Lukas 2:11 - Allah Wene Hurumbik Keron

¹¹ Ari kidia dia At hinili wahuon etno o Daud welapag ambeg epmano endag aha-o. At Ninowe inuk Kristus at-o.

Lukas 2:11 Iomraidhean Croise

Matius 1:16

Eke at Yakub etnowen amloho Yusuf etno endepag. At Yusuf etno Maria oho welapag. Oho weregma at Maria etnowen Yesus, inuk misig Kristus etno endepag.

Matius 1:21

Eke udag ebe endetuk halug, inuk Yesus-at soaluhun-o. Eke it apheyen dag surukon elegsoho apma imbisalug inili wahu halug, inuk ari-at soaluhun-o.

Matius 16:16

at Simon Petrus etnowen yig ituk wilil, “Hat hebe Kristus, Allah iluk werehon Amloho-at-o,” ulug yig epag.

Matius 16:20

Yig isaruk apareg, eke fobik at omini epmano yig isaruk wilil, “Hiren nit Ninowe ari Kristus-at ulug aphe yig isa fug-o,” ulug it epmano inesanggo wapag.

Lukas 1:43

Yig ituk apareg, nin eke fobik yig ituk wilil, “An hweap doron-at oke, hat Ninowe isina du, keroho ulug nea wahen-o?

Lukas 1:69

Eke At anggimbu Daud etamu misig etno heako umburuk atisireg, oag weregsoho wilil, nit ninili waruk amag ulug minduhupfirisi-o.

Lukas 2:26

Aso weregma, At Roh Kudusen indi kahaloko yig ituk wilil, “At Allah Amloho Kristus etno hilanggen halug eleg wararuhun fug-o,” ulug At Allahen yig epag.

Lukas 2:4

At Yusuf etno Daud etamu halug, o Galilea Nazaret epmanowen o Yudea Betlehem at Daud welapag ambeg etno lebag.

Yohanes 1:41

Ariroho wilil, at Andreas etnowen ot Simon etno haruk apareg, yig ituk wilil, “Nit At Kristus ahurumbik yig nisebahon ebe ari At hehe-o,” ulug yig ituk apareg, at Simon etno Yesus ambeg imbik lebag.

Yohanes 1:45

Yig ituk apagma, at Filipus etnowen at Natanael weregma ilanggen hebag. Ilanggen haruk apareg, yig ituk wilil, “At Musaen wene duroho suruk amuk eke duroho suruk am fug ulug ebahon etno inim, eke it nabi ap wene holal embebahon epmano inimen ap misig ahurumbik ebahon etno ebe kidia ninil hehe-o. Ninil heheon ari, At Yesus, Yusuf amloho ibam Nazareton etno ninilanggen hehe-o,” ulug yig epag.

Yohanes 11:27

Yig ituk apagma, at hwe etnowen yig ituk wilil, “Nowe-o, Haren wene yig nirehenon an demat ulug eberoko waruk ahi-o. Eke Hat hebe At Allah Amloho Kristus o kweanma duma waruhu ulug hurumbik yig nisebahon etno ebe du-at ulug hobam ebetuk ahi-o,” ulug yig epag.

Yohanes 20:31

Eke yi wene di wene buku du fam holal embebag ari, hiren At Yesus etno Kristus, Allah Amloho at-o, ulug ebeko waruk hisalug, At Yesus inuk fam hiniluk welamon etno holawag ulug holal ari baloko embebag-o.

Yohanes 4:25

Yig ituk apagma, at hwe etnowen yig ituk wilil, “At Kristus fobik waruhu ulug hurumbik ebahon etno demat waruhu ari an niluk-o. Eke At ebe etno waharuk aruhureg, yi wene di wene obog-at bukaloko yig nisahu-o,” ulug yig ituk apagma,

Yohanes 4:42

at hwe etno yig ituk wilil, “Nit bilin haren yig nisehenon etno fam At obam ebereheon etno sohorep isalug, kidia ninonggarehen At une ninesanggo holtuk ahereg, Ap du nit kweanmon ninili warukon demat-o ulug ninahla buruk ahereg, ninindi ebetuk ahe-o,” ulug yig epag.

