Lukas 11:4 - Allah Wene Hurumbik Keron

⁴ It onggo og nisawag ulug werehon epmano inobam inapelegsoho ninapma imbisaruk ahe etno hag, Haren nit dag suruk aheon epmano ninobam ninapelegsoho hapma ninombisahuk-o. Eke ninindi kahalik waharukim, iblis lisoko wilipfin-o,’ ulug ihi etno ilitoho hit sembahyang uruk amuhup-o,” ulug yig isebag.

Lukas 11:4 Iomraidhean Croise

Matius 18:35

Ariroho sebag etno hag, hit obog hinakeleg sik hinindien it hinomini nin dag surukon epmano inobam inapelegsoho imbisahup fug halug, At An Nikni boholmon etnowen hit ariroho-at war hinabuhu-o,” ulug At Yesusen yig isebag.

Matius 26:41

Ari halug, hit dag sukag ulug hinindimu kahalik wam nowen hinilanggen yaharoho wilil sembahyang-at uruk amuk-o. Eke hinindimuen du suk fano ulug buruk ahebon oke, hininggik fam sukon etno hinahlahi atuk-o,” ulug yig isaruk apareg,

Lukas 11:5

Yig isaruk wilil, “Hat misig hubanggo homanoho ilimbul homin ambeg lalug, yig ituk wilil,

Lukas 13:4

Eke it ap inebe delapan belas o Siloamen e kayo belarohon satnogsoho waharuk wilil, war inaptision epmano hag dahon, eke it Yerusalem ap iniluk werehon epmano hag fanowon ulug hinahla buruk ahep ano?

Lukas 22:46

Isaruk apareg, yig isaruk wilil, “Hit nohoruk ahep ari, keroho ulug nohoruk ahep-o? Hit hinebe minatlug, hiren dag sukag ulug hinindimu kahalik wam nowen sembahyang uruk amuk-o,” ulug yig isebag.

Lukas 8:13

Eke i angge helep dalegma kililtil lebag etno hag ari it apheyen wene etno inesanggo holtug inindi inahientoho waruk oke, eke wene etno inindimu mondog welamag ulug eberoko weheg eleg elamna-at waruk wilil, fobik inindi kahalik waharukmu, sohorep isaruk-o.

Yohanes 17:15

Eke it inebe epmano o kweanma dumen fuloko og inaplug o misig imbisawag ulug yig hirihi fug-o. Ariroho yig hirihi ari, at setan dag surukon etnowen inindi kahalik wam nowen ulug-at yig hirihi-o.

1 Korintus 10:13

Eke hinindi kahalik wamon etno hag, it yi aphe di aphe obog-at inindi kahalik waharuk halug, hinindi oag eleg am nowen ulug, At Allahen bilin hurumbik yig hisebag etno ilitoho maha hinombisahaku-o. Eke at misihen hinindi kahalik waharuk halug, hinindi oag weregsoho welamuhuben ulug, At Allahen hinili wahu-o.

Kolose 3:13

Eke hit winimug abeheg eleg wilil, hinomini yalmag inaptuk amiek-o. Eke At Allahen hit dag suruk atikibon epmano hinapelegsoho apma hinombisaharisi halug, hit ariroho hinebe healeg neken welam fug-o.

2 Tesalonika 3:3

Eke At Allahen ebahon etno ilitoho-at suhu-o. Eke Aren hit hinindi oag werehep hisaharuk wilil, at ap dag surukon hinapma seberepfuhu-o.

2 Timotius 4:18

Eke it apheyen dahon epmano nobam umburukmu At Allahen nili waruk aruhu-o. Nili waruk aruhureg, boholma At wereg ambeg epma nombahaku-o. Ari halug At inuk-at nintul nantul suontepfuruk amuk-o, ulug an demat yig hisaruk ahi-o.

Yakobus 2:13

Eke ap misihen aphe inabua isaruk elehon halug, At Allahen abua hahu fug-o. Eke inabua isarukon halug, At Allahen abua hahu-o.

Wahyu 2:10

Ari halug, iren yi angge di angge dahon hinobam umbuog ulug suruk isalug, hinakol isa fug-o. Eke hit nin at iblis etnowen hinindi kahaliug ulug aphe dahon imbi­saruk ambeg epmano kolap hisahureg inggik nomaloen angge fam dahon etno hinobam umbuhuon oke, eleg aruhu-o. Eke hit hag, waram ninakol eleg-o, ulug uruk hisalug, hiniluk welamon etno og hisahuk-o.

Wahyu 3:10

Eke hit Anden yig hisaruk seag etno ilitoho hinindi oag weregsoho welatikipseg fam, fobik it aphe o kweanma werehon obog inaren bal inabiug ulug dahon etno o ahik ya da obog in­obam umbu­ruk aruhumu, Anden hinili wahuk-o.