Lukas 13:13 - Allah Wene Hurumbik Keron

¹³ inggiken ungguluag sen haruk apagma, hwe etno esanggo holtuk apareg inggik iog mot hebag. Mot haruk apareg, At Allah inuk-at suontepfuruk apag.

Lukas 13:13 Iomraidhean Croise

Matius 9:8

Ibam larukmu, it aphe epmanowen inilanggen haruk apareg, inakolen At Allah inuk suontepfuruk wilil, “At Allahen aphe inindi enggaron-at minduhup isaruk-o,” ulug At inuk-at suontepfebag.

Markus 16:18

Ariroho suruk wilil, eke walo muluk neken ininggik senereheg, eke imag wareg neken nenggeg suhubon oke, etno fam waramuhup fug-o. Eke it uk warehon epmano hininggik sen inaptuk hisalug fano amuhup o,” ulug yig isebag.

Markus 5:23

“Yesus wai, an nahaloho uk wareg wilil wararikon-o. Ari halug iluk amagsoho Haren ungguluag hinggik seneg wilil fano simihinen ma-o,” ulug yig ituk mondog-at werehen inim lebag.

Markus 6:5

Yig isaruk apareg, o epmen Aren sukfuganggeroho sukon etno hai atuken sohorep isawon oke, ap misig misig uk waregma, inggik senep isalug, fano inaptuk apag.

Markus 8:25

Yig ituk apagma, At Yesus etnowen fobik ilanggenma inggik sebe hebag. Sebe haruk apagma, ilanggen fenggen ariug ulug neken suruk apareg, demat fenggen apag. Fenggen atuk apareg, yi angge di angge obog-at fanoroho ilanggen hebag.

Lukas 13:12

Kunukseg weregma, At Yesusen ilanggen haruk apareg, yig ituk wilil, “Hwe du wai, hat uk hobam werehon etno eleg amag ulug yig hituk ahi-o,” ulug yig ituk apareg,

Lukas 18:43

ilanggen buhon etno arat fenggen atuk apareg, Allah inuk suontepfuruk wilil, At Yesus inim lebag. Inim larukmu, it apheyen inilanggen haruk apareg, it obohen At Allah inuk suontepfebag.

Lukas 4:40

Ariroho weregma, eke fobik o hupmu, mo amburuk heheg, it obohen inomini uk warehon epmano At Yesus ambeg imbisa lebag. Imbisa laruk apagma, At Yesusen inggik inobam sen isaruk apareg, it obog fano inapag.

Kisah Para Rasul 9:17

Yig ituk apagma, at Ananias o etno kik waharuk apareg, at Saulus ungguluagma inggik embebag. Inggik umburuk wilil, “Nare Saulus wai. An At Yesusen lahap nabik waha-o. Eke hat o duma wariog ulug At Yesus kwalemen harikinon etnowen hilanggen fenggenep hahalug, Roh Kudus og hemag ulug lahap nabik waha-o,” ulug yig ituk apagma,