Lukas 24:51 - Allah Wene Hurumbik Keron

⁵¹ Ahien inobam umburuk wilil, At ebe leko laharuk neken boholma walug lahabag.

Lukas 24:51 Iomraidhean Croise

Markus 16:19

Yig isaruk apagma, At Ninowe inuk suon Yesus etno At Allahen walug boholma lahabag. Laharuk apareg, At inggik bikit fil epmano horie ebag.

Lukas 24:50

Yig isaruk apareg, fobik o Yerusalemen og inaplug o Betania etno imbisa laruk apareg, inggik leko inungguluagma umburuk wilil, ahien inobam embebag.

Lukas 24:52

Walug laharuk apagma, it epmanowen At inuk suontepfuruk wilil sembahyang uruk apareg, iniog suhuluk o Yerusalem wapag.

Yohanes 20:17

Yig ituk apagma, eke At Yesusen yig ituk wilil, “An Nikni ambeg awan laharuk eleg neyeheg, hinggik sen nea fug-o. Ari halug, hat An nomini epmano inambeg lamihinteg, yig isaruk wilil, ‘At Ninowe etnowen hit An ninim Ninikni Allah etno ambeg laharuk ahi-o,’ ulug yig nerehek-o, ulug haren yig isa lag-o,” ulug yig epag.

Kisah Para Rasul 1:9

Yig isaruk apareg, fobik At ebe walug laharukmu it epmano inilanggen hebag. Inilanggen lahaboho weregma, fobik hena sal haruk apagma, At ebe laharukon inilanggen hebag fug.

Ibrani 1:3

Ariroho wal hebag ari, At Allah boholma suon wereg etno hag, At Amloho ilitoho-at wereg-o. Eke At Allah indi ebetuk etno hag, At Amloho ariroho-at ebetuk-o. Ariroho ebetuk wilil, At une oag werehon etno fam o kweanma duma aso wereg-o. Eke Aren nit o kweanma dumen suruk atukukon epmano ho ninaptuk apareg, Allah suon boholma werehon etno inggik bikit fil horie ik lahabag-o.

Ibrani 4:14

Ari halug, wene demat ulug ebetuk aheon etno fanoroho seneg welamuk-o. Eke bilin At Allah unde suon etno At Allah ibam o baharik undamon etno fam kuruk apag etno hag, At Ninowe Allah unde suon Yesus, Allah Amloho etno At Ikni Allah wereg ambeg epmano-at lahabag-o.