Juan 21:5 - Yaminahua

⁵ “¿Ẽfe fakefãfe, mã foe fiamamẽ?” ato faino, “Nõ fiama,” fanifo.

Juan 21:5 Iomraidhean Croise

Mateo 14:15

Mã yãtapakeaino aõxõ tãpimisfo akiki nokokaxõ yoinifo: “Mã yãtapakei kiki nono afaamakĩ yorafo nĩchife a piaifo fitanõfo pexe rasi anoafo,” ixõ yoinifo.

Marcos 8:7

Nãskata foe ichapama ranãri ini. Nãskakẽ atoõxõ Jesús Apa Nios aicho fata, aõxõ tãpimisfo foe inãni a yorafori ato inãnõfo.

Filipenses 4:19

Ẽfe Niospa nã mã fichipaiyai tii mato inãxii. Epa Niosnã ãfe afara sharakõifo nã ichapakõifo keyonakama, ãfe Fake Cristo Jesúsxõ mato inãsharaxii.

Hebreos 13:5

Akka kori ichapa noiyamakãfe. Askatamaroko inimakãfe afe tii mã ayamakĩ. Epa Niospa yoinikĩ iskafakĩ: “Ẽkai mato makinoax paxkanakama. Askatari ẽ mato potanakama. Nãskakẽ a mã yopai ẽ mato inãxii,” ixõ yoini.

1 Juan 2:13

Afaa oniataima Epa Nios fisti iyopaoni. Efe anifo tiito, ẽ mato kirika kenexoni, afe keskaramãki mã mã Epa Nios tãpiakĩ. Mã mã tãpixõ mã chanĩmara famiski. Naetapafãfe, matori ẽ kirika kenexoni, Satanás chakata mato afara chakafamapaiyaito mã mã finõfakĩ. Nãskakẽri naetapa tiito ẽ mato kenexõ fomai, mã Satanás chaka finõano. Efe fakefãfe, ẽ mato yoikĩ kenexona mãmãi Epa Nios tãpikẽ.

1 Juan 2:18

Efe fakefãfe, mã chaima Jesucristo anã nãmã fotoiyoi mã nõ nika. Nãskakẽ Jesús nãmã fotoyoamano, akka nã yora chakafãfe Cristo shinãmisfoma ãto xanĩfo finakõia oi taei. Nãato, “Ẽ Cristora,” ixõ noko pãrapaixii. Mã mã tãpia nãato Jesús noikaspamis. Akka iskaratĩa, “Ẽ Cristora,” ikanaifo yora ichapakõifo. Nãskakẽ mã nõri tãpia nã Cristo kayakõi samama fotoi.