Lukas 15:5 - Allah Wene Hurumbik Keron

⁵ Fobik arat heag saruk atisireg, ahientoho omalo fam haroho holalug,

Lukas 15:5 Iomraidhean Croise

Lukas 15:32

Ari halug kidia ninahien haruk wilil, darlo suon nul-o. Eke hat hot bilin nuk atision etno ebe wareg neken eleg welatisireg, kidia kik wahama, heag sehe-o,’ ulug at ikni etnowen amloho manggia etno yig itisi-o,” ulug At Yesusen yig isebag.

Lukas 15:4

“Ap hiron misig anggom domba seratus weregma, misig nuk atuk halug keroho suruk-o? At ap etnowen wam domba inebe sembilan puluh sembilan isinggangge naruk ambeg epmano imbisalug, misig nuk atision etno heahil larisi-o.

Lukas 15:6

ibam ombata laruk atisireg, omini epmano wonggal inaptisi-o. Wonggal inaptuk atisireg, yig isaruk wilil, ‘An nanggom domba nuk atision etno arat heag sihireg fam, ninim obog-at ninahien hul-o,’ ulug yig isarisi etno hag,

Lukas 19:9

Yig ituk apagma, At Yesusen yig ituk wilil, “Hat hebe Abraham etamu-at welahen halug, inili warukon etno o yoho hat hobam hombahaki-o.

Lukas 23:43

Yig ituk apagma, eke At Yesusen yig ituk wilil, “O yoho hat ninim At Allah weregma kulen ulug demat yig hituk ahi-o,” ulug yig epag.

Yohanes 15:11

ulug Anden yi wene di wene obog-at yig hisihi ari, Anden hit nahien hisaruk nealug, hiren An hinahien nearuk amuhuben ulug yig hisihi-o.

Efesus 2:10

Eke At Allahen ninebe wal haruk apareg, fobik At Kristus Yesus ninim dambuk ninapareg fam, niren fanoroho sukag ulug ninebe ninindi inim keron wal harisi-o. Eke nit ariroho ninobabut fano welamag ulug Aren-at fuloko ninombisahabag-o.

Efesus 3:7

Eke an wene yig isil lawag ulug noag weregsoho nombaharisireg, og nitisi etno fam wene fano wene etno anggimbu neken welahi-o.

1 Tesalonika 1:5

Eke bilin wene fano wene etno yig hisa waharuk wilil, ninuneyen yig hiseheg, eke At Roh Kudusen og nisarukmu oag werehon etno fam yanggul hiseheg, eke hiniluk amag ulug wene du demat-o ulug yig hiseheg surukuk-o. Eke nit ninebe hit hinahla wilil, keroho neken welatukuk etno hit hiniluk-o. Eke ariroho welatukuk ari hit hinake-at welatukuk-o.

2 Timotius 2:26

at iblis ahale elma epmanowen hite wilip amuhup-o. Eke at iblis etnowen it aphe epmano bilin hele warep isarisireg, at iblisen yig itukmu ilitoho suruk amag ulug yig isarision oke, hite wilip amuhup-o.

Ibrani 12:2

Ariroho suruk wilil, nit ninindi demat ulug ebetuk amuhuken At Yesus ninolohot fil lebahon etno-at ninilanggen fikfag wenaharuk amuk-o. Eke At etno An e fam lenggaloko nowabuhup ulug akolen bok apag fug-o. Eke At etno An fobik nahien anggolo hahuk-o, ulug ahla buruk wilil, e fam lenggaloko waramon etno ari hai ulug ahla ebebuk sohorep isalug fanowon unug epahon etno holaruk apareg, At Allah horieg wereg ambeg inggik bikit fil horieg wereg-o.

1 Petrus 1:5

Eke hit Allah wene warukmu, hinindi oag weregsoho wahubon etno fobik At udaki fanoma imbisiog ulug weregma, fanowon og hisawon epmano dugsoho hinombisaharuk-o.