Lukas 14:11 - Allah Wene Hurumbik Keron

¹¹ Eke it aphe inonggarehen suontepatarukon halug, seberep isahu-o. Eke it inonggarehen seberepatarukon halug, suontep isahu-o,” ulug yig isebag.

Lukas 14:11 Iomraidhean Croise

Matius 23:12

Eke it suontepatarukon epmano dorontep isahu-o. ­Eke it seberepatarukon epmano suontep isahu-o,” ulug yig isebag.

Lukas 1:51

Eke At inggik oag werehon etnowen it aphe inindimuen suontepatarukon halug inebe mondog elegsoho imbiseheg,

Lukas 1:52

eke it ap inowe suon neken minduhuk werehon epmano horiep iseheg, eke it inonggarehen seberepatarukon lehep iseheg suruk-o.

Lukas 14:12

Yig isaruk apareg, eke At Yesusen ap misig aohi esetukon etno yig ituk wilil, “Haren inaohi esetuk wilil halug, howe not inim, hasuki inim, homini inim, eke it inaharek werehon epmano inim, esoho ninim nulen ulug yig isa fug-o. Fobik iren inaohi esetuk wilil, hat onggo esag humuog ulug esoho ninim nulen yig himuhup-o.

Lukas 18:14

Yig ituk apagma, aren an dag suruk ahion ulug yig epag etno fam, At Allahen indi fanorepfebagma, ibam lebag, ulug anden yig hisaruk ahi-o. Halug, at bilin sebag ari hag, it inonggarehen suontepatarukon epmano fobik seberep isahu-o. Eke it inonggarehen seberepatarukon halug, fobik lehep isahu-o,” ulug At Yesusen yig isebag.

Yakobus 1:9

Eke at ninomin aharek elehon etno At Allahen yi angge di angge og ituk halug, indi ahien hawag-o.

Yakobus 4:10

Eke At Allah il fam hinonggarehen seberepataruk hisalug, aren lehep hisahuk-o.

Yakobus 4:6

Eke nindi nindi urukon epmano arat og nisarision oke, obam seberoho ninobabut fano welamon etno og nisarision ari, Alkitab fam yig nisaruk wilil, “Ap nin inonggarehen suontepatarukon halug, At Allahen seberep isahu-o. Eke it ap nin inonggarehen seberepatarukon halug, suontep isahu-o,” ulug holal embebahon etno fam yig nisaruk-o.

1 Petrus 5:5

Eke ari halug, hit ap elege epmano it inanggohon inune holtuk amiek-o. Eke it inapma wilil, neyabuk du seg nimin-o, ulug yig hisaruk isalug, it inune fanoroho holtuk amiek-o. Ariroho sukag ulug Alkitab fam wene holal embebahon du hit hiniluk-o, “It inonggarehen suontepatarukon halug, fobik At Allahen seberep isahu-o. Eke inonggarehen seberoho werehon halug, fobik At Allahen suontep isahu-o,” ulug wene holal embebahon etno hinuluk weregma,

1 Petrus 5:6

fobik At Allah oag werehon etno ahla bulug suontep hisahaku-o. Hit kidia an doron ulug seberepataruk amiek-o.