Lukas 23:5 - Allah Wene Hurumbik Keron

⁵ iren dahagsoho inune suon uruk wilil, “Eleg-o, Aren yig isarukmu, aphe inindi kahal atlug fobik dahan fahan suhup-o. Eke At bilin o Galilea epma yig isil laruk atisireg, epmen eke fobik o Yudea epma yig isarisi-o. Yig isaruk atisireg, eke kidia duma yig nisa waharisi-o,” ulug yig epag.

Lukas 23:5 Iomraidhean Croise

Matius 11:1

Eke fobik At Yesusen omini dua belas epmano inesanggo watuk apareg, o etno sohorep isalug, o misig wene yig iseheg sil nuruk ariog ulug lebag.

Matius 2:1

At Herodes etno o Yudea it inowe suon we­regma, At Yesus o Betlehem epmanowen endag apag. Endag atuk apagm­a, it ap soholoal alem inilukon etno mo alem filen o Yerusalem wapag.

Matius 27:24

Yig ituk apagma, eke at Pilatus etnowen ahla buruk wilil, “It aphe du dahan fahan-at suog ulug uruk du, wene atog yig isao hai hihi-o,” ulug ahla buruk apareg, ik dot honanggoko walug, it obog wonggalfahon etno inil fam at inggik ho suruk apareg, yig isaruk wilil, “Ap du wabukon etno alem an nobam eleg-o. Hit hinobam dombog-at-o,” ulug yig isaruk apagma,

Matius 4:23

Inim laruk apagma, At Yesus etno o Galilea etno obog-at dahag dahag sil nuruk wilil, iren wene uruk ambeg o falegma epmanowen yanggul iseheg, eke At Allahen sukon wene fano wene etno yig iseheg, eke it aphe obog uk warehon inim, ukmurohon inim fano inabeheg sil nuruk apag.

Markus 1:14

Eke fobik at Yohanes etno hele waroko kolapfuruk apagma, At Yesus etno o Galilea wapag. Waharuk apareg, Allah wene fanowon etno yig isil nuruk wilil, “Ariroho suhuk ulug hurumbik ebahon etno arat fanggog ehek-o.

Lukas 11:53

Yig isaruk apareg, At Yesus o etno sohorep isaruk apagma, it wene holal baleg unde epmano inim, eke it Farisi ap epmano inim inune fanggogsoho yig epag.

Lukas 23:23

it aphe epmanowen At Yesus e fam lenggaloko umbulug warepfukag ulug inune suon uruk apagma,

Lukas 23:6

Yig ituk apagma, at Pilatus etno esanggo holtuk apareg, yig isaruk wilil, “Ap du ebe Galilea ap ano?” ulug yig isaruk apagma,

Yohanes 1:43

Yig ituk apareg, noholug ilikia At Yesus etno o Galilea laminen ulug ahla buruk apareg lebag.

Yohanes 19:15

Yig isaruk apagma, it epmanowen inune suon uruk wilil, “Eleg-o, At ebe e fam lenggaloko umbulug mondog-at warepfin-o,” ulug yig epag. Yig ituk apagma, at Pilatus etnowen yig isaruk wilil, “Hit ariroho ehep ari, hinowe suon etno e fam lenggaloko umbukag ulug yig nerehep ano?” ulug yig isebag. Yig isaruk apagma, it Allah unde inowesi suon epmanowen yig ituk wilil, “Nit ninowe suon ari, at Kaisar misig akeleg-at wereg-o,” ulug yig ituk apagma,

Yohanes 2:11

Yig ituk apagma, At Yesus etno o Kana Galilea epmen alem sukfuganggeroho suruk apag ari fam, ap du suon ulug selegma atuk apagma, At omini epmanowen At obam demat ulug ebetuk apag.

Yohanes 7:41

Uruk apagma, eke it ninen uruk wilil, “Ap du At Kristus-at hehe-o,” ulug uruk apahon oke, it ninen, “Eleg-o, At Kristus ebe o Galileaen waruhu ulug yig nisebag fug-o.

Yohanes 7:52

eke it etnowen yig ituk wilil, “Ariroho ehen ari, hat hebe inim-at o Galilea etnowen endag atuk senag ano? Ari halug, Alkitab wene holal baleg etno fikfag wane suruk aruhunteg, ap nabi ap misig o Galileaen waruhu fug ulug yig nisebahon etno hiluk aruhun-o,” ulug yig epag.

Kisah Para Rasul 10:37

Eke fobik at Yohanesen it yi aphe di aphe ikma belap inaptuk atisimu, o Galilea Yudea inim it obog-at Allah wene warusa etno hit hiniluk-o.

Kisah Para Rasul 23:10

Uruk atusama, it epmano winimug anggolo uruk atusareg weregma, at Roma ap inowe suon etnowen at Paulus etno iren wabuk nowen ulug akol haruk atisireg, at osi epmano yig isaruk wilil, “Hit ap obog wonggaleheson du inambeg kuruk atlihipseg, at Paulus walug o nit ninibam oag werehon etno fam imbik manu-o,” ulug yig isarisi.

Kisah Para Rasul 5:33

Yig isaruk apagma, it imam inowesi suon epmano inesanggo holtuk apareg, inasine anggolo haruk wilil, ap du wabuk-o, ulug uruk apag.

Kisah Para Rasul 7:54

Eke it Yahudi ap inowesi suon epmano at Stefanusen yig isarukmu inesanggo holtuk apareg, inasineyen inayeg kilit matuk wilil, inambit haruk apag.

Kisah Para Rasul 7:57

Yig isaruk apagma, it epmanowen holehe ha nowen ulug inasengseng anggolo suruk wilil, inesanggo latuk apareg, it obohen dulum-at ininggik senepag.