Lukas 2:14 - Allah Wene Hurumbik Keron

¹⁴ “Allah boholma werehon fog suruk amuk-o. At Allahen aphe kweanmon hinabua hisaruk halug, hinim dambuksoho welamuhup-o,” ulug ebag.

Lukas 2:14 Iomraidhean Croise

Matius 21:9

At Yesus bulmu laruk heheg, it nin bilin, it nin fobik laruk wilil, inune suon ebag. Inune suon uruk wilil, “At Daud etamu du inuk suontepfuruk amuk-o. At Ninikni inuk fam wahaon du-at suontepfuk-o. At Allah akeleg-at alon faluk-o,” ulug inune suon il lebag.

Lukas 1:79

Eke nit obog aphe warehon wereg ambeg neken o hikmu wereg nisalug, ninonggalem fanowon etno lawag ulug aren o selegma ninombisaharuk-o,” ulug uruk wilil, at Zakharia etnowen di misig ebag.

Lukas 19:38

“At Ninowe Ninikni inuk fam wahaon du At Allah ahien obam umbukag-o. Eke boholmen dambuk ninaptuk etno fam At Allah inuk suontepfuruk amuk-o,” ulug heahi watuk apag.

Lukas 2:13

Yig isaruk apareg weregma, fobik it boholmon hetnogsoho balu ik ambik wapag. Ambik waharuk apareg, At Allah inuk suontepfuruk wilil,

Lukas 2:15

Uruk apareg, it malaikat epmano boholma laharuk apagma, it ap wam domba aso werehon epmanowen at misig yig ereheg, at misig yig ereheg uruk wilil, “Nit o Betlehem lul-o. Allahen udag endag aha-o, ulug yig nisehekon etno ha luk-o,” ulug ebag.

Lukas 3:22

sue yalme etno ilitoho Roh Kudus At obam ambik wapag. Ambik waharuk apagma, boholmen une yig ituk wilil, “Hat An Namloho nindi hunduhuk atma, nindi nahien hihi-o,” ulug yig epag.

Yohanes 14:27

Ariroho ebebuhubon oke, eke kidia hag hinindi hinahlahiroho welamag ulug yig hisaruk ahi-o. Ariroho yig hisaruk wilil, An ninuk fam hinindi hinahlahiroho welamon etno og hisaruk ahi-o. Ariroho og hisaruk ahi ari, it ap kweanmonen inindi inahlahiroho welamag ulug og isaruk etno hag og isaruk ahi fug-o. Ariroho og hisaruk nealug, hit hinindi dag am fug-o. Eke hinakol ha fug-o.

Yohanes 17:4

Eke Anden o kweanma duma Hat hinuk suontep haharikik-o. Suontep haharuk wilil, yabuk sukag ulug ninggikmu imbirikinon etno arat sirikik-o, Nikni.

Yohanes 3:16

Eke At Allahen it aphe o kweanma duma werehon epmano mondog indi hunduhuk welapag etno fam, At Amloho misig aron oke og isebag-o. Ariroho og isebag ari, it yi aphe di aphe obohen At obam ebetuk isalug, fobik waraheg eleg iniluk mondog welamon etno holawag ulug og isebag-o.

Kisah Para Rasul 10:36

Eke At Yesus Kristus yi aphe di aphe obog Ninowe inuk suon etnowen yig nisarukmu, wene fano wene dambuk ninaptukon etno bilin it Israel aphe yig isa waharisi etno hit hiniluk-o.

Roma 5:1

Nit At Allah obam ebetuk nisalug, alem dahon ninobam werehon epmano elehep nisaharisimu, At Ninowe Yesus Kristus inuk fam At Allahen ninim fanoroho welamuog ulug dambuk ninaptisi-o.

Efesus 1:6

Eke At Allahen ninabua nisaruk wilil, At Amloho indi hunduhukon etno onggo eleg yuhun-at og nisebareg fam, At Allah wa ulug uruk wilil, inuk suontepfuruk amuk-o.

Efesus 1:9

Eke ariroho suruk apareg fam, At Kristus eyabuk suruk etno fam an nahla buruk ahion etno suhuk-o, ulug bilin herako neken ahla bebahon oke, fobik nit niniluk amag ulug dindiloko yig nisebag-o.

Efesus 2:4

Ariroho suruk nisalug, At Allah asine ninobam umburuk heheg welatukuk-o.

Efesus 2:7

Eke At Yesus Kristus etno og nisaruk wilil, At Allahen An nindi hinobam hunduhuk wilil hinabua hisaruk ahi-o ulug selegmaroho yig nisarision etno it yi aphe di aphe fobik welamuhubon epmanowen At Allahen demat anggolo og nisaruk-o, ulug inahla bukag ulug yig nisarisi-o.

Filipi 2:11

Kunuk uruk amuhupseg, it yi aphe di aphe obohen At Ninikni Allah inuk su amag ulug uruk wilil, “Nit Ninowe At Yesus Kristus-at wereg-o,” ulug selegma-at uruk amuhup-o.

Filipi 2:13

Ariroho suruk hiseheg, At Allahen ariroho suruk amuhup ulug yig hisebahon hinahien haruk wilil ilitoho sukon etno nintul nantul og hisaruk-o.

Kolose 1:20

Ari halug, At Allahen yi angge di angge obog epmano nimin dambuluhuken-o, ulug ahla buruk apagma, At Allah Amloho e fam lenggaloko embebagma, warapag etno fam, it apheyen yi dag di dag surukon epmano onggo At Kristusen balfag-o. Eke At Kristusen ariroho sebag etno fam, At Allah yi angge di angge inim, eke yi aphe di aphe inim, eke kweanmon inim, boholmon inim dambulfag-o.

2 Tesalonika 2:16

Eke At Ninowe Yesus Kristus etno inim, eke At Ninikni Allah indi hunduhuken ninabua nisaruk wilil, niniluk welamon etno inim, eke fano ninabuhu-o, ulug ninindi ebetuk aheon etno inim og nisarision etnowen, hinindi yonggon hinabeheg, eke hinune inim, hineyabuk inim fanoroho suruk amag ulug hinoag werehep hisahakeg sukag ulug yig hisihi-o.

Wahyu 5:13

eke fobik boholmon inim, kweanmon inim, kwean apma werehon inim, eke ikma werehon inim, yi angge di angge wal hebahon epmano obohen di misig uruk wilil, “At Ninikni horie urukon etno inim, eke At Wam Domba Udag etno inim, inoag werehon inalon wereg isalug, nintul nantul-at ininuk suontepfuruk amuk-o,” ulug di etno uruk atusama,