Lukas 22:41 - Allah Wene Hurumbik Keron

⁴¹ sohorep isalug, helep hik ha larukmu horog-at laruk etno hag, At Yesus ariroho horog-at lebag. Laruk apareg, indibahal yungguksoho wilil sembahyang uruk apareg,

Lukas 22:41 Iomraidhean Croise

Matius 26:39

Yig isaruk apareg, At etno horog-at laruk wilil, olohore kweanma wanduk uruk apareg, sembahyang uruk wilil, “Nikni-o, An nebe war nabukon ari sohorluk ambusu honanggowon ilitoho wereg etno, Haren na nowen ulug hahla buruk ahen halug, An ninggi ha nowen, Haren wimin-o, ulug yig hirihion oke, Anden yig hirihion etno fam suk ari hai-o. Hat hindien bulug-at suk ari hag fano-o,” ulug sembahyang ebag.

Markus 14:35

Yig isaruk apareg, At etno horog-at laruk wilil, olohore seberoho yin apag. Seberoho yin atuk apareg, sembahyang uruk wilil, “An nebe yoho war nabukon ari, elehepfuk behen halug, it inahla beheson etno elehepfin-o, Nikni.

Lukas 18:11

at Farisi ap etno akeleg-at minatlug sembahyang uruk wilil, ‘Nikni Allah wai, it aphe ninen yi angge di angge herahakeg, inenggal wene eheg, dag seheg suruk epmano hag, an ariroho suruk ahi fuhon etnowen Nikni wa, ulug yig hituk ahi-o. Ari, at ap uang onggo kino urukon duen suruk etno hag anden suruk eleg wilil, Nikni wa ulug yig hituk ahi-o.

Lukas 18:13

Sembahyang uruk apagma, eke at ap uang onggo kino urukon etno hag ebe yatma neken wilil, olohore boholma lahap am akolen olohore kweanma wanduksoho wilil, inggiken indi kik haruk apareg, yig ituk wilil, ‘Nikni-o, an dag-at suruk ahionen yig hituk ahi du, hahmu niyimin-o, Allah wai,’ ulug yig epag-o.

Kisah Para Rasul 20:36

Yig isaruk atisimu, it obog inindibahal yungguksoho wilil, sembahyang urusa.

Kisah Para Rasul 21:5

niren o duma arat welatukuk-o ulug sohorep isalug, so fam kuog ulug surukuk. Nit ariroho surukmu, it obog inuhwesi, inudaki inim inibam sohorep isalug, ik ayegma mondep nisahik larusama, epmen ninindibahal yungguksoho wilil, ninim sembahyang urukuk.

Kisah Para Rasul 7:60

indibahal yungguksoho une suon uruk wilil, “Nowe-o, it ap an nowatukon du inapelegsoho hapma imbisin-o,” ulug yig ituk apareg, warapag.

Kisah Para Rasul 9:40

Ariroho suruk apagma, at Petrus etnowen it aphe epmano obog wilip isaruk apareg, ut kunuk ulug sembahyang ebag. Sembahyang uruk apareg, olohore dahagsoho at hwe beya werehon etno kolap haruk wilil, “Tabita wai. Hiluk atlug minamin-o,” ulug yig ituk apagma, ilanggen fenggen atuk apareg, at Petrus etno yet hebag. Yet haruk apareg, minatuk apagma at Petrusen inggik senoko minduhupfebag.

Ibrani 5:7

Eke At Yesus etno ebe o kweanma iluk wilil, At Allah obam sembahyang kino eheg eke une suon eheg, ioba yareheg suruk wilil, At ili wawon etno obam kino yig epag-o. Yig epag ari, At indi seberoho wilil, obam ebetuk apagma, At une urukon etno Allah esanggo holfag-o.