yig isaruk heheg, it obog wene demat ulug holfahon epmano At Roh Kudus inobam belabik wapag.

Kisah Para Rasul 2:33

Eke At ebe etno Allahen walug inggik bikit fil imbik laharisireg, Roh Kudus og hiruhuk ulug yig epahon etno og itisi-o. Og itisimu, eke Aren og hisahuk ulug ebahon etno ninobam belabik waharukmu hinilanggen haruk ahep-o.

1 Korintus 12:13

Eke At Allahen nit obog-at Roh Kudus misig etno Kristus ebe misig-at amag ulug belap nisa wapag. Eke it Yahudi ap inim, eke it Yunani ap inim, eke it aphe inanggimbu epmano inim, eke it unde werehon epmano inim, obog ninebe misig-at amag ulug ikma belap ninapag. Eke nit obog At Roh Kudusen ambusu etno misig-at og nisebagma, naruk ahe-o.