Lukas 18:16 - Allah Wene Hurumbik Keron

¹⁶ Winimug yig isaruk apagma, At Yesusen udag epmano ambeg wamag ulug wol isaruk apareg, yig isaruk wilil, “It udag doron epma An nambeg wamag-o. It udag doron epmano At Allah weregma welamuog ulug waharuk isalug, winimug yig isa fug-o.

Lukas 18:16 Iomraidhean Croise

Matius 19:14

Winimug yig isaruk apagma, eke At Yesusen yig isaruk wilil, “It udag doron epma An nambeg wamag-o. It udag doron etno boholma At Allah weregma welamuog ulug waharuk isalug, winimug yig isa fug-o,” ulug yig isaruk apareg, inungguluag inggik sen inapag.

Lukas 18:15

Yig isaruk apagma, it aphe ninen udag doron epmano At Yesusen inungguluag inggik senep isalug ahien inobam umbukag ulug og inaplug ambeg imbisa waharuk apagma, At omini epmanowen inilanggen isalug, winimug yig isebag.

Lukas 18:17

Eke it udag doronen Allah wene waruk ari hag, hit ariroho nintul nantul waruk amuhup fug halug ari, At Allah wereg ambeg kuhup fug-o,” ulug yig isebag.

Kisah Para Rasul 2:39

Ikma belap hinaptuk amukonma, bilin At Allahen Roh Kudus og hisahuk ulug ebahon hinobam belabik warikon-o. Eke At Allahen og hisahuk ulug ebahon etno hit inim, hinudaki inim, it yatmon At Ninikni Allahen wol inaptukon inim obog-at og hisahuk ulug ebag-o,” ulug at Petrusen yig isebag.

1 Korintus 14:20

Eke hit hinahla buruk ahebon ari it udag doronen inahla buruk epmano hag hinahla buruk am fug-o, nomini. Eke dag suruk ahebon ari hag sohorep isalug it udag fuangge wereg epmano hag welamuk-o. Eke hinahla buruk ahebon ari hag it ap inanggohon inindi werehonen fanoroho wereg epmano hag welamuk-o.

1 Korintus 7:14

Eke at ap Allah wene ebetuk elehon etno uhwe obabut fam Allah udaki inim horogsoho werehon neken atisi-o, eke at hwe Allah wene ebetuk elehon etno ahun obabut fam Allah udaki inim horogsoho werehon neken atisi-o. Eke ariroho eleg hahen, it hinudaki ap angge, hweap angge epmano it Allah wene inapelehon inudaki neken welatlebon oke, it inebe epmano kidia Allah udaki neken wereg-o.

1 Petrus 2:2

Eke udag doronen isina ag naruk hag, hit At Roh Kudusen yanggul hisarukon wene etno mondog holaruk weregma etno fam hinindi werehep hisahalug hinili wahu-o.