Lukas 20:21 - Allah Wene Hurumbik Keron

²¹ Inahla buruk apagma, it uang anggen herako og isebahon epmano At Yesus ambeg laruk apareg, yig ituk wilil, “Ninowe yanggul nisarukon wai, Haren wene yig isaruk wilil, demat yanggul isaruk ahenon epmano niniluk-o. Eke it apheyen ap misig suon ano, doron ano ulug inahla burukon etno hahlahiroho wilil, Haren yig isaruk ahen ari, At Allahen wene duroho suruk amuk eke duroho suruk am fug ulug yig isebahon etno demat yig isaruk ahenon etno niniluk-o.

Lukas 20:21 Iomraidhean Croise

Matius 22:16

Ariroho wene baltuk apareg, it inosi nin inim, eke it Herodian ap nin inim At Yesus ambeg lahap isaruk apagma, it epmano laruk apareg, yig ituk wilil, “Ninowe yanggul nisarukon wai, Hat hebe henggal eheg eleg, demat urukon ulug nit niniluk-o. It apheyen inahla burukon inim, eke ap misig suon ano doron ano ulug inahla burukon inim obog-at hahlahiroho wilil, honggarehen-at hakol elehepfulug yangguksoho uruk ahenon du, At Allahen wene duroho suruk amuk eke duroho suruk am fug ulug yig isebahon etno demat yangguloko yig isaruk ahen-o.

Markus 12:14

Lahap isebahon epmano At Yesus ambeg waharuk apareg, yig ituk wilil, “Ninowe Yesus wai, Hat hobabut fano heyehe-o. It apheyen inahla burukon inim, eke ap misig suon ano doron ulug inahla burukon inim obog-at hahlahiroho wilil, honggarehen-at hakol elehepfulug selegmaroho uruk ahenon du, At Allahen wene duroho suruk amuk eke duroho suruk am fug ulug yig isebahon etno demat yangguloko yig isaruk ahen-o. Ari halug, at Kaisar inowe inuk suon etnowen uang anggen og nimiek-o, ulug kino uruk halug, og imuk ano, sohorep isuk ano?” haren yig nisimin-o,

Lukas 20:20

It epmano bok atuk apareg, o ke sul hele wabuhuk ulug aso wilil, it ap nin nit fano-at welahe-o ulug urukon epmano uang anggen dorat og isebag. Og isaruk apareg, yig isaruk wilil, “At Yesus enggali wabuhuken hiren hinog wak lalihip-o,” ulug yig isaruk apareg, uruk wilil, “Fobik dahan fahan uruk halug, at Gubernur etnowen aren balukag ulug senoko og imuhup-o,” ulug inahla bebag.

Lukas 20:22

Ari halug, at Kaisar inowe inuk suon etnowen uang anggen og nimiek-o ulug uruk halug, og imuk ano, sohorep isuk ano, Haren yig nisimin-o,” ulug yig ituk apagma,

Yohanes 3:2

o misihim hubanggo At Yesus ambeg wapareg, yig ituk wilil, “Ninowe yanggul nisarukon wai, Haren yanggul nisawag ulug At Allahen lahap habik waharisi etno nit niniluk-o. Eke at ap misig Allah inim welatlep fugmen, Haren sukfugangge suruk ahenon epmano suruk atlep fug-o,” ulug yig epag.

2 Korintus 2:17

Eke it nin epmanowen Allah wene yuhun-at inenggal neken yig isaruk etno hag suruk eleg wilil, nit ninebe At Allahen mondep nisahabahon etno At Kristus anggimbu atukukseg, At Allah il fam wilil, Aren yig nisaruk etno hag motoho yig isaruk ahe-o.

Galatia 1:10

Eke At Allah mutlug lawag ulug yig hisaruk ahi ano, eke ap misig mutlug lawag ulug yig hisiog ulug suruk ahi ano? Eke it aphe inahien neawag ulug suruk ahi ano? Ari eleg-o. Eke an hag it aphe inahien neawag ulug sil nuruk atlemen, At Kristus anggimbu welatle fug-o.

Galatia 2:6

Eke it Allah udaki inowesi epmanowen at Paulus wene misig apeleg ulug yig nitusa fug-o. Eke it inowesi ari bilin ap kerohon welapag ulug an napeleg yuhun-at welahi-o. Eke At Allahen ap du olohore dahon, du olohore fanowon ulug yig isaruk eleg-o.