Filemon 1:10 - Allah Wene Hurumbik Keron

¹⁰ Eke at Onesimus etno an hele wareg wilil Allah wene yig itikikseg, namloho neken endag sarikikon etno farim yig hituk ahi-o.

Filemon 1:10 Iomraidhean Croise

Markus 9:17

Yig isaruk apagma, it aphe anggolo wonggalfahon epmano inanggelegma ap misig welapareg yig ituk wilil, “Nowe Yesus wai. An namloho etno setan une elehon misig indimu kirisimu, walug Hat hambeg wahi-o.

Roma 12:1

Eke ari halug nomini-o. At Allahen ninabua nisarisi etno fam, duroho suruk amag ulug yig hisamin-o. Eke hit hiniluk wilil, hinebe At Allah ake embeheg, eke At eyabuk-at suhuken ulug hinahla beheg, eke At ahien hawag ulug seheg suruk amuk-o. Eke hit hinahla buruk ahebon epmano At Allah ake umburuk wilil, ari fam At obam ebetuk amuk-o.

1 Korintus 4:14

Eke hit hinenggali war hinabiog ulug wene du holal bal hisaruk ahi fug-o, eke an nudaki nindi hunduhukon epmano inesanggo war inabiog ulug-at suruk ahi-o.

1 Korintus 4:15

Eke hit Kristus inuk fam yanggul hisil nurukon ari ap inebe anggolo-at wereg oke, at hinikni neken ebe misig-at wereg-o. Eke anden At Kristus Yesus inuk etno yig hiseheg, eke wene fano wene yanggul hiseheg suruk atikikon epmano fam fano hinaptisi-o.

Galatia 4:19

Ari halug, nudaki nindi hunduhukon wai. Eke hwe misig udag ahumlareg welatlug, udag ebe endetuk etno hag, At Kristus hit hinindimu welamag ulug, anden endag hinabiog ulug suruk ahi-o.

Kolose 4:9

Eke at ninomin Onesimus hit hinot etno inim-at lahapfuruk ahi-o. Ari halug, it obog duroho wereg-o ulug yig hisahup-o.

1 Timotius 1:2

At Ninikni Allah inim, eke At Ninowe Yesus inimen inahien hobam embeheg, eke habua heyeheg suruk wilil, hinim welamag ulug yig hirihi-o.

Titus 1:4

Eke hat Titus, an ninim wene demat ulug ebetuk ahe etno fam hat namloho neken welahen ari, At Ninikni Allah inim, eke At Kristus Yesus ninili warukon etno inimen habua hearuk wilil, fanowon etno og hemag ulug hake sembahyang uruk ahi-o. Eke fanoroho hinim welamag ulug yig hirihi-o.

Filemon 1:11

Eke at Onesimus etno bilin hat hanggimbu dahon-at welatision oke, eke kidia hat inim, an inim ninanggimbu fanoroho werehon etno iog suhuluk hat hambeg lahap­fik waharuk ahi-o.

Filemon 1:13

Eke an Allah wene yig isarukmu hele war naptuson etno hat hubulukmu yalmag nabukag ulug, hat Onesimus duma welamin ulug yig etleon oke,

3 Yohanes 1:4

Ari hit nudaki Allah inuk waruk wilil fano surukmu nesanggo holtuk atikikseg, nahien harikik-o.