Lukas 12:2 - Allah Wene Hurumbik Keron

² Yi angge di angge heraho werehon epmano fobik selegma aruhu-o. Eke herako urukon epmano fobik iniluk amuhup-o.

Lukas 12:2 Iomraidhean Croise

Markus 4:22

Eke yi angge di angge nin herahoma wereg halug, selegma umbuhup-o. Eke yi wene di wene inindimu heraho werehon bukaloko yig isahup-o.

Lukas 8:17

Yi angge di angge herahoma werehon selegma umbukag ulug wereg-o. Eke yi wene di wene inindimu heraho werehon selegmen bukalukag ulug alem heahaku-o.

Roma 2:16

Eke ari halug, o ari sambit At Allahen At Yesus Kristus inuk fam it yi aphe di aphe obog inindimu herako ebetukon etno selegmaroho bukaloko umbulug inoag del inabuhu-o, ulug an wene fano wene etno fam yig hisaruk ahi-o.

1 Korintus 4:5

Eke hit At Ninowe inuk suon awan waharuk eleg heheg, hiren aphe inoag del inabuk fug-o. Eke At Ninowe inuk suon etno o ari sambit waharuk aruhureg, o hubanggo neken werehon etno selegma embeheg, eke it aphe inindimuen herako ebetukon epmano selegmaroho imbiseheg suhu-o. Ariroho suruk aruhureg, At Allahen o ari sambit aphe inakeleg inakeleg ininuk suontep isahu-o.

2 Korintus 5:10

Eke nit obog At Kristusen ninoag del ninabukag ulug At wereg ambeg minarik lahukmu, nit ninebe o kweanma duma wilil suruk atukukon epmano onggo ilitoho-at og nisahu-o. Ariroho og nisaruk wilil, fano suruk atukukon halug, o fanowon etno heag niseheg, eke dag suruk atukukon halug, o dahon etno heag niseheg suhu-o.