Lukas 22:53 - Allah Wene Hurumbik Keron

⁵³ Eke An bilin o Allah ibam nintul nantul hit ninim welatukukon epmanowen sen naptikip fuhon oke, kidia hiren senabuog ulug eberehepseg fam, o at setan wereg ambeg hikmu epmanowen sukon etno arat suruk-o,” ulug yig isebag.

Lukas 22:53 Iomraidhean Croise

Matius 21:23

Eke fobik At Yesus etno iog suhuluk o Allah ibam kuruk apareg, wene yanggul isaruk weregma, it Allah unde inowesi epmano inim, it Yahudi ap inowesi epmano inim ambeg waharuk apareg, yig ituk wilil, “Hat yi angge di angge anggolo suruk ahen ari, keroho ulug suruk ahen-o? Eke sen hinggikmu imbirisimu suruk ahen-o?” ulug yig epag.

Lukas 22:52

Denggeksepfuruk apareg, At Yesusen it ap Allah unde inowesi suon inim, eke it o Allah ibam aso werehon inowesi epmano inim, eke it aphe inowesi epmano inim it ebe senebuog ulug wapahon epmano yig isaruk wilil, “An nebe ap dahon ahama sen nabuog ulug karog yikangge inim walug wahep ano?

Lukas 22:54

Yig isaruk apagma, At Yesus ebe hele waroko walug ap Allah unde suon ibam epmano imbik lebag. Imbik laruk apagma, at Petrus etno o yatmen mug inaplug lebag.

Yohanes 12:27

Eke fobik At Yesus etnowen uruk wilil, “Kidia nindi dag aha ari, keroho ik-o? Ari halug, Anden Nikni-o, An nowabukon etno Haren elehapsin-o, ulug ariroho yig irik ano? Ari eleg-o. An nebe etno nowabukag ulug-at o kweanma duma ambik waharikik-o.

Yohanes 13:30

Ariroho inahla buruk apareg weregma, o ari sambit hubanggo at Yudas etno orom roti waruk apareg, dulum-at wilip apag.

Yohanes 14:30

Eke kidia hag, wene atog inim yig hisamin fug-o. At iblis, o kweanma duma inikni suon neken werehon etno arat waharuk-o. At ebe etno arat waharuk ari, aren An seberep nahaku fug-o.

Yohanes 7:30

Yig isaruk apagma, iren At ebe hele wabuog ulug sebahon oke, Aren An o ari sambit nowabuhup ulug ahla burukon etno awan fanggog uruk elehen, ap misig etnowen inggik senepag fug.

Yohanes 7:45

Inggik senebuk sohorep isaruk apagma, it ap At Yesus hele wabuog ulug wapahon etno iniog suhuluk it Allah unde inowesi inim, it Farisi ap etno inim inambeg laruk apagma, it etnowen yig isaruk wilil, “Hit ebe senoko walug wahep fug ari, keroho ulug sehep-o,” ulug yig isaruk apagma,

Kisah Para Rasul 26:18

Eke haren it aphe o hikmu neken werehon epmano inebe selegmaroho imbisaruk wilil, iniluk inabukag ulug minduhup hahakireg fam, it inebe at iblis apma werehon epmano sohorep isalug, At Allah apma imbisahun-o. Ariroho suruk aruhunmu, it aphe obohen An ninuk eberoko waruk wilil, iren dag suruk atuson epmano sohorep isalug, At Allahen fuloko imbisebareg fam, At udaki-at welamuhup-o,’ ulug At Yesusen yig nitisi-o,” ulug eke at Paulusen yig isarisi.

Efesus 6:12

Eke nit wim aptuk ahe etno aphe ninim aptuk ahe fug-o. Eke at setan etno inim, eke at omini inoag werehon boholmon epmano inim, eke it inowesi dahon o hikmu werehon epmano inim, it obog-at ninim wim aptuk ahe-o.

Kolose 1:13

Eke o hik oag weregsoho wereg ambeg epmanowen wilip nisahik wapareg, At Amloho wereg ambeg epmano ninili oko kolap ninaptisi-o.