Lukas 15:7 - Allah Wene Hurumbik Keron

⁷ eke at ap dahon misig ioba yatuk atlug, indi wereg atuk halug, it boholmon inahien anggolo haruk-o. Eke it sembilan puluh sembilan ninindi wereg ulug inahla burukon epmano fam it boholmon inahien dorat haruk-o, ulug An demat yig hisaruk ahi-o,” ulug At Yesusen yig isebag.

Lukas 15:7 Iomraidhean Croise

Matius 18:13

Heahil nuruk wilil, fobik arat heag saruk atisireg, it wam domba inebe sembilan puluh sembilan nuk atusa fuhon epmano at ahien inobam dorat haruk wilil, misig heag sarision etno ahien anggolo-at harisi-o.

Matius 3:8

Hit aphe inindi wereg atuson ilitoho ang­gen fano­won-at yihie­k-o.

Lukas 15:10

it Allah malaikat epmanowen at dag surukon misig ioba yatuk atlug indi wereg atuk halug, inahien haruk-o,” ulug At Yesusen yig isebag.

Lukas 15:29

Yig itision oke, at amloho manggia etnowen ikni yig ituk wilil, ‘Eleg-o, an hanggimbu neken wilil, tahun anggolo heyabuk fanoroho surukmu hune yig nitikinon epmano arat holtuk atikik-o. Holtuk atikikon oke, haren nongge og nitikin-o? Eke an nomini ninim esoho esebukag ulug wam kambing misig og nitikin fug-o.

Lukas 15:32

Ari halug kidia ninahien haruk wilil, darlo suon nul-o. Eke hat hot bilin nuk atision etno ebe wareg neken eleg welatisireg, kidia kik wahama, heag sehe-o,’ ulug at ikni etnowen amloho manggia etno yig itisi-o,” ulug At Yesusen yig isebag.

Lukas 15:6

ibam ombata laruk atisireg, omini epmano wonggal inaptisi-o. Wonggal inaptuk atisireg, yig isaruk wilil, ‘An nanggom domba nuk atision etno arat heag sihireg fam, ninim obog-at ninahien hul-o,’ ulug yig isarisi etno hag,

Lukas 15:8

At Yesusen yig isaruk wilil, “Eke at hwe misig uang anggen inebe sepuluh weregma, misig nuk atuk halug, keroho suruk buruk ahep-o? At hwe uang anggen unde etnowen eral fisako, ibam obog yi angge di angge haloko umbulug, belalma inim, umbo inim osilama inim obog-at heaharuk-o.

Lukas 16:15

Ahunda yatuk apagma, At Yesusen yig isaruk wilil, “Hiren aphe inil fam nit fano ulug uruk ahebon oke, hinindi fam ebetuk ahebon epma At Allah iluk wereg-o. Eke it apheyen du suon ulug inahla burukon oke, At Allahen du ebe doron-at heheg uruk ulug ahla buruk-o.

Lukas 5:32

Eke it ap inindi yuhun-at werehon halug inayonggo imbiog ulug An waharikik fug-o. It dag surukon halug inindi werehep isaruk wilil inayonggo imbiog ulug waharikik-o,” ulug yig isebag.

Roma 7:9

Eke wene duroho suruk amuk eke duroho suruk am fug ulug ebahon etno napeleg wilil, nebe niluk welatikikon oke, eke fobik wene duroho suruk amuk eke duroho suruk am fug ulug ebahon etno fam alem du dag surukon-o, ulug niluk atuk atikikseg,