Lukas 18:9 - Allah Wene Hurumbik Keron

⁹ Eke fobik it aphe ninen uruk wilil, it aphe nin dag-at suruk oke, nit hag fano mondog welahe-o, ulug inahla buruk apareg weregma,

Lukas 18:9 Iomraidhean Croise

Lukas 10:29

Yig ituk apagma, at ap wene holal baleg unde etnowen suontepatiog ulug At Yesus yig ituk wilil, “An nomin ari sa-o?” ulug hinog webag.

Lukas 15:2

it Farisi ap inim eke it wene yanggul isarukon epmano inimen inune fog fog uruk wilil, “At ap du it ap dag surukon epmano inim heahi war war uruk ahesareg orom inim naruk-o,” ulug uruk apag.

Lukas 16:15

Ahunda yatuk apagma, At Yesusen yig isaruk wilil, “Hiren aphe inil fam nit fano ulug uruk ahebon oke, hinindi fam ebetuk ahebon epma At Allah iluk wereg-o. Eke it apheyen du suon ulug inahla burukon oke, At Allahen du ebe doron-at heheg uruk ulug ahla buruk-o.

Lukas 18:11

at Farisi ap etno akeleg-at minatlug sembahyang uruk wilil, ‘Nikni Allah wai, it aphe ninen yi angge di angge herahakeg, inenggal wene eheg, dag seheg suruk epmano hag, an ariroho suruk ahi fuhon etnowen Nikni wa, ulug yig hituk ahi-o. Ari, at ap uang onggo kino urukon duen suruk etno hag anden suruk eleg wilil, Nikni wa ulug yig hituk ahi-o.

Lukas 19:7

Heahi watukmu, it aphe obog inilanggen haruk apareg, inune fog fog uruk wilil, “Udag dia, At Yesus etno ap dag surukon etno inim welamuog ulug suruk-o,” ulug uruk apag.

Lukas 7:39

Delepfuruk apagma, at Farisi ap Yesus ninim nulen ebahon etnowen ilanggen haruk apareg, ahla buruk wilil, “Ap du demat Allah wene yig isarukon hahen, hwe ambusu iog anggulmu delehekon du dag surukon ulug Aren iluk welatlep-o,” ulug ahla bebag.

Yohanes 8:48

Ariroho yig isaruk apagma, eke it Yahudi ap etnowen yig ituk wilil, “Niren hat hebe Samaria ap wilil, setan hindimu welahen ulug yig hitukuk etno demat yig hitukuk hehe-o,” ulug yig epag.

Yohanes 9:28

Yig isaruk apagma, it etnowen inune fanggogsoho uruk apareg yig ituk wilil, “Hat hebe hakeleg-at ap du omin welahen heyehe-o. Eke nit hag at Musa omini-at welahe-o.

Yohanes 9:34

Ariroho yig isaruk apagma, iren onggo yig ituk wilil, “Hat hebe bilin hikni hisina hinim dag-at suruk wilil endag atuk senahon etno hanggog atikinteg, haren nit yanggul nisiog ulug suruk ahen ano?” ulug yig isaruk apareg, o Allah wene uruk ambeg epmanowen muko wilipfebag.

Kisah Para Rasul 22:21

eke Aren yig nituk wilil, ‘Hat hebe it aphe Allah wene waruk elehon epmano inambeg lahap hahakireg fam, kidia lag-o,’ ulug At Allahen yig nitukmu holtikik-o,” ulug at Paulusen yig isarisi.

Roma 10:3

Eke At Allahen alem dahon ninobam werehon epmano elehep nisahalug At ninim dambuk ninabukon etno inapeleg wilil, inonggarehen-at inim dambuluhuken ulug suruk-o. Eke ariroho suruk ari, At Allahen ninim dambuk ninabukon etno apma seberoho welam inambit-o.

Roma 14:10

Eke ari halug, hiren hinomini inoag del inaptuk ahep ari, keroho ulug suruk ahep-o? Eke it hinomini hinambit isaruk ahep ari, inim keroho ulug suruk ahep-o? Eke nit obog epmano At Allahen oag del ninabiog ulug At Allah il fam minduhup nisahaku-o ulug alem ari fam wene holal baleg etnowen yig nisaruk wilil,

Roma 14:3

Eke at yi angge di angge obog-at narukon etnowen at engga-at narukon etno ambit haruk am nowen-o. Eke at engga-at narukon etnowen at yi angge di angge obog-at narukon epmano oag deloko umbuk ari hai-o. Eke At Allahen it obog-at nudaki ulug heako imbisarisi-o.

Roma 7:9

Eke wene duroho suruk amuk eke duroho suruk am fug ulug ebahon etno napeleg wilil, nebe niluk welatikikon oke, eke fobik wene duroho suruk amuk eke duroho suruk am fug ulug ebahon etno fam alem du dag surukon-o, ulug niluk atuk atikikseg,