Lukas 1:70 - Allah Wene Hurumbik Keron

⁷⁰ Ari, At Allahen amuk it nabi ap inune fam yig nisaruk wilil,

Lukas 1:70 Iomraidhean Croise

Markus 12:36

“Eleg-o, At Roh Kudus etno at Daud indimu kuruk apagma, aren yig isaruk wilil, ‘At Ninikni Allah etnowen At Ninowe etno yig ituk wilil, ‘It aphe Hat hinim healeg welahebon ari, Anden Hat hiog apma imbisahukon epmano inaso welaruhunen ninggik bikit fil horie ik ma-o,’ ulug At Allahen An Nowe etno yig erehek,’ ulug at Daud etnowen At Kristus farim Nowe ebahon oke,

Lukas 24:44

Naruk apareg, it epmano yig isaruk wilil, “Kidia hinilanggen neyehebon ari, bilin hit ninim wilil yig hisaruk atikikon epmano ilitoho-at hehep-o. Eke at Musaen wene ebahon etno inim, eke it nabi aben wene embebahon inim, eke buku Mazmur fam werehon epmano inim obog An nahurumbik wereg etno ilitoho seg atisi-o,” ulug yig isebag.

Kisah Para Rasul 28:25

Ariroho suruk atusareg, wilip amuog ulug, at misihen eheg, at misihen eheg surukmu, at Paulusen yig isaruk wilil, “At Yesayaen Roh Kudus fam it ninetamuki yig isebahon etno yig hisamin-o. Ari bilin at Yesayaen yig isaruk wilil,

Roma 1:2

Eke amuk it ap nabi epmano At Allahen yig isebahon etno urukmu, fobik wene fano wene etno yig hisahu-o, ulug hurumbik yig isarukmu, wene holal baltuk apag.

Ibrani 3:7

Eke At Roh Kudus etnowen yig nisaruk wilil, “O yoho At Allah une hinesanggo holtuk ahep halug,

1 Petrus 1:12

Hurumbik At Allahen yanggul isebahon etno it nabi aben, “Nit-at og nisahu,” ulug uruk apag fug oke, eke hit hag fano wene etno hinesanggo holtuk amuhupmu og hisahu, ulug hurumbik yig hisebag. Hurumbik yig hisaruk apagma, fobik it wene fano wene yig isil nuruk amag ulug mondep isebahon epmano hinambeg watlug, it At Allah Roh Kudus boholmen inambeg ambik waharisireg yig isarukmu, fano wene etno yig hisarusa-o. Yig hisaruson etno it malaikat nit ninesanggo holto burukon oke, hit-at yig hisarusa-o.

2 Petrus 1:21

It bilin hurumbik ebag etno iren ebag fug-o, At Roh Kudusen Allah une yig isarukmu, hurumbik etno ebag-o.

2 Petrus 3:2

Eke amuk it nabi aben Allah wene ebahon etno inim, eke Ninowe dil ninaptukon omini inune fam komo yig hisebahon epmano inim obog-at hinahla ebebukag ulug holal du bal hisihi-o.

Wahyu 19:10

Ariroho yig nituk atisimu, eke anden nut wanduksoho wilil, malaikat etno obam sembahyang iug ulug sirikikmu, eke aren yig nituk wilil, “Eleg-o. Eke an hag hat inim, eke hat homini inim, eke it obog At Yesusen yig isebahon demat ulug eberoko warukon epmano inim, nit obog At Allah anggimbu-at welahe-o. Ari halug, haren At Allah obam-at sembahyang imihin-o,” ulug yig nitisi-o. Ariro­ho yig nitisi ari, At Yesusen yig isebahon etno demat ulug eberoko webag etno fam, it nabi aben Allah wene yig isebag-o.