Lukas 16:3 - Allah Wene Hurumbik Keron

³ Yig ituk apagma, at anggimbu etno ahla buruk wilil, ‘An bilin nowe eyabuk suruk atikikon oke, horiep nahaku ari an keroho sik-o? An wen wao noag elegma, aphe inambeg uang anggen kino yig isa lao nenggali ahareg fam,

Lukas 16:3 Iomraidhean Croise

Matius 20:8

Ariroho yig isaruk atisireg, fobik o hupmu jam enam fam at yabuk unde etnowen osi epmano yig isaruk wilil, ‘It ap o yoho yabuk seheson etno wol isaruk atlihipseg, onggo og isimuk-o. Og isaruk wilil, it fobik lahap isihion etno bilin og iseheg, eke it bilin lahap isihion etno fobik og iseheg suruk amuk-o,’ ulug yig isarisi-o.

Markus 10:46

Wene etno yig isaruk apareg, At omini epmano inim, it aphe obog wonggalik wapahon epmano inim o Yerikho wapag. Waharuk apareg, o Yerikho epmanowen selema fil wilip atuk apagma, at Timeus amloho Bartimeus ilanggen bug wilil uang kino urukon etno kwalem suon fam enggatgatma epmano horieg weregma,

Lukas 12:17

Ariroho wilil, at etno ahla buruk apag-o. Ahla buruk apareg, uruk wilil, ‘Yi angge di angge anden seneg welahion duma kema umbuk neken keleg atuk du, keroho sik-o?’ ulug ahla buruk apareg,

Lukas 16:2

Yig ituk apagma, at etnowen anggimbu etno wol haruk apareg, yig ituk wilil, ‘Haren suruk ahenon etna keroho yig nitusa-o? Halug, haren neyabuk suruk wilil, uang anggen og isaruk atikinon epmano fikfag dindiloko yig nipmihin-o. Yig nituk healug, hat fobik an nanggimbu neyabuk surukon welaruhun fug-o,’ ulug yig epag-o.

Lukas 16:20

Ariroho weregma eke at ap ukmurohon aharek elehon inuk Lazarus etno nintul nantul at ap aharek werehon etno ibam olma imbik waharukmu,

Lukas 16:22

Naruk iseheg, at Lazarus etno bok welapareg, fobik waratuk apagma, it malaikaren walug, esoho etno nawag ulug At Allah ambeg imbik lahabag-o. Imbik lahabagma, boholma epmano wereg heheg, eke fobik at ap aharek werehon etno warapag-o. Waratuk apagma, ebe kweanma salepfebag-o.

Lukas 16:4

ariroho suhuk-o; an fobik horiep naharuk halug, it ninen inibam ninim welamuhuken ulug yig nemag ulug anden kidia nominiap inabik-o,’ ulug ahla bebag-o.

Lukas 18:4

Ariroho nintul nantul yig itukmu, at ap aphe oag del inaptukon etnowen bilin, ‘Eleg-o,’ ulug ahlahiroho-at welapareg oke, eke fobik ahla buruk wilil, an aphe inim Allah inim nahlahiroho-at welahion oke,

Yohanes 9:8

Waharuk apagma, it omini ini horlanggo ambima werehon etno inim, eke it yi aphe di aphe obog at ap etnowen uang anggen kino urukmu inilanggen haruk apahon etno inimen uruk wilil, “Ap misig horieg wilil uang anggen kino uruk atision etno ebe du ano?” ulug uruk apagma,

Kisah Para Rasul 3:2

Eke o misihim hag imbik lebagma wilil, eke it Petrus, Yohanes inim hupmu jam tiga fam o Allah ibam etnowen sembahyang uog ulug laharukmu, ilanggen isebag.

Kisah Para Rasul 9:6

Eke hat hebe etno minatuk apmihinteg, o Damsyik etno kik waharuk apmihinmu, iren duroho suk ulug hat yig himukon-o,” ulug yig ituk apagma,

2 Tesalonika 3:11

Eke wene ariroho yig hiseheon ari, ap hit hinomini nin inaborali wilil, yuhun-at sil nuruk-o, ninesanggo holtukukseg, ariroho yig hisaruk ahe-o.