Filemon 1:16 - Allah Wene Hurumbik Keron

¹⁶ Eke at ebe kidia iog suhuluk hambeg waharuk ari, haren an nanggimbu at-o ulug hahla buruk am fug-o. At ebe Kristus awene warisireg fam an nomin neken-at wereg-o, ulug hahla buruk amin-o. Eke at ebe an nomin-at heheg, hat hag ap du an nanggimbu-at oke, Allah wene warisireg fam nomin-at wereg-o, ulug hahla buruk wilil, hinim hindi hunduhuk welamin-o.

Filemon 1:16 Iomraidhean Croise

Matius 23:8

Ariroho suruk oke, eke hit hag apheyen ‘Ninowe yanggul nisarukon’ ulug yig hisao ari hai-o. Hit obog nomin homin welahep etno fam, hinowe ebe misig-at wereg-o.

Kisah Para Rasul 9:17

Yig ituk apagma, at Ananias o etno kik waharuk apareg, at Saulus ungguluagma inggik embebag. Inggik umburuk wilil, “Nare Saulus wai. An At Yesusen lahap nabik waha-o. Eke hat o duma wariog ulug At Yesus kwalemen harikinon etnowen hilanggen fenggenep hahalug, Roh Kudus og hemag ulug lahap nabik waha-o,” ulug yig ituk apagma,

1 Korintus 7:22

Eke ap misig ap inanggimbu wereg heheg, At Allahen ap etno At Ninowe inuk fam wol suruk halug, at ap ari Ninowe inuk suon aharek unde welamon-at atisi-o. Eke ariroho ap misig yi angge di angge unde werehon etno At Allahen wol suruk halug, ap etno At Kristus anggimbu atisi-o.

Kolose 3:22

Eke hit hinebe aphe inanggimbu-at halug, it hiniknisi inil fam inahien hisawag ulug yabuk fanoroho seheg, eke inil elegma bok welaheg suruk am fug-o. It hiniknisi ineyabuk suruk wilil halug, At Allah ilanggen wereg heheg fanoroho suruk amuk-o.

1 Timotius 6:2

Eke iniknisi arien Allah wene waruk isalug, it inanggimbu etnowen, an nikni ninim hunduhuk weregma, fanowon etno-at og niruhu etno fam kidia at eyabuk fanoroho at suruk aruhuk-o, ulug inahla bukag-o, ulug anden yi wene di wene yig hirihion etno it aphe obog-at yanggul isaruk amuk-o.

Ibrani 3:1

Nomini, Kristus udaki du wai, nit hit ninim At Allahen wol nisebareg fam, At Yesus etno wene demat uruk aheon etno unde wilil inuk suon welamag ulug lahabik waharision etno hinilanggen haruk amiek-o.

1 Yohanes 5:1

Eke nin At Yesus ari Kristus ulug wapag-o ulug inahla ebetukon halug, Allah udaki-at wereg-o. Eke ikni indi hundutuk isalug at udaki ariroho-at inindi hun inaptuk-o.