Lukas 18:7 - Allah Wene Hurumbik Keron

⁷ Eke aren ebag etno hag, eke it apheyen At Allah obam sembahyang uruk isalug, inili wahu fug buruk ahep ano? Eke orog orog-at yalmako imbisahu buruk ahep ano? Ari eleg-o.

Lukas 18:7 Iomraidhean Croise

Matius 24:22

Eke dahon at inobam umbukon ari, At Allahen dulum-at maha ninombisahalep fugmen, nit yi aphe di aphe obog-at ninuselep-o, ulug inahla buhup-o. Eke At Allahen maha imbisahu ari, At udaki fuloko imbisebahon epmano inabua isaruk wilil maha imbisahu etno fam, o dahon inobam umbukon horog arat aruhu-o.

Matius 24:24

Eke it ap werlekonen an Kristus-at-o, an nebe nabi ap Allah wene yig isaruk ahion at-o, ulug inenggal-at il waharuk amuhupseg, it apheyen demat ulug inindi ebebukag ulug fog inabukon epmano seheg, eke it sukfuganggeroho seheg suruk wilil, yig isaruk amuhup-o. Ariroho yig isaruk wilil, it Allah udaki fuloko imbisebahon epmano inim-at inindi kahal inabul ano ulug inahla buruk amuhupseg, suhup-o.

Matius 7:11

Eleg-o. Ari halug, hit dahon etnowen hinudaki yi angge di angge fanowon-at og isaruk ahep halug, At Hinikni boholma werehon etno obam kino urukmu Aren fanowon-at og hisahu-o.

Lukas 11:13

Eleg-o. Ari halug, hit dahon etnowen-at hinudaki yi angge di angge fanowon-at og isaruk ahep ari, At Hinikni boholma werehon etnowen hiren uruk wilil Haren Roh Kudus etno og nisimin ulug obam kino uruk hisalug, demat og hisahu-o,” ulug yig isebag.

Lukas 2:37

Welapareg, fobik ahun etno waratuk apagma, suhwe wilil, delapan puluh empat tahun welapareg, arat sabal apag. Sabal atuk apareg wilil, o At Allah ibam etno sohorep isalug wilip aheg eleg nintul nantul orom nenggeg eleg, sembahyang-at uruk wilil, Allah inuk-at suontepfebag.

Lukas 21:28

Ariroho waharukmu, hinilanggen nearuk amuhupseg, minatlug lahaboho wereg hisalug, hinili wawon etno fanggog uhu-o,” ulug At Yesusen yig isebag.

Roma 8:33

Eke Allah udaki imig inapahon epmano inobam at sen une dahon yig isahu-o? It alem dahon inobam werehon epmano hag At Allahen-at elehep isaruk-o.

Kolose 3:12

Eke At Allahen indi hunduhuk wilil, At udaki welamag ulug heako hinombisahabag halug, hit Allah udaki-at wilil, hinobabut fanoroho welamiek-o. Eke hinindi fanowon etno inim, eke hinobabut fanoroho welahebon etno inim, eke hinindi seberoho welahebon inim, eke hinobabut misig-at wilil fanoroho welamiek-o.

1 Tesalonika 3:10

Eke ari halug, nit inim-at it Tesalonika ap inambeg mondep nisahakun ano, eke it Tesalonika ap Allah wene iniluk amon etno anggolo og isimin-o, ulug sembahyang uruk ahe-o.

2 Tesalonika 1:6

Eke At Allahen fobik motoho aphe oag del inaptuk wilil, it dahon hinobam umburukon etno onggo dahon inobam embeheg, eke hit kidia dahon hinobam umburukmu welahebon etno inim, eke nit inim, obog kelsawag ulug o fanoma ninombisahaku-o.

1 Timotius 5:5

Eke it hweap suhweon inasuki elehon halug, At Allah obam ebetuk wilil, nintul nantul sembahyang uruk wilil, kino yig ituk amuhup-o.

2 Timotius 1:3

Eke an dag misig sirikikon etno napeleg atlug, it ninetamukien suruk apag etno ilitoho Allah yabuk suruk wilil, Nikni Allah wa ulug yig ituk ahi-o. Eke hat hake nintul nantul sembahyang uruk wilil, wa ulug uruk ahi-o.

2 Timotius 2:10

Eke ari halug, it aphe At Allahen imig inapahon epmano At Yesus Kristus inuk fam inili wawon etno inim, eke iniluk mondog welamon etno inim holawag ulug it inake yabuk suruk neyeheg, it ninen dahon etno nobam umburukon oke, nahla bugsoho welahi-o.

Titus 1:1

An Paulus At Allah anggimbu wilil Yesus Kristus awene yig isil nuruk amag ulug mondep naharision etnowen wene holal du bal hirihi-o. Eke it aphe At Allahen imig inapahon etno wene du demat ulug inahla buruk wilil, fikfag yanggul isawag ulug heag naptisireg lahap naharisi-o.

1 Petrus 1:1

An Yesus Kristus omini mondep isebahon misig Petrus etnowen wene holal du bal hisihi-o. Hit Allah udaki o Pontus, Galatia, Kapadokia, Asia-Kecil, Bitinia inim huso neken welahebon epmano wene holal du bal hisihi-o.

2 Petrus 3:9

Ari it inapelehon epmanowen At Allahen orog-at suruk hehe-o ulug uruk oke, orog-at suruk eleg-o. Aren ninabua nisaruk wilil, war ninabuk amberaken nit obog dag suruk aheon epmano seberepfulug sohorep isawag ulug ninaso wereg-o.

Wahyu 18:20

Ariroho uruk atuson oke, eke hat bohol inim, hit At Allah udaki inim, eke hit mondep hisahabahon etno inim, eke hit nabi ap Allah wene yig isaruk ahebon etno inim, hit obog hinahien haruk amiek-o. Eke o Babel etno mialtuk wi­lil, “aren dahon hinobam hinombisaharision etno onggo At Allahen oag deloko dahon etno obam embehek-o. Ari halug, hit hinahien haruk amiek-o,” ulug uruk atusa-o.

Wahyu 6:10

Isaruk atikik­mu, it epmanowen inune suon yig ituk wilil, “Ninikni suon hoag werehon du wai. It aphe o kweanmen war inaptuk apahon epmano oke iren surukon etno inaren baloko o dagma imbisahun-o?” ulug uruk atusama, it obog inasum huluon og isarusa-o.

Wahyu 7:15

Are­repfuruk atusareg, it etno At Allah horie uruk ambeg olohot­ma minduhuk wilil, nintul nantul At ibam eyabuk suruk-o. Eke At horieg werehon etno inim wilil, inili waruk aruhu-o.