Lukas 21:3 - Allah Wene Hurumbik Keron

³ Ilanggen haruk apareg, At Yesusen yig isaruk wilil, “At hwe suhweon aharek eleg ulug yig ituk etno oke, Allah ake uang anggen umburuk ambeg epma aharek suon neken-at embehek-o. Eke it nin epmano hag ebe dorat neken imbik wahesa-o.

Lukas 21:3 Iomraidhean Croise

Lukas 12:44

Umburuk aruhureg, fobik at aharek obog aso welamag ulug at anggimbu fanowon etno-at minduhupfuhu ulug An demat yig hisaruk ahi-o.

Lukas 21:2

Isaruk wilil, at hwe suhweon etno Allah ake umbukon elehen waharuk apareg, uang anggen biren etno-at umburukmu ilanggen hebag.

Lukas 21:4

Eke it inaharek anggolo-at wereg heheg, minggiroko ombatalug, dorat imbik waheson oke, eke at hwe etno hag aren onggo hunsawon eleg heheg oke, obog-at imbik waha-o,” ulug yig isebag.

Lukas 4:25

Eke amuk at nabi Elia etno o Israel weregma, tiga setengah tahun osit waheg eleg welapag. Ariroho weregma, it aphe obog orom obok angge anggolo harukmu, it Israel hweap suhweon inebe anggolo wereg oke, inambeg at Elia lahabik wapag fug-o,

Lukas 9:27

“Hit aphe nin duma welahebon epmano waraheg eleg hiniluk wilil, At Allah weregmen suhuon etno hinilanggen hahup-o, ulug An demat yig hisihi-o,” ulug yig isebag.

Kisah Para Rasul 10:34

At Petrus etnowen yig isaruk wilil, “Kidia At Allahen yi aphe di aphe obog ilitoho-at ilanggen nisaruk hihi-o.

Kisah Para Rasul 4:27

it Herodes, Pontius Pilatus inim, it hawene waruk elehon epmano inim, eke it Israel ap inim, it obog dambuksoho wilil, At hanggimbu Yesus Kristus minduhupfirikinon etno watusa-o.

2 Korintus 8:12

Eke hit hinaharek anggolo werehon epmano anggolo embeheg, eke hit hinaharek dorat werehon epmano dorat embeheg suruk hisalug, At Allah ahien hisahu-o. Eke hit hinaharek elehon epmano dorat embehep ulug winimug hisahu fug-o.