Lukas 2:34 - Allah Wene Hurumbik Keron

³⁴ Fog suruk apagma, at Simeon etno ahien inobam umburuk apareg, at isina Maria etno yig ituk wilil, “It Israel aphe epmano nin bule ambeheg, nin minaheg sukag ulug At Allahen udag du minduhupfirisireg fam, it apheyen herako inahla burukon epmano selegma amag ulug At Allahen udag du belabik waharision oke, it aphe ninen ninambit ulug uruk amuhup-o.

Lukas 2:34 Iomraidhean Croise

Matius 11:19

Eke An Allahen minduhup naha­rision etno waharikikseg, ik inim, orom inim naruk wilil weregma, hit obohen, ‘Ap du bik himiek-o, At ebe etno it ap uang onggo kino urukon etno inim, eke it dag surukon epmano inim inomin wilil, orom inim, ik anggur inim inahumsoho naruk-o,’ ulug iri­kip-o. Ariroho irikibon oke, At Allahen ahla burukon etno demat suruk halug, ari fam At Allahen demat yig nisaruk-o ulug inahla buhup-o,” ulug yig ise­bag.

Matius 12:46

At Yesusen it aphe epmano awan yig isaruk weregma, at isina osi inim waharuk apareg, olma welapag. Olma epmano wilil, nit Yesus ninim wene ulen-o, ulug uruk apag.

Matius 21:44

Eke it obog helep o isin neken werehon etno famen bule amburuk isalug, inebe mondog-at libiloko watahup-o. Eke helep etno satnog waharuk wilil, at misig sebe suhu halug, mondog-at wararuhu-o,” ulug At Yesusen yig isebag.

Matius 27:63

yig ituk wilil, “Ninowe-o, At ap enggal urukon etnowen awan iluk wilil, ninggik henahanam welaruhukseg fam niluksoho minduhup nahaku-o ulug yig nisarision etno ninindi ebetuk ahe-o.

Lukas 2:35

Eke hat hag, karog fam yi angge di angge kahaltuk etno hag, hindi dag atuk wilil, kahal aruhu-o,” ulug yig epag.

Yohanes 3:20

Eke it yi aphe di aphe dag surukon epmanowen o seleg etno inambit haruk wilil, at o seleg wereg ambeg epmano wamon inambit haruk-o. Eke iren dag surukon epmano bukal am nowen ulug at o seleg wereg ambeg epmano wamon inambit haruk-o.

Yohanes 5:18

it Yahudi ap epmanowen At ebe mondog warepfuhuk-o, ulug inahla bebag. Ariroho inahla bebag ari, At Yesusen o hari Sabat fam yabuk suk fug ulug urukon etno elehepfeheg, eke At Allah ari An Nikni at-o, ulug yig iseheg, eke An Allah ilitoho-at welahi-o, ulug yig iseheg suruk apag etno fam ariroho inahla bebag.

Kisah Para Rasul 13:45

Wonggalik waharuk apagma, it Yahudi aben inilanggen isaruk apareg, inambit isaruk wilil, at Paulusen ebahon etno, “Enggal ehek-o,” ulug yig isaruk apareg, at Paulus etno enggali wapag.

Kisah Para Rasul 17:6

Kik haruk atusareg, inebe elehen, at Yason omini nin inim lit inaplug wilik waharusareg, it ap o etno werehon inowesi inambeg imbisa laruk wilil, “It at Paulus Silas etano o ahik ya da epmano aphe inindi kahaltil larusareg, nit ninibam waharusama,

Kisah Para Rasul 24:5

Eke at ap du narlog harlog dag-at sil nuruk hehe-o. At ebe it Nasrani ap inowe wilil, it Yahudi ap o ahik ya da epmano heal inaptuk-o.

Kisah Para Rasul 28:22

hit aphe Yesus wene waruk ahebon epmano o ahik ya daen holtuk eleg isalug, wene ari atog yig nisahun-o,” ulug it Yahudi aben at Paulus etno yig itusa.

Kisah Para Rasul 4:26

Eke it kweanmon inowesi suon suon inim, eke it inanggimbu inim, it obohen keroho ulug At Allah Amloho Kristus etno inim inusuog ulug suruk-o?’ ulug at Dauden hurumbik ebag etno hag,

Kisah Para Rasul 6:7

Minduhup isebareg weregma, Allah wene su atuk haruk apareg, it nin obog o Yerusalem etnowen Allah wene webag. Waruk apagma, it imam ap suon nin inim Allah wene waruk apag.

Roma 9:32

Ari At Allahen alem dahon ninobam werehon epmano sohorep isalug, dambuk ninabukag ulug obam ebereheg eleg-at wilil, niren fanoroho suruk aheon etno fam ninim dambuluhuk-o ulug inahla burusa-o. Ariroho buruk wilil, helep iniog ahap watukon etno fam watarusa-o.

1 Korintus 1:23

eke nit hag At Kristus Yesus e fam lenggaloko embebagma warapahon wene etno obog-at dindiloko yig isaruk ahe-o. Wene yig isaruk aheon ari fam it Yahudi aben wene du ninambit ulug urukon epmano inim, eke it Yunani aben wene du hai wene uruk ulug urukon etno inim obog-at wereg oke,

Ibrani 7:1

At Melkisedek etno o Salem inowe suon wilil, At Allah itog mondog werehon etno unde welapag. Ariroho weregma, at Abraham etnowen it ap inowesi suon epmano warep isaruk apareg, iog suhuluk waharukmu, at Melkisedek inim salkal uruk apareg, at Melkisedek etnowen Abraham obam ahien embebag.

Ibrani 7:7

Eke at misihen omin misig ahien obam umburuk halug ari, at omin etno doron wereg heheg, at ebe etno suon-at wereg-o.

1 Petrus 4:14

Iren dahon hinobam umburuk ari, hit Kristus omini wereg hisalug ariroho suruk-o. Iren ariroho surukmu, eke hiren, At Roh Kudus suon etno nit ninobam belabik waharisi-o, ulug hinahientoho wilil hinindi ebetuk amiek-o.