Lukas 16:13 - Allah Wene Hurumbik Keron

¹³ Ap misig-at heheg, eke ap biren inanggimbu welam ari hai-o. Ari halug, ikni misig ambit haruk wilil, at misig indi hunduhuk welaruhu-o. Eke ikni misig eyabuk fanoroho suruk wilil, at misig eyabuk ambit heheg suruk aruhu-o. Ari halug, ap misig Allah anggimbu wilil, an uang anggen nindi ulug uruk am ari hai-o,” ulug At Yesusen yig isebag.

Lukas 16:13 Iomraidhean Croise

Matius 4:10

ulug yig ituk apagma, eke At Yesusen yig ituk wilil, “Hat iblis hebe lag-o. Ninikni Allah-at sembahy­ang obam uruk am fano-o. Nit At akeleg-at andu­ananggeroho welam ari fano-o, ulug wene baleg ari wereg-o,” ulug yig ituk apag­ma,

Matius 6:24

At Yesusen yig isaruk wilil, ”Ap misihen ap biren inanggimbu welam ari hai-o. Misig nindi misig nambit-o, ulug misig ahengga senetuk wilil, misig sohorep isahu-o. Ari halug, At Allah inim, at Mamon ari uang anggen ulug werehon etno inim, it biren inanggimbu welam ari hai-o.

Lukas 11:23

Ari fam, ap misig ninim enggayo elehon etno ninim healeg welahe-o. Eke at misig ninim dambul inaptuk ahe fuhon etno at ebe heal inaptukon wereg-o,” ulug yig isebag.

Lukas 14:26

“Hit An nomini welamuog ulug hiniknisi inim, hinisasi inim, eke hinuhwesi inim, hinudaki inim, hinowe not inim, hinaholani inim, sohorep isalug, hit hinebe An mug naplug maniek-o.

Lukas 16:12

Eke ap inaharek epmano fanoroho aso wereg eleg hisalug, sen hit hinaharek epmano og hisa buruk ahep-o?

Lukas 16:9

Yig isaruk apareg, eke fobik inim yig isaruk wilil, “It inaharek anggolo werehon epmano hinomi amagsoho ariroho suruk amiek ulug An demat yig hisaruk ahi-o. Eke fobik yi angge di angge kweanmon epmano obog sohorep isalug, hinibam boholma welamuhup ambeg epmano ninim welamuk ulug yig hisahu-o.

Lukas 9:50

eke At Yesusen Yohanes inim, it omini nin epmano inim yig isaruk wilil, “Hiren ariroho winimug yig isa fug-o. Eke it hinim healeg welahep fuhon epmano fanoroho-at hinim dambulig welamuk-o,” ulug yig isebag.

Yakobus 4:4

Eke hit hinindi fanoroho ebetuk ahep fug-o. It kweanmen dag surukon epmano ninim dambuksoho wereg nisalug, At Allahen sohorep nisaharuk-o. Eke it kweanmen dag surukon epmano nomin ulug inim wereg isalug, ari At Allah inim healeg wereg-o.