Lukas 1:32 - Allah Wene Hurumbik Keron

³² Soaltuk aruhunmu, At ebe ap suon-at welaruhu-o. Suon weregma, eke it apheyen ap du Allah boholmon Amloho ulug yig ituk amuhup-o. Eke bilin at etamu Daud inowe suon welapag etno hag,

Lukas 1:32 Iomraidhean Croise

Matius 1:1

At Yesus Kristus, Abraham Daud etamu etno, At etamuki umbiasi welapahon ininuk du at-o.

Matius 12:42

Eke misig, fobik At Allah aphe inaren baluhu ari sambit at hwe suon misig o apma filen wapahon etno minatuk aruhureg, hit aphe kidia welahebon epma hinenggali war hinabuhu-o. At hwe suon etno at Salomo indi ilukon etnowen yanggul isebahon epmano esanggo holiog ulug kwalem yatmen wapahon oke, eke hit kidia An Salomo owe nune etno-at hinesanggo holtuk ahep-o,” ulug yig isebag.

Matius 28:18

Sembahyang uruk apagma, At Yesus etno it wereg ambeg horogsoho waharuk apareg, yig isaruk wilil, “An nebe etno suon wilil o boholma inim kweanma inim obog-at unde welamag ulug minduhup naharisi-o.

Matius 3:11

Eke anden hinindi wereg amag ulug ikma belap hinaptuk ahion oke, eke At an nombolim waruhuon etno, At suon an doron ulug iog eset Aren angge walug lao ari an nakol-o. At etno­wen Roh Kudus og hisaruk wilil, hondok ambulpul neken hinobam belabik waruhu-o.

Markus 14:61

ulug yig epahon oke, At Yesus etno une ilik eleg-at bok apag. Bok atuk apagma, at ap Allah unde inowe suon etnowen yig ituk wilil, “Niren At Allah alon faltuk aheon Amloho Kristus uruk etno Hat At ano?” ulug hinog webag.

Markus 5:7

Heahi watuk apareg, une suon yig ituk wilil, “Hat Yesus Allah boholmon Amloho wai. An keroho seko nombahiog ulug wahen-o? Haren an nowabuk nowen ulug At Allah inuk fam yig hirihi-o,” ulug yig epag.

Lukas 1:15

Eke at ebe Allah il fam ap suon-at welaruhu-o. Ariroho wilil, e anggen ambusu nenek surukon etno nenggeg eleg-at welaruhu-o. Ari at endohoma, At Roh Kudus at indimu-at welaruhu-o.

Lukas 1:35

at malaikat etnowen yig ituk wilil, “At Roh Kudus hobam belabik waharuk aruhureg, At Allah boholmen haso wereg heheg, udag hahumla aruhun-o. Hahumla atuk aruhunteg, fobik endetuk aruhunmu, it apheyen udag du At Allah Amloho-at, ulug yig ituk amuhup-o.

Lukas 1:76

Eke hat namloho du hag, Ninikni Allah suon anggimbu ulug yig hituk amuhup-o. At Ninowe wamon etno hat bilin lalug, onggalem yatuk aruhun-o.

Lukas 3:16

Ariroho inahla buruk apagma, at Yohanesen, “Anden ikma belap hinabihireg oke, eke At an nombolim waruhuon etno At suon, an doron ulug iog eset hele homahowon etno hibiluk an nakol-o. Eke At etnowen fobik Roh Kudus og hisaruk wilil, hondok ambulpul neken hinobam belabik waruhu-o.

Lukas 6:35

It hinim healeg welahebon epmano hinim hinindi hunduhuk welamiek-o. Ariroho wilil, elamna-at og isaruk sohorep isalug, mondog-at og isaruk amiek-o. Ariroho suruk hisalug, At Hinikni suon Allah etnowen onggo suon fanowon-at og isarukmu, hinebe At udaki-at welamuhup-o.

Yohanes 12:34

Yig isaruk apagma, eke it aphe epmanowen yig ituk wilil, “Amuk at Musaen Kristus ahurumbik yig nisebag etno, At ebe waraheg eleg iluk mondog-at welaruhu ulug yig nisebahon oke, Haren At Allah Amloho etno imbik lahakup ehen ari, keroho ulug ehen-o? Eke At Allah Amloho ehen ari, sa farim ehen-o?” ulug yig epag.

Yohanes 6:69

Wene etno nit ninindimu eberoko warukukseg, At Allah iluk mondog werehon Amloho Kristus etno Hat demat welahen ulug niniluk-o,” ulug yig epag.

Kisah Para Rasul 16:17

at hole etno fobik nit Paulus ninim ninombolim waharisireg, une suon uruk wilil, “It ap At Allah suon anggimbu werehon du hinilanggen isimiek-o. Iren fobik hinili wawag ulug wene etno yig hisaruk-o,”

Kisah Para Rasul 2:30

Eke at Daud bilin nabi ap weregma, At Allahen hurumbik yig epahon etno iluk wilil ahla buruk apag. Ahla burukmu, At Allahen Daud etno hurumbik yig ituk wilil, ‘Kidia hat Daud suon welahen etno hag, fobik At hetamu misig suon minduhupfuhuk-o,’ ulug yig ituk apagma,

Kisah Para Rasul 2:36

Eke At Yesus ebe ari hiren e fam lenggaloko watikip-o. Hiren watikibon oke, At Allahen nit Ninowe Kristus suon ulug minduhupfirisi-o,” ulug at Petrusen yig isebag.

Kisah Para Rasul 7:48

Faloko embebahon oke, eke Allah Ninikni suon etno apheyen inibam hanteg etno hag, hanteg eleg-o, ulug eke at nabi ap etnowen yig isaruk wilil,

Roma 1:4

eke At indi Allah inim welapareg fam, it aphe warehon wereg ambeg epmanowen iluksoho minduhupfebag halug, At Allahen une oag weregsoho yig nisaruk wilil, “Du An Namloho-at-o,” ulug yig nisebag.

Wahyu 3:7

Eke fobik an yig nituk wilil, “At it jemaat o Filadelfia aphe inaso werehon etno og emag ulug holal duroho imbimihin-o: At in­dien demat ulug surukon etnowen yig hisaruk wilil, Anden sok latuk ahion etno aben husuk hai-o. Eke Anden sok husuruk ahion etno it aben labuk hai-o. Ariroho suruk ahi ari, sok hobog bilin at Dauden seneg welapahon etno Anden seneg welahi-o.