Yohanes 6:69

Wene etno nit ninindimu eberoko warukukseg, At Allah iluk mondog werehon Amloho Kristus etno Hat demat welahen ulug niniluk-o,” ulug yig epag.

Yohanes 7:41

Uruk apagma, eke it ninen uruk wilil, “Ap du At Kristus-at hehe-o,” ulug uruk apahon oke, it ninen, “Eleg-o, At Kristus ebe o Galileaen waruhu ulug yig nisebag fug-o.

Kisah Para Rasul 10:36

Eke At Yesus Kristus yi aphe di aphe obog Ninowe inuk suon etnowen yig nisarukmu, wene fano wene dambuk ninaptukon etno bilin it Israel aphe yig isa waharisi etno hit hiniluk-o.

Kisah Para Rasul 13:23

Uruk apareg, fobik at Daud etamu Yesus etno it Israel aphe inili wahu-o ulug hurumbik yig isebag.

Kisah Para Rasul 17:3

Alkitab etno fam yig isaruk wilil, “At Kristus watuk isalug, iluksoho minduhupfuhu-o,” ulug bilin ahurumbik yig isebareg fam, kidia At Yesus etno Kristus at-o ulug yig hisaruk ahi-o, ulug at Paulusen yig isarisi.

Kisah Para Rasul 2:36

Eke At Yesus ebe ari hiren e fam lenggaloko watikip-o. Hiren watikibon oke, At Allahen nit Ninowe Kristus suon ulug minduhupfirisi-o,” ulug at Petrusen yig isebag.

Kisah Para Rasul 5:31

Minduhupfirisireg, At Allah inggik bikit fil imbik laharisi-o. Imbik laharisireg, At Yesus ap suon etnowen inili waruk wilil it Israel aphe inim iren dag surukon epmano sohorep isalug inapelegsoho apma imbiseheg suruk amag ulug imbik laharisi-o.

1 Korintus 15:47

Eke at ap bilinon etno alem kweanmon-at welapag-o, eke At fobikon etno alem boholmon-at wereg-o.

Filipi 2:11

Kunuk uruk amuhupseg, it yi aphe di aphe obohen At Ninikni Allah inuk su amag ulug uruk wilil, “Nit Ninowe At Yesus Kristus-at wereg-o,” ulug selegma-at uruk amuhup-o.

Filipi 3:8

Eke At Ninowe Yesus Kristus ninim wilil At ebe niluk welahion etno ari-at fano ulug nahla buruk ahi-o. Eke yi angge di angge ninon obog doron-at ulug At Kristus inuk fam hik isarikik-o. Eke ariroho hik isaruk atikikseg, At Kristus ninim dambuksoho welamon etno-at huliog ulug nahla buruk ahi-o. Eke wene duroho suruk amuk eke duroho suruk am fug ulug ebahon etno it apheyen inesanggo holtug,

Kolose 2:6

Eke hiren Ninowe At Kristus Yesus at-o, ulug awene eberoko warikipseg fam, hinim mondog-at welamuk-o. At Kristus ebe alem neken weregma, hit inggik enggangga etno hinoag weregsoho welamuk-o.

1 Yohanes 4:14

Eke aphe inili wawag ulug, At Iknien Amloho belabik wapag etno nit ninilanggen haruk atukukseg, aphe obog yig isaruk ahe-o.

1 Yohanes 5:1

Eke nin At Yesus ari Kristus ulug wapag-o ulug inahla ebetukon halug, Allah udaki-at wereg-o. Eke ikni indi hundutuk isalug at udaki ariroho-at inindi hun inaptuk-o.