Lukas 21:8 - Allah Wene Hurumbik Keron

⁸ Yig ituk apagma, eke At Yesusen yig isaruk wilil, “Ariroho ehebon oke, hit it ninen wene inenggal-at yig hisarukon epmano hinindi eberehep ha nowen, hinonggarehen fanoroho hinindi aso welamuk-o. Fobik it aphe anggolo-at waharuk amuhupseg, An ninuk fam yig hisaruk wilil, ‘An nebe Kristus-at welahi-o,’ eke nin, ‘At Allahen suhu ulug hurumbik ebahon etno kidia arat suruk-o,’ ulug yig hisahubon oke, hinesanggo holuk fug-o.

Lukas 21:8 Iomraidhean Croise

Matius 24:11

Ariroho suruk iseheg, it ap nin nabi ap neken wilil, iren inenggal-at an Allah wene uruk ahion at-o, ulug yig isaruk amuhupseg, ap anggolo-at inindi kahal inabuhup-o.

Matius 3:2

Yig isaruk wilil, “Hit dag suruk atikibon ep­mano soho­rep isalug, hinindi wereg amiek­-o. At Allah bo­holmen sukon et­no horog fanggog ik waha-o,” ulug yig isaruk apag.

Matius 4:17

Ariroho holal embe­bareg fam, eke fobik o ari famen At Yesusen wene yanggul isebag. Yanggul isaruk wilil, “Hinindi wereg amiek-o. At Allah boholmen sukon etno fanggog ehek-o,” ulug yig isaruk apag.

Lukas 17:23

Hahup fuhon oke, eke it aphe ninen yig hisaruk wilil, ‘Dumen surukmu hinilanggen ha maniek-o,’ eke nin, ‘Lemen surukmu hinilanggen lahap himiek-o,’ ulug yig hisahubon oke, hinilanggen ha wilip amuhup fug-o.

Lukas 21:7

Yig isaruk apagma, it epmanowen hinog waruk wilil, “Ninowe yanggul nisarukon wai, Hat yig nisehenon etno maram suhu-o? Eke yi angge di angge elehap siog ulug suhuon etno kidia arat fanggog uruk-o, ulug nit niniluk amuhuken alem keroho suhu-o?” ulug yig epag.

Lukas 21:9

Eke it ninen wim aptuk wilil, inune suon urukmu hinesanggo holtuk amuhupseg, hinakol ha fug-o. Wim suhup ari, suhup-at oke, eke yi angge di angge suruk epmano At Allahen sukon etno awan suruk eleg heheg suruk-o,” ulug yig isebag.

Yohanes 5:43

Eke An yi angge di angge unde welamag ulug Niknien ninggikmu imbirisimu, waharikikon oke, hiren nobam eberoko waruk ahep fug-o. Eke ap misig onggarehen indi suontepataruk wilil waharukon etno hag eberoko waruk ahep-o.

Yohanes 8:24

Ariroho wereg hisalug, Anden hit dag-at suruk amuhup etno fam waramuhup ulug yig hisihi-o. Eke hiren An nebe etno At ulug nobam ebet naptuk eleg hisalug, hiren dag-at suruk amuhup etno fam waramuhup-o,” ulug yig isebag.

Yohanes 8:28

Ariroho inahla buruk eleg isaruk apareg, At Yesus etnowen yig isaruk wilil, “Hiren At Allah Amloho etno mindoko imbik laharuk amuhupseg, At ebe etno-at ulug hinahla buhup-o. Hinahla buruk amuhupseg, Anden yig hisaruk wilil, ‘Nonggarehen suruk ahi fug-o. At Nikni etnowen yanggul nitukon etno-at yig hisaruk ahi-o,’ ulug yig hisarikikon etno demat yig nisarisi ulug hinahla buhup-o.

1 Korintus 6:9

Eke it aphe dag surukon epmano fobik At Allah weregma lahup fug etno hit hinapeleg ano? Hinindimuen hinenggal-at ebetuk am fug-o.

Efesus 5:6

Eke ap misihen enggal yig hisaruk wilil, hinindi kahalik wam nowen-o. Eke it aphe Allah wene inesanggo holtuk eleg wilil, inenggal urukon epmano At Allahen asine inobam umbuhu-o.

2 Tesalonika 2:3

Eke it aphe obohen Allah wene ninambit ulug uruk iseheg, at ap dahon etno o dagma umbukon etno awan waharuk eleg heheg, At Ninowe etno dulum waruhu fug-o.

2 Timotius 3:13

Eke it dag surukon etno inim, eke it inenggal urukon etno inim, dag mondog suruk wilil welamuhup-o; ariroho wilil, iren aphe inindi kahalik waheg, eke it apheyen it inindi kahalik laheg suruk amuhup-o.

1 Yohanes 4:1

Nomini-o, it obohen Roh Kudus nindimu wereg-o, ulug urukon halug, hiren demat uruk-o, ulug hinindimu ebebuk fug-o. Inaren balepfulug, ap ari demat Roh Kudus indimu wereg-o, ulug uk fano-o. Iren Roh Kudus og nitisi-o ulug inenggal urukon etno o ahik ya da epmano wilip atusa-o.

2 Yohanes 1:7

Eke alem misig du inim-at yig hituk ahi-o. Ari At Yesus Kristus aphe inebe hahon o kweanma wapag fug-o, ulug aphe inindi kahalik wamag ulug it inenggal urukon inebe anggolo atusareg wereg-o. Inindi kahalik wamuog ulug o duma waharusareg wereg-o. Ari aphe inindi kahaltukon halug, at antikristus, Kristus inim healeg werehon etno-at waharisireg wereg-o.

Wahyu 1:3

it buku du inilanggen haruk wilil wane surukon epmano inim, eke it hurumbik ebahon du inesanggo holtukon inim, eke it buku du fam weregma ilitoho surukon epmano inim, obog-at inahien ha­wag-o. Eke kidia hurumbik ebahon atog ilitoho sukon etno fanggog ik wariog ulug suruk-o.

Wahyu 12:9

At walo etno, inuk misig Iblis, eke inuk misig Setan soalehon etnowen it o kweanma aphe epmano enggal-at yig isarisi-o. Ariroho yig isaruk atision etno at omalaikat epmano inim o kweanma belap inabik waharusa-o.