Lukas 20:10 - Allah Wene Hurumbik Keron

¹⁰ Laruk apareg weregma, e anggur anggen etno balukon fanggog uruk apagma, at anggimbu etno balik lawag ulug it at eyabuk waruk apahon epmano inambeg lahabik wapag-o. Lahabik wapahon etno waharuk apagma, it eyabuk waruk apahon epmanowen yikangge warepfuruk apareg, e anggen etno bal itlug eleg werlek-at lahapfebag-o.

Lukas 20:10 Iomraidhean Croise

Lukas 13:34

Ae, hit Yerusalem ap du hinabua-o. Hiren it nabi ap wene urukon war inabeheg, eke it Allahen hinambeg lahap isa wapahon epmano helep fam war inabeheg suruk ahep-o. Eke at sue ayamen udaki aherabul apma balu inaplug seberoho wereg etno hag, hit obog Anden balurep hisahalug, ninggik sen hinapsug wilil heahi war hinabiog ulug sirikikon oke, hiren hinambit nearikip-o.

Lukas 20:11

At etno yikangge wareg laruk apagma, fobik at ot misig lahabik wapag-o. Lahabik waharuk apagma, it eyabuk waruk apahon epmanowen ariroho-at yikangge waroko enggali warepfuruk apareg, e anggen etno bal itlug eleg werlek-at lahapfebag-o.

Lukas 20:9

Eke fobik At Yesusen it aphe epmano wene ilitoho neken yig isaruk wilil, “Ap misihen e anggur i yatil lebag-o. I yatil laruk apareg, at eyabuk og inaptuk heheg, at ebe bikalem anggolo o misig welariog ulug ibam etno sohorep isalug, o yatma-at lebag-o.

Yohanes 15:16

Eke An nebe hiren imig naptikip fug-o. Hit hag anggen fanowon itog mondog welamon yihikeg, eke o ahik ya da epmano yig isil laheg suruk amag ulug Anden imig hinaptikik-o. Eke hit An ninuk fam At Nikni etno ambeg ariroho simihin ulug kino yig ituk hisalug, Aren suhu at-o.

Roma 7:4

Eke ariroho suruk etno hag, hit hinebe ari ilitoho welahep-o. Eke wene duroho suruk amuk eke duroho suruk am fug ulug ebahon etno hinim welam sohorep isalug, hweap inahuni waratukmu suhwe wereg etno hag welatikipseg, hit hinebe At Kristus udaki atikip etno fam hinebe kidia Aren angge-at welahep-o. Ari halug, eke e anggen fanowon yihik wereg etno hag, ninebe At Allah il fam fanoroho welamag ulug At Kristus ebe etno aphe warehon wereg ambeg epmanowen iluksoho minduhupfebag-o.