Lukas 17:6 - Allah Wene Hurumbik Keron

⁶ Yig ituk apagma, At Ninowe etnowen yig isaruk wilil, “Hit hag dorat hinindi ebetlepmen, e suon du yig ituk wilil, ‘Homanggen bal saruk apmihinteg, ik laut ikma yaho welaruhunen lag-o,’ ulug yig itlepma, holtep-o,” ulug yig isebag.

Lukas 17:6 Iomraidhean Croise

Matius 14:29

eke At Yesusen yig ituk wilil, “Hat hebe kidia wilik ma-o,” ulug yig epag. Yig ituk apagma, at Petrus etno so fam epmanowen wilip atuk apareg, ik ahum fam iog umbulug At Yesus ambeg liog ulug horogsoho lebag.

Matius 17:20

Yig ituk apagma, At Yesus etnowen yig isaruk wilil, “Hit At Allah obam dorat ebetuk ahep famen, hiren wilipfuk hai aha-o. Eke hinindi At obam fanoroho ebetlepmen, hit bunu du yig ituk wilil, ‘Hebe hal amin-o,’ ulug yig itlepmen, bunu ebe hal atlep-o. Hiren yi angge di angge obog-at selep-o.

Matius 21:21

At Yesusen yig isaruk wilil, “Hit An yig hisaminon etno-at hinindi ebetuk amuk-o. Hit hinindi biren neken welam sohorep isalug, hiren demat ulug ebetuk amuhup halug, Anden e du yig irihimu bug aha etno hag, hiren ariroho sukon etno hai aruhu fug-o. Eke misig, hit hinindi fanoroho ebetuk wilil, bunu suon du leko lahalug ik yenggeleg epma sebesik ambik ma-o, ulug yig ituk hisalug, ambik waruhu at-o.

Markus 4:31

“E wile anggen ari, o kweanma dumen mondog doron-at wereg-o. Anggen doron-at oke, ap misihen i yatuk halug, anggen etno dulum-at unggum lahaluhen ebe mondog su atuk-o.

Markus 9:23

Yig ituk apagma, At Yesus etnowen yig ituk wilil, “Fano suruk hiluk halug ehen ari, keroho ulug ehen-o? It yi aphe di aphe obohen At Allah obam ebetuk isalug, iren kino urukon etno ilitoho-at suruk-o,” ulug yig epag.

Lukas 13:19

Ari, e wile anggen etno ap misihen walug eyabukmu lilhebagma, e etno unggum suon lahabag-o. Suon hik dalegma, eke it sueyen e etno inggik fam inibam falsaruk,” ulug At Yesusen yig isebag.

Lukas 17:7

Eke fobik At Yesusen yig isaruk wilil, “Eke hit hinanggimbu misig welatlepmen, at etnowen yabuk weheg, wam domba aso welaheg suruk atlep oke, eke at etno selemen kik waharuk heheg, hiren yig ituk wilil, ‘Dulum haharom du na ma-o,’ ulug yig etlep ano?

Lukas 19:4

Ilanggen hebag fureg, it aphe wonggalfahon epmano sohorep isalug, at etno bilin buahen laruk apareg, At Yesus kwalema larukmu ilanggen hiog ulug e fam lahabag.

Lukas 7:13

At Yesus etno ilanggen haruk apareg, indimuen ahmu atuk apagma, udag warapahon isina etno yig ituk wilil, “Hat ioba yabuk fug-o,” ulug yig epag. Yig ituk apareg, At ebe it ap warehon walug wapahon epmano inambeg lebag.

Lukas 7:19

at Yohanesen omini biren wol isaruk apareg, yig isaruk wilil, “Hit At Yesus ambeg lalihipseg hinog waruk wilil, ‘At Yohanesen ap suon misig waruhu ulug hurumbik yig nisebahon etna Hat-at ano, eke misig fobik waruhumu aso welahe ano?’ ulug At Yesus hinog yig irik aliek-o,” ulug at Yohanesen lahap isaruk apagma, it epmano At Yesus ambeg wapag.

1 Korintus 13:2

Eke an Allah wene nindimuen walug yig iseheg, eke yi angge di angge herahowon epmano obog niluk aheg, eke At Allah inuk mondog ebetuk wilil bunu etno walug o ninmu imbik laheg suruk wilil, nindi hunduhuk eleg welatlemen, an nebe napeleg neken-at welatle-o.