Lukas 23:4 - Allah Wene Hurumbik Keron

⁴ Yig ituk apagma, eke at Pilatus etnowen it ap Allah unde suon inim, eke it aphe obog wonggalfahon epmano inim yig isaruk wilil, “At ap du alem ari dag sirisimu angginon etno obam imbiminen ulug nahla bihi fug-o,” ulug yig isebahon oke,

Lukas 23:4 Iomraidhean Croise

Matius 27:19

Yig isaruk apareg, at Pilatus etno o aphe inoag del inaptuk ambeg epmano horieg weregma, at uhwe etnowen yig irik lawag ulug yonggo lahap isaruk wilil, “Ap obabut fano, mondog surukon du sohorep isuk-o. O yoho niog haruk wilil, ap etno obam hihireg, nindi seneni anggolo eberihi etna yig irik aliek-o,” ulug lahap isebag.

Markus 15:14

Inune suon-at yig ituk apagma, at Pilatus etnowen yig isaruk wilil, “Aren alem dahon misig nongge sirisimu wabukag ulug uruk ahep-o?” ulug yig isaruk apagma, it ap epmanowen inune fanggogsoho-at yig ituk wilil, “Ebe e fam lenggaloko warepfiek-o,” ulug inune ineroho-at yig epag.

Lukas 23:22

eke at Pilatus etnowen fobik inim yig isaruk wilil, “Aren alem dahon misig nongge sirisimu wabukag ulug uruk ahep-o? At ebe wabukon oke, alem eleg hihireg fam, ebe yikangge akeleg-at warepfulug hele hibiloko imbisamin-o,” ulug yig isebahon oke,

Kisah Para Rasul 25:25

anden alem heaharuk atikikseg, aren dag sirisi fug ulug nahla birikik-o. Ariroho nahla buruk atikikseg, eke ap etnowen uruk wilil, at Kaisaren nawene balukag ulug irisi etno famen, at Kaisar ambeg lahapfuhuk ulug nahla birikik.

Kisah Para Rasul 3:13

Bilin At Allah inuk it ninetamuki Abraham, Ishak, Yakub iren webahon, At Allahen bilin it ninetamuki Abraham, Ishak, Yakub inabua isebag etno ilitoho kidia At Amloho Yesus etno inuk suontepfirisi-o. Suontepfirision oke, eke hiren At ebe wabukag ulug at Pilatus etno inggikmu imbirikip-o. Imbirikipmu, at Pilatusen ebe hele hibiloko imbisiek ulug yig hisarision oke, hiren At niron eleg-o ulug irikip-o.

Ibrani 7:26

Ari halug, Ninowe Allah unde suon fanoroho ninaso werehon etno ari At Yesus at-o. Eke At ebe etno obabut akeleg neken-at wilil, dahan fahan seheg, dag seheg suruk eleg-o. Ariroho wereg ari, At ebe etno it aphe dag surukon inanggelegmen akelegma-at imbiog ulug, o boholma anduhunmu etlema imbik lahabag-o.

1 Petrus 1:19

At Kristus obabut mondog fanowon amep onggo ulug embebag etno hit hiniluk-o. Eke At Allahen o kweanma awan wal haruk wilil,

1 Petrus 2:22

At Kristus etno mondog dag seheg eleg wilil, enggal wene uruk apag fug-o. Eke inune dahon obam yig epahon oke Aren une dahon it inobam yig isebag fug-o.

1 Petrus 3:18

Eke At Kristus obabut mondog fanowon-at oke, hit dahon hinake-at warapag-o. Hiren dag suruk atikibon epmano hinapelegsoho At Allah apma imbisawag ulug warapag-o. At ebe wapahon oke, fobik iluksoho minduhupfebag.