Lukas 11:9 - Allah Wene Hurumbik Keron

⁹ Eke hit sembahyang kino uruk hisalug, og hisahu-o. Hit heaharuk hisalug, heag hisahu-o. Hit sok kik haruk hisalug, hut hisahu-o, ulug An demat yig hisaruk ahi-o.

Lukas 11:9 Iomraidhean Croise

Matius 21:22

Eke hiren sembahyang kino uruk wilil, hinindi demat ulug ebetuk hisalug, og hisahu at-o,” ulug yig isebag.

Matius 21:31

Ari halug, it biren ariroho ebahon etno at sa hag iniknien yig isebahon etno ilitoho sebag buruk ahep-o?” ulug At Yesusen yig isaruk apagma, eke it etnowen yig ituk wilil, “At owe etno hag ilitoho sebag buruk ahe-o,” ulug yig epag. Yig ituk apagma, eke At Yesusen yig isaruk wilil, “Ari halug, Anden yig hisamin-o. It ap uang onggo kino urukon etno inim, eke it hweap yuhun-at wanggik surukon etno inimen hit hinebe fobiksep hisahalug, it dag bilin o Allah wereg ambeg epmano kuhup-o.

Matius 6:29

Eke at Salomo etno aharek anggolo-at welapahon oke, asum fanowon e hali hali anggen hahon wantebag fug-o.

Markus 11:24

Ariroho yig hisihi ari, hit sembahyang uog ulug yi angge di angge kino uruk atlug, fobik hinindien arat wihi-o, ulug demat ebetuk hisalug, og hisahu at-o.

Markus 13:37

ulug hit yig hisihion etno it aphe obog-at yig isaruk ahi-o,” ulug yig isebag.

Lukas 11:10

Eke ari hag, it aphe obog sembahyang kino uruk isalug, og isahu-o. Heaharuk isalug, heag isahu-o. Sok kik haruk isalug, hut isahu-o.

Yohanes 14:13

Eke hiren An ninuk fam duroho sin ulug uruk hisalug, suruk aruhuk-o. Ariroho suruk aruhuk ari, An Nikni inuk etno An Amlohoen suontepfiog ulug-at suruk aruhuk-o.

Yohanes 15:16

Eke An nebe hiren imig naptikip fug-o. Hit hag anggen fanowon itog mondog welamon yihikeg, eke o ahik ya da epmano yig isil laheg suruk amag ulug Anden imig hinaptikik-o. Eke hit An ninuk fam At Nikni etno ambeg ariroho simihin ulug kino yig ituk hisalug, Aren suhu at-o.

Yohanes 15:7

Eke hit hag An ninim hunduhuk wilil, nawene yig hisaruk atikikon epmano fanoroho waruk amuhupseg, hiren yi angge di angge epmano ariroho sin-o, ulug sembahyang uruk hisalug, Aren suhu at-o.

Yohanes 4:10

Yig ituk apagma, At Yesusen yig ituk wilil, “An nebe At Allahen belap nabik waharision etnowen ik naminen honang nimin ulug yig hirihion etno haren An nebe ap du at ulug hiluk welatlenmen, haren An nambeg ariroho kino yig nitlenma, Anden ik ilukon etno og hetle-o,” ulug yig epag.

Roma 2:7

Eke it aphe nin fanowon epmano suruk wilil, At Allah nabelal habelal og nisawag ulug obam inindi ebetukon epmano inim, eke fano surukon epmano inim, At Allahen mondog iniluk welamag ulug og isahuon oke,

2 Korintus 6:2

Eke At Allahen yig hisaruk wilil, “Anden hinabua hisarikik etno sambit hinune nesanggo holtikik-o. Eke hinili og hinaptuk ahi etno sambit yalmag hinaptuk ahi-o,” ulug ariroho yig hisaruk ari, Aren hinabua hisaruk etno kidia-at suruk-o, eke hinili og hinaptuk etno kidia-at suruk-o.

Ibrani 11:6

ap misig indi demat ulug ebetuk eleg halug, At Allah ahien neawag ulug suruk eleg-o. Eke it yi aphe di aphe At Allah ambeg wamuog ulug surukon epmano it obog At Allah demat wereg ulug inindi ebereheg, eke nin ebe heaharuk nisalug, onggo fanowon-at og nisahu ulug inahla beheg suruk amag-o.

Ibrani 4:16

Ari halug, nit ninoag weregsoho welamuk-o. Ariroho wilil, At Allahen ninabua nisaruk ambeg epma-at laruk amuk-o. Ariroho laruk nisalug, fanoroho yalmag ninabukag ulug ahmu nisawon etno inim, eke ninabua nisawon etno inim obog-at heag sahuk-o.

Yakobus 1:5

Eke at misig indi fanoroho ebetuk elehon hinim wereg hisalug, At Allah obam sembahyang uruk wilil, “Nindi fanoroho ebebukon etno-at og nimin-o,” ulug sembahyang urukmu, At Allah yi angge di angge anggolo og nisarukon etnowen og hiruhu-o.

Yakobus 5:15

Uruk amuhupmu, demat ulug inindi ebetuk isalug, At Ninowe etnowen ap etno fano suhu-o, fano suruk aruhureg, ap etnowen dag surukon epmano sohorep isalug, obam apelegsoho apma umbuhu-o.

1 Yohanes 3:22

Eke At Allahen komo yig nisarukon etno ilitoho suruk nisalug, Aren ahien ninobam umburuk wilil, niren kino uruk aheon epmano og nisaruk-o.

Wahyu 2:24

Eke hit aphe nin Tiatiraon halug, dag wene etno hinesanggo holtuk eleg wilil, At iblisen wene heako ebahon etno warikip fug-o. Weheg eleg welatikip ari fam Anden angginon epmano hinobam umbuhuk fug-o.