Lukas 19:13 - Allah Wene Hurumbik Keron

¹³ Ahla buruk apareg, awan liog ulug anggimbu inebe nomalo etano wol isaruk apareg, it obog uang anggen suon etno og isebag. Og isaruk apareg, yig isaruk wilil, ‘An o epma wereg neyeheg, hit uang anggen og hisihion ari fam hiren dahagsoho anggolo hundubuhupseg, an og nimuhup-o,’ ulug yig isebag-o.

Lukas 19:13 Iomraidhean Croise

Matius 25:16

Laruk apagma, at anggimbu misig uang anggen lima ribu og epahon etnowen onggo nintul nantul hundutuk wilil, uang anggen nin obam seberoho lima ribu-at ombatebag-o.

Matius 25:20

Hinog og inabiug ulug surukmu, at anggimbu misig lima ribu og epahon etno kuruk apareg, uang anggen lima ribu bilinon etno inim fobikon misig dambuksoho ikni etno og ituk wilil, ‘Nikni-o, uang anggen lima ribu og nitikinon etno anden lima ribu-at hundutikikseg, inim dambuksoho og hirihi du hilanggen himin-o,’ ulug yig epag-o.

Matius 25:22

Yig ituk apagma, at anggimbu misig dua ribu og epahon etno kuruk apareg, uang anggen dua ribu bilinon etno inim fobikon misig dambuksoho ikni etno og ituk wilil, ‘Nikni-o, uang anggen dua ribu og nitikinon etno anden dua ribu-at hundutikikseg, inim dambuksoho og hirihi du hilanggen himin-o,’ ulug yig epag-o.

Matius 25:24

Yig ituk apagma, eke fobik at anggimbu seribu og epahon etno kuruk apareg, yig ituk wilil, ‘Nikni-o, hat hobabut hasine welahen ari an niluk-o. Ari halug i yag sarikin fug ambeg epma-at ebe bal seheg, eke i kililtikin fug ambeg epma-at anggen bal seheg suruk ahenon hiyihi-o.

Lukas 19:12

Buruk apareg weregma, At Yesusen yig isaruk wilil, “Ap suon misig o yatma epma inowe suon welamag ulug minduhup nahakupmu, suhuluk waruhuk-o, ulug ahla buruk apag-o.

Lukas 19:14

Yig isaruk apagma, it anggimbu epmanowen inambit haruk apareg, fobik at etno ombolim mutlug ayonggo lahap isaruk wilil, ‘Ap du ninowe suon welam ninambit-o,’ ulug uruk apag-o.

Yohanes 12:26

Eke at ap misig An nanggimbu welariog ulug ahla buruk halug, mug naplug waharuk amag-o. Ariroho waharuk halug, An wereg ambeg epma ninim lahuk-o. Eke it yi aphe di aphe obog An nanggimbu wereg isalug, An Niknien suontep isahu-o,” ulug yig isebag.

Galatia 1:10

Eke At Allah mutlug lawag ulug yig hisaruk ahi ano, eke ap misig mutlug lawag ulug yig hisiog ulug suruk ahi ano? Eke it aphe inahien neawag ulug suruk ahi ano? Ari eleg-o. Eke an hag it aphe inahien neawag ulug sil nuruk atlemen, At Kristus anggimbu welatle fug-o.

Yakobus 1:1

An Yakobus, At Allah inim eke Ninowe Yesus Kristus inim inanggimbu etnowen holal du fam hit obog Allah udaki o kweanma welahebon heahi war hinaptuk ahi-o.

2 Petrus 1:1

Nomini-o, At Ninikni Allah Ninowe Yesus inimen fuloko hinombisaharisimu, hit nit ilitoho Allah wene fanowon etno warukmu, an Simon Petrus, Yesus omin wilil, Allah wene yig isil nuruk amag ulug mondep naharision etnowen holal du bal hisihi-o.