Lukas 2:10 - Allah Wene Hurumbik Keron

¹⁰ Inakol haruk apagma, at malaikat etnowen, “Hinakol ha fug-o. An wene fano wene ari aphe obog farim walug wahi-o. Inesanggo holuhupseg, inahien hahup-o.

Lukas 2:10 Iomraidhean Croise

Matius 14:27

Inune uruk apagma, At etnowen yig isaruk wilil, “Hinahlahiroho-at welamiek-o. An nebe-at waharuk ahi du hinakol nea fug-o,” ulug yig isaruk apagma,

Matius 28:18

Sembahyang uruk apagma, At Yesus etno it wereg ambeg horogsoho waharuk apareg, yig isaruk wilil, “An nebe etno suon wilil o boholma inim kweanma inim obog-at unde welamag ulug minduhup naharisi-o.

Matius 28:5

Nin eke fobik malaikat etnowen it hweap etano yig isaruk wi­lil, “Hinakol ha fug-o. Hit At Yesus e fam lenggaloko warepfuru­son etno ulug heaharuk ahep ari niluk oke,

Markus 1:15

Ariroho fanggog ehek ari, At Allah weregmen sukon etno-at fanggog ehek-o. Ari halug, hit hinindi wereg atlug, wene fano wene du-at eberoko wimiek-o,” ulug yig isaruk apag.

Markus 16:15

Winimug yig isaruk apareg, eke fobik yig isaruk wilil, “Hit o kweanma o ahik ya da epmano laruk amuhupseg, it yi aphe di aphe epmano obog-at wene fano wene etno yig isil nuruk amuk-o.

Lukas 1:13

Akol haruk apagma, eke At Allah malaikat etnowen yig ituk wilil, “Zakharia wai. Hiren sembahyang uruk atikibon epmano At Allah esanggo holtisireg fam, hat huhwe Elisabet etno hit hinahudag ap angge at enderuhu-o. Endetuk aruhumu, hiren inuk Yohanes-at soaluhup-o.

Lukas 1:19

eke at malaikat etnowen yig ituk wilil, “An ninuk Gabriel At Allah olohotma welahion etnowen wene fanowon wene du yig hemag ulug yonggo belap nabik waha-o.

Lukas 1:30

eke at malaikat etnowen yig ituk wilil, “Maria wai, hat hakol ha fug-o. At Allahen habua haruk wilil, ahien hobam imbirisi-o.

Lukas 2:11

Ari kidia dia At hinili wahuon etno o Daud welapag ambeg epmano endag aha-o. At Ninowe inuk Kristus at-o.

Lukas 24:47

Minduhupfuruk aruhumu, At inuk fam it apheyen dag surukon epmano sohorep isalug, inobam inapelegsoho imbisawon wene etno it Yerusalem aphe bilin yig iseheg, eke it aphe o kweanma inungguluag obog werehon epmano fobik yig iseheg suruk amuhup-o, ulug nahurumbik bilin embebahon epmano yig hisihi-o.

Lukas 8:1

Eke fobik At Yesus etno o sumu dotma ya keheg sil laruk wilil, At Allah weregmen sukon wene fano wene etno yig isil nuruk apag. Yig isil nuruk wilil, At omini dua belas epmano inim,

Kisah Para Rasul 13:32

Eke nit hag wene fanowon etno hit-at yig hisuog ulug welahe-o. Eke bilin At Allahen it ninetamuki ariroho suhuk ulug hurumbik yig isebahon etno kidia nit inetamuki epmano ninake sirisi-o. Ariroho sirisi ari, At Yesus-at iluksoho minduhupfirisi-o.

Roma 10:15

Eke it wene yig isil nuruk amag ulug mondep isaruk eleg halug, wene etno keroho yig isil nuruk amuhup-o? Eke ari halug, Alkitab etnowen yig nisaruk wilil, “It wene fano wene yig isil wamon etno inahientoho wereg-o,” ulug yig nisaruk-o.

Efesus 3:8

Eke an nebe it Allah udaki epmano inahla mondog doron-at seberoho welahion oke, it Allah wene inapeleg welatuson epmano wene fano wene yig isil lawag ulug minduhup naharisi-o. Eke anden yig isaruk wilil,

Kolose 1:23

Eke wene fano wene etno waruk wilil, yahuk korlag suruk eleg hisalug, fobik fano hinabuhuon etno og hisahu, ulug hurumbik etno yig hisarusa. Eke an Paulus wene fano wene etno anggimbu neken wilil, yig isil larikik-o. Eke it ninen o ahik ya da yig isil laruk-o.