Filemon 1:7 - Allah Wene Hurumbik Keron

⁷ Eke ari halug, nomin nindi hunduhukon wai. Hat it Allah udaki obog hinim hindi hunduhuk wilil, haren inin­di fano inaptuk ahenon etno nesanggo holtikikseg, nahien anggo­lo haruk wilil, nonggarehen nindi oag werehepatarikik-o.

Filemon 1:7 Iomraidhean Croise

1 Korintus 16:18

Eke hit hinindi oag werehep hisaharuk etno hag, an nindi oag werehep naharusa-o.

2 Korintus 7:13

Eke ari fam, hiren fanoroho suruk atikibon epmano fam ninindi oag werehepatarukuk-o. Eke hit obohen at Titus hinune hinahientoho yig itikip etno fam ahien harisi-o. Eke at ahien harision etno an yig nitisimu, an ariroho-at nahien harikik-o.

2 Korintus 7:4

Eke anden yig hisawon etno demat suhup ulug bukaloko yig hisaruk wilil, suontep hisaharuk ahi-o. Eke dahon anggolo ninobam umburukon oke, hit farim ninindi werehepataruk wilil, ninahien anggolo haruk ahe.

1 Tesalonika 1:3

Eke hiren wene eberoko waruk wilil, ilitoho suruk ahebon etno inim, eke hinindi hunduhuk wilil, yabuk anggoloroho suruk ahebon epmano inim, eke At Ninowe Yesus Kristusen fano ninabuhu-o ulug fanoroho hinindi ebetuk ahebon etno inim obog-at nintul nantul At Ninikni Allah il fam ninindi ebetuk ahe-o, nomini.

1 Tesalonika 2:13

Eke ari farim nit nintul nantul At Allah wa ulug sembahyang uruk ahe-o. Eke niren Allah wene etno yig hisarukmu, hiren wene du ap inawene fug-o, At Allah awene demat-o ulug hinesanggo holtuk atikipseg, eberoko warikip-o. Eke hit Allah wene eberoko waruk ahebon epmano At Allahen hinindi yabuk suruk-o, nomini.

1 Tesalonika 2:19

Ariroho hai atisi oke, eke At Ninowe Yesus waruhu etno sambit ap nin ninahien isahuk fug-o; hit hinindi yabuk anggolo suruk atukuk etno fam ninahien harukmu, yabuk fano suruk atikip ulug yig nisahu-o.

1 Tesalonika 3:9

Ninahien haruk ahe ari fam, hit farim Allah wa ulug sembahyang uruk ahe-o. Eke hit farim ninahien haruk atukukseg, Allah wa ulug sembahyang ilikia hupmu uruk ahe-o.

2 Timotius 1:16

Eke at Onesiforus omini inim epmano At Allahen inabua hawag ulug an inake sembahyang uruk ahi-o. At Onesiforus etno an nabua haruk wilil, at Paulus hele wareg wereg ulug akol eleg-at wilil,

Filemon 1:20

Ari halug nomin-o. At Allah inuk fam hinog yig hirihion etno ilito­ho siuk-o. Eke hat an ninim At Kristus awene waruk ahe etno fam an nahien hawag ulug hat nominen ariroho siuk-o.

2 Yohanes 1:4

Nahaloho-o, hat hudaki nin Allah wene warusa-o, ulug nesanggo holtikikseg, nahien harikik-o. At Allahen an nawene wimiek ulug yig nisebag etno fam, an nahien harikik-o.