Lucas 2:2 - Yaminahua

² Taefakĩkõi kirika kenenifo ãto anefo keyokõi. Akka Siria mai anoafãfe ãto xanĩfãfe ane Cirenio ipaoni.

Lucas 2:2 Iomraidhean Croise

Mateo 4:24

Askafaano nikakaxõ Siria mai anoafo isinĩ ikaifo akiki efenifo ato sharafapanõ. Isinĩ ikaifo fetsa fetsatapafo akiki efenifo. A yõshi chaka ãto mẽra naneafori ato sharafani. A nĩsoaifori efeta, a finimismafori efeta, a chatofori efenifo. Ato keyokõi sharafapani.

Lucas 2:1

Nã Jesús kãiyaitĩa romanõ ãfe xanĩfãfe César Augusto ãfe yorafo nĩchini nã maitio anoafo ato tanãkaxõ ãto anefo kenenõfo afe tii yorafomakĩ.

Lucas 2:3

Nãskakẽ keyokõi fonifo ãto mai anoxõ ãto ane kenei fokani.

Lucas 3:1

Akka mã yosixõ Zacarías fãke ato Nios yoipaoni tsõa istoma anoxõ. Tsõa istoma ano yora ichapa akiki fonifo nikaxikakĩ, nãskakẽ Zacarías fãke ato Nios yoiaino. Nãnori Tiberio xanĩfo finakõia ipaoni, Roma anoax. Nãskakẽ aa ranã ikanax ãto pexefo anoax xanĩfo ikaxõ ato ikĩpaonifo. Pexe fisti rasi anoax xanĩfo iki fetsepaonifo. Judeofãfe ãto xanĩfo ini pexe fetsa anoax ãfe ane Poncio Pilato. Askata pexe fetsa anoaxri ãto xanĩfo fetsa Galilea anoax Herodes ato xanĩfo ini. Akka Feliperi xanĩfoxõ pexe rasi anoa rafe kexepaoni. Itoria ano kexeta Traconite ano kexeta fapaoni. Akka nã Felipe ãfe exto ipaoni Herodes. Nãskatari pexe fetsa anori xanĩfo fetsa ipaoni ãfe ane Lisanias Abilinia anoax. Akka ãto xanĩfo finakõia ipaoni Tiberio. Nãato keyokõi kexepaoni. Mã xanĩfokĩ catorce xinia akano Zacarías fake Juan tsõa istoma ano ixõ Niospa meka yoipaoni. Askatari judeofo yoipaoni ãto mai ano ixõ, yorafãferi ato Nios kĩfixopaonifo. Akka Anás fe Caifás ãto xanĩfo ipaonifo. Nãskakẽ nã Zacarías ãfe fake Juan Judea mai ano ipaoni. Akka mã yosiax tsõa istoma ikẽ Niospa yoini aõxõ ato yoinõ iskafakĩ: “Mãto chaka xatekãfe, a mã afara chaka shinãi keskara anã shinãyamakãfe. Niospa mato yoiai keskara nikakõikãfe. Mã nikakõiaito Niospa mato chaka soaxotiro. Mã askaito ẽ mato maotisafatiro, faka mẽra ikimapakekĩ mãto chaka mã xatenõ ato ispaxiki ixõ ato yoitãfe,” ixõ Niospa nĩchiano Juan ato yoifofãsafani faka Jordán arixõ.

Hch. 13:7

Nã yõfe Barjesús xanĩfo Sergio Paulo fe ipaoni. Nã xanĩfãfe tãpisharakõia ini. Nãskaxõ Bernabé yafi Saulo kenamani, Niospa meka shara nikapaikõiki.

Hch. 18:12

Akka Acaya mai anoax Galión xanĩfo finakõia ini. Nãnoax judeofo ichanãnifo Pablo achixikãki. Mã achikaxõ ãto xanĩfo finakõia ano iyonifo.

Hch. 23:26

Efe xanĩfo Félix, ẽkĩa Claudio Lisias, ẽ mia kirika kenexõ fomai mia yoisharayanã.

Hch. 26:30

Ato askafaito nikai xanĩfokõi fininãkafani, xanĩfo fetsa fe, Bereniceri ato fe askani, a ano tsaoafori ato fe fininĩfofãnifo.

Hch. 5:37

Askatari chipo ãto anefo kenekakĩ censo akaifono, Judas fetsa. Galilea anoa ini. Xanĩfo ipaikĩ ato yoini yorafãfe chĩfafãinõfo. Askafafiaino nãri retenifo. Nãskakẽ ãfe inafori paxkanãi fetsenifo.