Lukas 10:21 - Allah Wene Hurumbik Keron

²¹ Eke fobik At Yesus etno Roh Kudus etno indimu kuruk apagma, ahien anggolo haruk apareg, uruk wilil, “Nikni-o, Hat hebe boholma kweanma Inowe suon welahen-o. Ariroho wilil, Haren it ap An niluk ulug inahla burukon epmano yig isao sohorep isalug, it inapelehon epmano yanggul isarikin ari famen wa ulug yig hituk ahi-o, Nikni. Haren hahien isaruk wilil, fuloko imbisarikinteg yig isarikin-o.

Lukas 10:21 Iomraidhean Croise

Matius 16:17

Yig ituk apagma, At Yesusen yig ituk wilil, “Simon Yunus amloho wai, At Allah ahien hobam umburuk hihi-o, haren demat ariroho ehen ari, ap misihen yanggul hitukmu ehen fug-o. An Nikni boholma werehon etnowen hat hakeleg yig hitukmu ehen-o.

Matius 21:16

Inambit haruk apareg, At Yesus etnowen yig isaruk wilil, “It udag duen urukon du Hat hesanggo holtuk ahen ano?” ulug yig epag. Ariroho yig ituk apagma, At Yesus etnowen yig isaruk wilil, “An arat nesanggo holihi-o. Ariroho holihion oke, eke wene misig du, ‘It udag dot inanggohon etno inim, eke it udag fuangge etno inimen An ninuk suontepfukag ulug yanggul isarikin-o,’ ulug wene ebahon etno wane sirikip fureg uruk ahep ano?” ulug yig isebag.

Matius 3:7

Eke ariroho ikma belap inaptuk weregma, it Farisi Saduki ap ang­go­lo inim ikma belap ninabukag ulug at ambeg waha­rukmu i­langgen isebareg, yig isaruk wilil, “Hit walo udaki du. At Allahen aphe dahon asine inobam imbisahu ambehen hite aliek ulug sen yig hisehek-o?

Markus 10:15

Eke it udag doronen Allah wene waruk ari hag, hit ariroho nintul nantul waruk amuhup fug halug ari, At Allah wereg ambeg kuhup fug-o, ulug An demat yig hisaruk ahi-o,” ulug yig isebag.

Lukas 15:5

Fobik arat heag saruk atisireg, ahientoho omalo fam haroho holalug,

Lukas 15:9

Eke fobik ebe arat heag saruk atlug, omini obog wonggal inaptuk-o. Wonggalep isalug, yig isaruk wilil, ‘An nowang anggen nuk ahawon etno heag sihireg fam, ninim ninahien hul-o,’ ulug yig isaruk etno hag,

Yohanes 11:41

Yig ituk apagma, it epmanowen helep sok larehon etno husoko wilipfebag. Wilipfuruk apagma, At Yesus etno ilanggen kolap haruk apareg, uruk wilil, “Nikni wa, An nune yig hituk nealug, Hat hesanggo holtuk ahen-o.

2 Korintus 4:3

Eke wene fano wene yig isaruk aheon etno wene du herahowon-at yig nisaruk-o, ulug it aphe o dagma lahubon epmanowen-at uruk-o.

Efesus 1:11

Eke At Allahen yi angge di angge ariroho seg aruhu ulug ahla bebahon etno ilitoho-at seg aruhu-o. Eke At Allah bilin ahla buruk apareg, ariroho suhuk ulug ahla buruk wilil, it inebe dia Inowe At Kristus welaruhu-o, ulug At Allah udaki welamag ulug Aren fuloko ninombisahabag-o.

Efesus 1:5

Eke At Allah indi hunduhuken heako ninombisahabareg, At Yesus Kristus inuk fam At udaki inim welamon heako ninombisahiog ulug fuloko ninombisahabag-o. Ariroho fuloko ninombisahabag ari, At ahien haruk wilil, At akeleg-at ahla buruk apareg, fuloko ninombisahabag-o.