Lukas 10:42 - Allah Wene Hurumbik Keron

⁴² sohorep isalug ebe misig hindimu ebebuk fano. Eke at Maria etnowen ebe fanowon etno imihikekseg fam, mondog-at holahu-o,” ulug yig epag.

Lukas 10:42 Iomraidhean Croise

Markus 8:36

Eke hit o ahik ya da yi angge di angge obog unde welamuhup etno fam fobik waram ari fano buruk ahep ano? Ari eleg-o.

Lukas 10:39

Esetuk heheg, at ot Maria etno At Yesus ambeg inim horieg wilil yanggul isebahon epmano esanggo holfag.

Lukas 11:1

Eke fobik At Yesus etno o misig sembahyang ebag. Uruk apagma, At omin misihen yig ituk wilil, “Ninowe-o, at Yohanesen omini sembahyang ukag ulug yanggul isarisi etno hag nit yanggul nisimin-o,” ulug yig ituk apagma, eke At Yesus etnowen yig isaruk wilil,

Lukas 12:20

Ahla buruk apareg weregma, eke At Allahen yig ituk wilil, ‘Hat kimbu angge neken buruk ahen du, o yoho nohoruk wilil, warapmihin-o. Waratuk apmihinmu, haharek ombataruk ahi buruk ahenon epmano sen unde aruhu-o?’ ulug At Allahen yig epag-o.”

Lukas 12:33

Eke hinaharek anggolo wereg halug, uang anggen anggolo fam onggo baloko it inaharek elehon epmano og isaruk amiek-o. Eke hinahuang eset fanowon umburuk ahep etno hag, boholma hinaharek ombataruk amiek-o. Epmen hinaharek epmano olohore dag aheg eleg weregma, it ap heraharukon epmanowen diloko herag seheg eleg, bak sumbuen baleheg eleg surukmu, fano mondog wereg-o.

Lukas 16:2

Yig ituk apagma, at etnowen anggimbu etno wol haruk apareg, yig ituk wilil, ‘Haren suruk ahenon etna keroho yig nitusa-o? Halug, haren neyabuk suruk wilil, uang anggen og isaruk atikinon epmano fikfag dindiloko yig nipmihin-o. Yig nituk healug, hat fobik an nanggimbu neyabuk surukon welaruhun fug-o,’ ulug yig epag-o.

Lukas 16:25

at Abraham etnowen yig ituk wilil, ‘Namloho-o, hat hiluk wilil, yi angge di angge fanowon epmano obog seneg wereg heyeheg, at Lazarus yi angge di angge dahon obam welatisi etno hag, kidia hat o hondok olokma wereg heyeheg, at Lazarus duma wilil, ahientoho ninim welahe ari hindi eberin-o.

Lukas 18:22

Ulug yig ituk apagma, At Yesus etno esanggo holtuk apareg, yig ituk wilil, “Hat wene misig du-at waruk ahen fug hiyihi-o. Wene ebe waruk ahen fuhon ari, hat yi angge di angge anggolo werehon epmano nin uang anggen onggo baloko, it aphe inaharek elehon epmano sumbut isimin-o. Og isaruk healug, hat haharek boholmen anggolo-at og hiruhu-o. Ari halug, An ninim sil nuruk amuhuken ma-o,” ulug yig epag.

Lukas 8:18

Ari halug, hinesanggo fanoroho holtuk amiek-o. Ap misig aren angge dot wereg halug ari obam seberoho og iruhu-o. Eke aren angge eleg halug ari an naharek dorat wereg ulug ahla burukon oke, aharek dorat etno diloko neken wahu-o,” ulug yig isebag.

Yohanes 11:1

Eke fobik ap misig inuk Lazarus, ibam o Betania werehon etno uk wareg welapag. Eke o Betania at hweap Maria, ot Marta etno inim inibam welapag.

Yohanes 11:19

Ariroho weregma, it Marta Maria inowe warapag etno fam, obok yabuog ulug it Yahudi ap epmano obog-at wapag.

Yohanes 12:3

Horieg weregma, at hwe Maria etnowen ambusu amben fanowon sohorluk fam honanggo weregma onggo anggolo fam hundutukon etno waruk apareg, At Yesus iog fam delepfebag. Delepfuruk apareg, at iruk fam ho sebag. Ho suruk apareg weregma, ambusu amben fanowon etno o epmano obog keleg apag.

Yohanes 17:3

Eke iniluk welamon etno og isaruk ahi ari, Hat Allah hakeleg-at suon welahenon etno inim, eke At Yesus Kristus lahap nabik waharikinon etno inim obog-at iniluk ari fam, iren iniluk welamon etno holaruk-o.

Yohanes 4:14

Eke it aphe obog ik Anden og isahukon etno nahup halug, fobik obok hahup fug-o. Ik Anden og isahukon ari, eleruk inindimuen funaloko wilip atuk halug, ik ilukon etno anggolo aruhu-o. Anggolo atuk halug, etno fam iniluk welamon etno holahup-o,” ulug yig epag.

Yohanes 5:24

Yig isaruk apareg, eke fobik yig isaruk wilil, “An wene demat urukon etno yig hisamin-o. Eke it obohen An nawene urukon etno inesanggo holtuk wilil, At lahap nabik waharision etno obam ebetuk isalug ari, iniluk welamon etno-at holaruk-o. Ariroho holaruk isalug, it inebe warehon ilitoho werehon epmano arat inilukep isarisireg fam, fobik oag deloko o dagma imbisahu fug-o.

Yohanes 6:27

Ariroho heag nabil wahebon oke, hit orom filik atukon etno-at nuog ulug yabuk suruk am fug-o. Orom filik atuk elehon ari hiniluk welamon etno-at huluog ulug suruk amuk-o. Orom filik atuk elehon ari hinim hiniluk welamon etno-at nuog ulug suruk amuk-o. Orom ebe ari An Allahen minduhup naharision etnowen-at og hisahuk-o. Ariroho og hisahuk ari, At Nikni Allah etnowen-at nebe suon welamag ulug minduhup nahabag-o,” ulug yig isebag.

1 Korintus 13:3

Eke an naharek epmano obog-at sumbut iseheg, eke an nebe hondok yal nabukag ulug imig seheg suruk wilil, nindi hunduhuk eleg welatlemen, fanowon etno ombatele fug-o.

Galatia 5:6

Eke nit At Yesus Kristus ninim hunduhuk wereg nisalug, wene niniyunggul ambilik balukon etno alem eleg neken wereg-o; eke nit At Kristus obam ebetuk wilil, ninim hunduhuk welahe etno fam wene Aren ebahon etno ilitoho sukon ari alem suon neken-at wereg-o.