Lukas 2:51 - Allah Wene Hurumbik Keron

⁵¹ Ariroho weregma, fobik At Yesus etno inim o Nazaret suhuluk waharuk apareg, ikni isina etanowen inune yig itukmu esanggo holtuk apag. Esanggo holtukmu yi angge di angge sebahon epmano obog-at isinen indimu ebetuk apag.

Lukas 2:51 Iomraidhean Croise

Matius 12:46

At Yesusen it aphe epmano awan yig isaruk weregma, at isina osi inim waharuk apareg, olma welapag. Olma epmano wilil, nit Yesus ninim wene ulen-o, ulug uruk apag.

Matius 3:15

Yig ituk apagma, At Yesusen yig ituk wilil, “Eleg-o, eke ariroho ehenteg oke, wene duroho suruk amuk eke duroho suruk am fug ulug ebahon etno ilitoho suk ari fano-o,” ulug yig ituk apagma, une eleg atuk apareg, Yesus ikma belapag.

Markus 1:9

Ariroho yig isaruk apareg weregma, At Yesus ibam o Nazaret Galilea epmanowen lebag. Laruk apagma, at Yohanes etnowen ik Yordan ikma belapfebag.

Markus 6:3

Ari halug, At ebe at Maria amloho ap o faltukon etno-at ano? Eke At osi Yakobus, Yoses, Yudas, Simon etano eleg buruk ahep ano? Eke At aholani o duma ninim welahe epmano hinapeleg ano?

Lukas 18:37

Uruk apagma, it epmanowen yig ituk wilil, “At Yesus Nazaret ap etno laruk-o,” ulug yig ituk apagma,

Lukas 2:19

Fog suruk apareg weregma, at Maria etno wene yig ebahon epmano ahla buruk wilil indi ebetuk apag.

Lukas 2:39

Eke fobik At Allahen wene duroho suruk amuk eke duroho suruk am fug ulug ebahon etno ilitoho suruk apareg, inibam o Nazaret etno wamuog ulug suhuluk o Galilea wapag.

Lukas 4:16

Eke fobik, At Yesus etno o Nazaret endag apag ambeg etno waharuk apareg, o hari Sabat it Yahudi ap sembahyang uruk fam, it o Allah wene uruk ambeg epmano kebag.

Lukas 4:23

Aren yig isaruk wilil, “Hiren An yig nitlihibon epmano An niluk-o. Eke ‘Hat hebe ap uson-at halug, honggarehen-at fano simin,’ yig nitlihip-o. Eke misig ‘O Kapernaumen surukmu nit ninesanggo holtukukon epmano ilitoho, o Hat hebe endag atikin ambeg dumen simihin,’ ulug yig nitlihip-o, ulug An kidia yig hisaruk ahi.

Efesus 5:21

Eke hit obog-at Kristus hinakoltoho welahebon epmano hit hit napma hapma wilil seberoho welamuk-o.

1 Petrus 2:21

Ari fam At Allahen wol hinaptisi-o. Eke At Kristus hit hinake yikangge wapahon etno hinilanggen haruk amiek. Eke At ebe ilitoho suruk amiek-o.