Lukas 10:16 - Allah Wene Hurumbik Keron

¹⁶ eke fobik At omini epmano yig isaruk wilil, “It hit hinune inesanggo holtukon halug, An nune-at holtuk-o. Eke it ninen hit inapmarep hisaharukon halug, An nebe-at inapmarep naharuk-o. Eke it An inapmarep naharukon ari, An lahap nabik wapahon etno-at inapmarepfuruk-o,” ulug yig isebag.

Lukas 10:16 Iomraidhean Croise

Matius 10:40

At Yesusen yig isaruk wilil, “Ap misihen ninim welamulen ulug yig hisaruk halug, An nebe-at ninim welamulen yig nituk-o. Eke An nebe ninim welamulen yig nituk isalug, At lahap nabik waharision etno-at ninim welamulen yig ituk-o.

Matius 18:5

It udag nin ariroho-at An ninuk baloko og inaptuk amuhupseg, heahi war inaptuk hisalug, An nebe-at og nabuhup-o,” ulug yig isebag.

Markus 9:37

Eke An nebe og nabuhup halug ari, At lahap nabik waharision etno-at wahup-o,” ulug yig isebag.

Lukas 9:48

yig isaruk wilil, “It udag nin ariroho-at An ninuk baloko og inaptuk amuhupseg, heahi war inaptuk hisalug, An nebe-at og nabuhup-o. Eke An nebe og nabuhup halug ari, At lahap nabik waharision etno At wahup-o. Eke ap misig hinanggelegmen seberepataruk halug, fobik suon welaruhu-o,” ulug yig isebag.

Yohanes 12:44

Eke fobik At Yesus etno une suon yig isaruk wilil, “It yi aphe di aphe obohen An nobam ebetuk ari, An nakeleg-at nobam ebetuk eleg-o. At lahap nabik waharision etno inim-at obam ebetuk-o.

Yohanes 12:48

Ari halug, it aphe ninen An nobam ebetuk eleg wilil, An nawene ninambit-o, ulug uruk isalug At misihen inoag deloko imbisahu-o. Ariroho imbisahu ari, wene Anden yig isaruk ahion etnowen-at inoag deloko imbisahu-o.

Yohanes 13:20

Ariroho yig hisihireg fam, wene demat uruk amon etno yig hisamin-o, “It aphe ninen An nanggimbu lahap isa waharuk ahion epmano demat ulug heahi war inaptuk isalug, An nebe-at heahi war naptuk-o. Eke An nebe heahi war naptuk isalug, At lahap nabik waharision etno-at heahi watuk-o,” ulug yig isebag.

Kisah Para Rasul 5:4

Eke hawen amig etno onggo baltuk elegma, haren angge-at welatisi-o. Eke fobik hawen amig etno onggo baltuk wilil, uang etno hat-at og hitusa-o. Uang umburuson etno haren angge-at atisi oke, hat keroho ulug hindimuen an eleg uruk ahen-o? Hat ehen ari aphe inobam henggal ehen fug-o, At Allah-at obam henggal ehen-o,” ulug at Petrusen yig ituk apagma,

Galatia 4:14

Eke an nebe uk wareg wilil, noag elegsoho-at yig hisarikikon oke, hiren ap uk warehon du bik hao ninambit ulug hinambit hun naptikip fug-o. Eke At Allah malaikaren yig hisarukmu wao hag, anden yig hisarikikon etno warikip-o. Eke At Kristus Yesusen yig hisarukmu wao hag, anden yig hisarikikon etno warikip-o.

1 Tesalonika 4:8

Eke ap misihen wene ebe yig hiseheon etno seberoho umburuk halug, ap inune seberoho umburuk eleg-o. At ap ari At Roh Kudus og nisarukon etno une-at seberoho umburuk-o.