Juan 8:44 - Yaminahua

⁴⁴ Akka mãto epa Satanás. Mã ãfe fakekõifo. Nãskaxõ mãto epa apaiyai keskara mãri mã apai. Nãfi taeyoi retemitsamis iyopaoni. Afi iskaratĩa nãskara. Atokai afara shara yoimisma, chanĩkõi. Ãfe shinã mẽraxõ chanĩ fisti shinãmis. Nãskaxõ chanĩ fisti yoimis. Nã chanĩai shinãifãfe nã chanĩmis nãfi ãto apaki.

Juan 8:44 Iomraidhean Croise

Mateo 12:34

Akka mãfi keyokõi chakakõi, nã rono pae keskarakõi mã. Nãskaxõ meka shara mã yoitiroma mãmãi chakakõixõ. Nã mãto shinãmã mã shinãi keskafakĩ chakai mã mekamis.

Mateo 13:15

Nã yorafo ãto mapo kerexkõifo. Askatari ãto pacho fẽstokõifo. Askatari ãto fero fepoa keskarafo. Nãskaxõ ẽfe meka chanĩmara fakanima. Nãskakẽ ẽ ãto chaka soaxotiroma, ixõ Niospa yoini keskara Isaías kirika keneni.

Mateo 13:38

“Akka a tare ẽ yoiai mã tãpitiro nã maitio ẽ yoi. Akka nã fimi exe shara ẽ yoiai nã Nios Ifofamisfo ẽ yoi. Akka nã fana chakafo ẽ yoiai nã Satanás ifofamisfo ẽ yoi.

Juan 6:70

“Ẽ mato doce feronãfake ifini mã eõxõ tãpimis inõ. Akka ẽ mato ififinino a mato fe rafea fetsa mã a mẽra Satanás chaka nanea,” ixõ Jesús ato yoini.

Juan 7:17

Fatotora a Niospa yoiai keskara apaikĩ tãpitiro akka ẽa ẽ shinãxõ ẽ mato yoima, Epa Niospa ea shinãmanaino ẽ mato yoi.

Juan 8:38

Ẽfe Epa amis keskara mẽ õimis. Nãõnoa ẽ yoimis. Mãri a mãto epa mato yoimis keskara mãri yoimis,” ato faito,

Juan 8:41

Mãto epa akai keskara mãri mã amiski,” ato faito, “Nõkai Epa ichapayama. Nõko Epakõi fisti Nios. Nõfi ãfe fakekõifoki,” faifãfe

Juan 8:55

Mãkai ẽfe Epa Nios tãpimisma. Akka ẽfi ẽfe Epa tãpikõia. Akka ẽ mato keskaraxõ, ‘Ẽfe Epamara,’ ẽ fakerana mato keskara chanĩmis ẽ ikerana. Askatamaroko ẽfe Epa Nios ẽ tãpikõia. Ea yoiai keskara ẽ amis.

Hch. 13:10

Nãskaxõ yoini iskafakĩ: “Chanĩchakapa nĩafaka fake, nã sharafo mĩ noikaspamis. Mĩ chanĩmis ato pãrapaiyanã nõko Ifãfe mẽstekõi ato yoifimisno, akka anorima mĩ ato yoimis. ¿Afeskai mĩ xateimamẽ?

Hch. 24:9

judeofãferi ano fisti ichanãkaxõ, nãnoriri yoinifo: “Chanĩma,” fanifo.

Hch. 5:3

Nãskaito Pedro yoini iskafakĩ: “Ananías, ¿afeskai mĩ mẽra Satanás naneamẽ mĩ Niospa Yõshi Shara feparapainõ ranãri mã mĩ kori fifiaxõ mĩ tareõxõ?

2 Co. 11:3

Nãskakẽ ẽ shinãchakakõi Satanás Eva ani keskafakĩ fetsafãfe matori pãrayamanõfo, mato pãraifono mã anã Cristo noinõma.

1 Pedro 5:8

Shinãsharata mẽste shinãkãfe. Satanás noko noikaspakĩ noko chakafapai kiki, oa poomã fonãiki kafãsakĩ yoinã fenai keskaraxõ. Satanás chakata noko afara chakafamapaimiski Niosnoa tsõa shinãnõma, Satanás ato chakafamaino afe yora inõfo.

2 Pe. 2:4

Epa Niospa ãfe ãjirifo ãto chaka ato soaxonima afara chakafaifãfe. Askatamaroko chiifã mẽra ato potani, anoax fakishifã mẽra ĩpaxanõfo kaninãnã ato metexkere axõ. Nã ato ichanãfaitĩa ato yoixõ ato omiskõimaxii.

1 Juan 1:8

Akka nõ yoikĩ iskafamis: “Ẽ afaa chakafamisma,” ifiax nõa nõ pãramemis. Nãskax nõa nõ chanĩkõimis. Nõko õiti mẽra Niospa meka naneama.

