Lukas 23:2 - Allah Wene Hurumbik Keron

² Imbik laruk apareg, inune dahon epmano obam denggeltuk wilil uruk apag, “At ap duen Kaisar ahauang anggen etno og um fug-o, An nakeleg-at Hinowe suon Kristus welahi-o, ulug it aphe duma enggal neken yig isarukmu ebe senetukuk-o,” ulug yig ituk apagma, eke at Pilatus etnowen hinog waruk wilil, “It Yahudi ap Inowe suon etno Hat-at ano?”

Lukas 23:2 Iomraidhean Croise

Matius 17:27

Eke it ap du ninim winimug abehe ha nowen-o. Halug hat ik ayegma laruk apmihinteg, hele ikan watukon etno ikma belapfimihin-o. Belapfimihinteg ikan wereg halug, hundoko lahapfik wapmihin-o. Hundoko lahapfik wapmihinteg, uang anggen suon misig heahamihin-o. Heaharuk apmihinteg, uang anggen suon etno fam hiren Anden o Allah ibam onggo umbukon etno ilit arikon-o. Ilit arikonma, niren o Allah ibam onggo umbukon ulug uang anggen etno imbik lamihin-o,” ulug yig epag.

Matius 22:21

“Ari at Kaisar olohore-at wereg-o,” ulug yig epag. Yig ituk apagma, At Yesus etnowen yig isaruk wilil, “Ari halug, at Kaisaren angge epmano at Kaisar-at og ituk amuk-o. Eke At Allahen angge epmano At Allah-at og ituk amuk-o,” ulug yig isaruk apagma,

Matius 27:11

Eke fobik At Yesus etno it inowe suon Gubernur etnowen olohotma minduhupfulug unema hinog waruk wilil, “It Yahudi ap Inowe suon etno hat-at ano?” ulug hinog waruk apagma, At Yesus etnowen yig ituk wilil, “Ari demat ehen-o,” ulug yig epag.

Markus 12:17

ulug yig ituk apagma, At Yesus etnowen yig isaruk wilil, “Ari halug, at Kaisaren angge epmano at Kaisar-at og ituk amuk-o. Eke At Allahen angge epmano At Allah-at og ituk amuk-o,” ulug yig isaruk apagma, it aphe epmanowen At ebe fog sebag.

Markus 15:2

At Pilatus etno ambeg imbik laruk apagma, at Pilatus etnowen hinog waruk wilil, “It Yahudi ap Inowe suon etno Hat At ano?” ulug hinog waruk apagma, At etnowen yig ituk wilil, “Ari demat ehen-o,” ulug yig epag.

Lukas 23:14

“At ap duen aphe inindi kahaltuk ulug senoko nambeg walug wahepma, anden hit hinil fam aren balihireg oke, Aren alem dag sirisi ulug obam denggelehebon etno eleg atuk hihi-o.

Lukas 23:5

iren dahagsoho inune suon uruk wilil, “Eleg-o, Aren yig isarukmu, aphe inindi kahal atlug fobik dahan fahan suhup-o. Eke At bilin o Galilea epma yig isil laruk atisireg, epmen eke fobik o Yudea epma yig isarisi-o. Yig isaruk atisireg, eke kidia duma yig nisa waharisi-o,” ulug yig epag.

Yohanes 18:29

Kuruk elehen, at Pilatus etno kwalema ninim wene baltulen ulug, ibam epmanowen wilik waharuk apareg, yig isaruk wilil,

Yohanes 18:30

“Hit ap du alem nongge sirisimu obam denggeluog ulug wahep-o?” ulug yig isaruk apagma, it epmanowen yig ituk wilil, “Eleg-o, ap du dag selep fugmen, hat hambeg imbik watlo fug-o,” ulug yig epag.

Yohanes 19:12

Ariroho yig ituk apagma, at Pilatus etno esanggo holtuk apareg ahla buruk wilil, “Ap du hele hibiloko imbisik-o,” ulug ahla buruk apareg, yig isebahon oke, it Yahudi ap epmanowen inune suon uruk wilil, “Hat ap du demat hele hibiloko imbisamihin halug, hat hebe at Kaisar omin neken welahen fug-o. Eke at ap misihen an inowe suon neken welahi-o ulug urukon halug, at Kaisar inim healeg neken wereg-o,” ulug yig ituk apagma,

Kisah Para Rasul 24:13

Eke kidia nobam denggeleheson ari inim demat yig himuhup fug-o.

Kisah Para Rasul 24:5

Eke at ap du narlog harlog dag-at sil nuruk hehe-o. At ebe it Nasrani ap inowe wilil, it Yahudi ap o ahik ya da epmano heal inaptuk-o.

Roma 13:7

Eke ariroho suruk ari hag, uang etno ilitoho-at umburuk amuk-o. Ariroho suruk wilil, kwalem onggo etno inim-at umburuk amuk-o. Eke hit ariroho surukon epmano hinakoltoho wilil, it obog-at suontep isaruk amuk-o.