Lukas 22:42 - Allah Wene Hurumbik Keron

⁴² “Nikni-o, An ik sihon sohorluk fam honanggoma niog ulug suruk ahion du Hat hahla bulug elehepfin-o, ulug yig hirihion oke, Anden yig hirihion etno fam suk ari hai-o. Hat hindien bulug-at suk ari hag fano-o,” ulug sembahyang ebag.

Lukas 22:42 Iomraidhean Croise

Matius 11:25

Eke fobik o ari sambit At Yesusen uruk wilil, “Nikni-o, Hat hebe boholma kweanma Inikni suon at welahen-o. Ariroho wilil, Haren it ap An niluk ulug inahla burukon epma­no yig isao sohorep isalug, it inapelehon epmano yanggul isa­ri­kin ari famen wa ulug yig hituk ahi-o, Nikni.

Matius 11:26

Haren hahien isaruk wilil, fuloko imbisaruk atikinteg yig isa­rikin-o.

Matius 20:22

Yig ituk apagma, eke At Yesusen yig isaruk wilil, “Hit kino yig nituk ahep ari, hinapeleg-at wilil kino yig nerehep-o. Ariroho ehebon oke, An nahik honanggo nahukon etno hit nao fano behep ano?” ulug yig isaruk apagma, eke it etnowen yig ituk wilil, “Yu-o, Hat hahik nahunon etno nit nao fano at-o,” ulug yig epag.

Matius 26:39

Yig isaruk apareg, At etno horog-at laruk wilil, olohore kweanma wanduk uruk apareg, sembahyang uruk wilil, “Nikni-o, An nebe war nabukon ari sohorluk ambusu honanggowon ilitoho wereg etno, Haren na nowen ulug hahla buruk ahen halug, An ninggi ha nowen, Haren wimin-o, ulug yig hirihion oke, Anden yig hirihion etno fam suk ari hai-o. Hat hindien bulug-at suk ari hag fano-o,” ulug sembahyang ebag.

Matius 26:42

eke At Yesus bilin lebag etno hag fobik laruk apareg, sembahyang uruk wilil, “Nikni-o, An ambusu sohorluk fam honanggo du naruk eleg nealug, Haren wamihin fug hiyihi-o. Ari halug, Hat hahla buruk ahenon etno-at siuk-o,” ulug sembahyang uruk apareg,

Matius 26:44

Isaruk apareg, eke fobik At Yesusen sohorep isalug sembahyang ik lebag. Sembahyang ik lebag ari, bilin ebag etno ilitoho-at sembahyang ebag.

Matius 6:10

Hat weregmen sukon etno fanggogsepfin-o. Hat hahla buruk ahenon etno boholma inim, kweanma inim suruk aruhun-o.

Markus 14:36

Eke Haren yi angge di angge obog-at suruk ahenon etno kidia An ik sihon sohorluk fam honanggoma niog ulug suruk ahion du Haren elehepfin-o, ulug yig hirihion oke, Anden yig hirihion etno fam suk ari hai-o. Hat hindien bulug-at suk ari hag fano-o,” ulug sembahyang ebag.

Lukas 23:34

Imbisaruk apagma, At Yesus etnowen uruk wilil, “Nikni-o, it ap An dag seko nombahakeson duma keroho suruk ahe ulug inindi ebereheg eleg yuhun-at suruk du, Haren inobam inapelegsoho hapma imbisin-o,” ulug ebag. Uruk apagma, it epmanowen At asum etno fuloko huluog ulug helep esag esag suruk apareg, fuloko holebag.

Yohanes 18:11

Sarepsepfuruk apagma, At Yesusen Petrus etno yig ituk wilil, “Hat henggarog ubulukmu imbin-o. Hat ariroho suruk ahen ari, An Niknien ik honanggo og nepahon etno nikon fug ulug hahla behenteg suruk ahen ano? Eke At Yesusen nowabuk nowen ulug hite wilip arikon behen ano?” ulug yig epag.

Yohanes 4:34

eke At Yesusen yig isaruk wilil, “An ebe naruk ahion ari, At lahap nabik waharision etnowen ahla burukon etno ilitoho seheg, eke An yabuk suruk amag ulug og nitision etno arat seheg suruk ahi ari fam, naharom neken nalug welahi-o,” ulug yig isebag.

Yohanes 5:30

At Yesusen yig isaruk wilil, “An nonggarehen yi angge di angge suk ari hai-o. At Allahen yig nituk halug, aphe oag del inaptuk wilil, fanoroho-at oag del inaptuk ahi-o. Eke ari halug, An nahla burukon etno ilitoho suk sohorep isalug, At Nikni lahap nabik waharision etnowen ahla burukon etno-at ilitoho siog ulug suruk ahi-o.

Yohanes 6:38

Eke An nebe etno At lahap nabik waharision etnowen ahla burukon etno-at ilitoho suruk ariog ulug boholmen ambik waharikik-o. Ariroho ambik waharikik ari, An nindien kahaloko suruk ariog ulug ambik waharikik fug-o.

Kisah Para Rasul 21:14

o Yerusalem la fug yig itukukon etno ahlahirepfuruk atisimu, niren uruk wilil, “Ariroho ehekseg fam, At Allah indi ebetukon etno suhu at-o,” ulug urukuk.