1 Juan 2:21

Nãskata Jesucristo mã tãpikĩ finakõiakĩ. Tãpixõ mã mã chanĩmara fakĩ. Nãskakẽ ẽ mato kenexoni. Nãskaxõ afara mato pãraifãfe mã chanĩmara faima. Mã tãpia Jesucristo ramashara anorima ato yoimisma, nãfi chanĩmakõikĩ.

1 Juan 2:4

Yora fetsafo iskai: “Ẽ Cristo fe rafea,” ifiaxõ ãfe meka nikama, ãa akikiri kẽtapamis, mẽstekõi ikama.

1 Juan 3:12

Akka nã Caín onefetsa noikaspakĩ reteni keskara iyamakãfe. Askara Satanás chaka fe rafea. Nãskaxõ onefetsa reteni noikaspakĩ, ẽ mato yoinõ nikakapo. A Niospa yoia keskafakĩ onefẽtsa Nios shinãni. Akka Caín askanima. Ãfe onefetsaki õitifishkikĩ reteni. A onefẽtsa Nios Ifofaito õikĩ noikaspakĩ reteni, Niosri noikaspayanã.

1 Juan 3:15

Akka a yorafo noikaspaifo afofi retemitsamis keskarafoki. Afo chakakõifo. Askarafo mã mã tãpia Niospa fakefoma. Askarafo Nios fe rafeafoma. Nios fe nĩpanakafoma, yorafo noikaspakanax.

Judas 1:6

Nãskatari Niospa ãfe ãjirifo taeyoi Nios fe isharayopaonifo. Nãfãferi Epa Nios yonosharaxoyopaonifo. Nios fe isharafiakatsaxakĩ atirifãfe afara chaka shinãkakĩ anã Nios Ifofapainifoma. Askaifãfe õikĩ Niospa kaninãnã metexkereaxõ fakishifã mẽra ato nĩchiyoni. Nãskaxõ nã nikamisfoma ato omiskõimanaitĩa ato ichanãfaxõ nã omiskõipakenakafo mẽra ato potaxii.

Apocalipsis 13:14

Satanáõxõ nãskarifakĩ yorafo pãra niosra fanõfo. Askafata ato yoia: “Nã yoinã põfe keskara retefiafono mã otoa nã nimofonõfã faxõ inãkãfe a keskara faxõ,” ixõ ato yoia.

Apocalipsis 2:10

Akka a inõpokoai ẽ mato yoinõ. Satanás ifofaafãfe fatora fetsa fisti mato karaxa mẽra ikimaxikani mã ea shinãmakimãkai õixikakĩ. A mato mesenifaifono rateyamakãfe. Ea shinãmakitama nonori shinãkãfe iskafakĩ: “Ea retefiaifono ẽ meseima, ẽ Nios ari kai. Ẽfe Ifãfe ea potanakama. Ẽ ẽfe Ifo noikĩ finakõifafãini,” ixõ yoikãfe. Mã askax, nakẽ, ẽ mato ĩkipakenaka mã efe ĩpaxanõ.

Apocalipsis 21:8

Akka fetsa ratei eõnoax omiskõikaspakĩ ea kachikiri faa, askatari fẽtsa ẽfe meka nikakaspamis, fẽtsari afara chakafo fetsa fetsatapafo xatekaspai, askatari fetsari retemitsamis, fetsari ãto ãfima chotamis, askatari kẽromãri ãto fenema chotamamis, fẽtsari koshoiti tãpiax nã niafaka chakafo fe rafemis, askatari fẽtsari ea noitamaroko afara fetsa noikĩ, ‘Na ẽfe nioski,’ famis. Nãskakẽ askarafo fe nã chanĩmisfo afokai efe nĩpanakafoma. Chiifã mẽra nã omiskõipakenakafo mẽra ipanakafo. Anoaxkai faki fonakafoma,” ixõ Epa Niospa ea yoia.

Apocalipsis 22:15

Nãskakẽ nã yora chakakõi paxta põfe keskarafo fe, a koshoiti tãpiafo, nã koshoiti chanĩmara faifori, feronãfãke ãfe ãfima chotamis, kẽrofãferi ãto fenema chotamamisfo, retemitsamisfori, Nioskõima noikĩ ifofamisfori, chanĩmisfori, nã chanĩ noimisfori, askara yorafokai Jerusalén Fena mẽra ikitirofoma.

Apocalipsis 9:11

Nã kinĩfã fakishifã mẽra niafaka chakafo ikafo anoa ãto xanĩfãfe ane israelifãfe mekapa Abadón famisfo. Griego mekapari Apolión famisfo. Nõko mekapari, “Yorafo Retemis,” nõ famis.