Juan 14:3 - Yaminahua

³ Ẽ kaxõ ẽ mato itipinĩshara faxõikai. Afianã oxõ ẽ mato ifiyoxii, a ẽ ika ari mato iyoxiki ari mã efe ĩpaxanõ.

Juan 14:3 Iomraidhean Croise

Juan 12:26

Akka a ea yonoxopaikĩ ẽfe meka nikakõixõ a ẽ yoiai keskara atiro. Ea Ifofax a ẽ ika ano nãri efe ipaxatiroki. Ea yonoxomis a ẽ yoiai keskara ea axõaito ẽfe Epa Niospa yoixii iskafakĩ: ‘Aicho. Mĩ ẽfe Fake Jesús nikasharamiski. Mĩ fãsi sharakõiki,’ Epa Niospa yoikĩ iskafaxii a ea Ifofamis.

Juan 14:28

Ẽ mato yoiaito mã mã nikai ẽ mato makinoax kaikai. Askafiax ẽ anã matoki oxii. Ea noikõiax mã ekeki inimatiro ẽmãi ẽfe Epa ari kaino, ẽfe Epamãi ea finõkõikẽ.

Juan 14:4

Mã mã fai tãpiaki a ẽ kai ari,” ato faito,

Juan 17:24

“Epa, nã yorafo mĩ ea inãfo efe inõfo mĩ ika anoa mia keskara shara ea õinõfo. Mĩ mai onifayoxoma mĩ ea noiyopaoni.

Hch. 1:11

“¿Na Galilea anoafãfe, afeskakĩ mã nai mẽra foisimẽ? Mã Jesús nai mẽra kaa. Afetĩara anã matoki oxii. Fatora penata afia mã kaito õia keskara oxii kiki,” ixõ feronãfake rafeta ato yoini.

Romanos 8:17

Nõ Niospa fakekẽ nã noko yoia keskara noko inãtiro. Nõfi nõ Niospa fakekẽ nã ãfe Fake Cristo ani keskara nokori inãtiro. Nõõnoax omiskõifinixakĩ iskaratĩa nai mẽranoax Apa Nios fe xanĩfokõi. Nãskarifiai nõri aõnoax omiskõiax nõ nai mẽra Epa Nios ano nokoano noko sharafinakõia imaxii nõ afe isharapakexanõ, a keskara shara nõ inõ. Akka afe yorafo Niospa ato sharafaxõi nãfomãi ãfe fakefokẽ.

Filipenses 1:23

Akka fekaxkõi. Nã rafe sharafiax fato ẽ katotiroma. Akka ẽ napai Cristo ari kaax afe ĩpaxakĩ, nã sharafinakõia ẽ mei.

2 Tesalonicenses 1:12

Nãnori nõ mato Epa Nios kĩfixomis, fetsafãfe mato õikakĩ nõko Ifo Jesúsnoa yoisharanõfo iskafakakĩ: “Jesús afama mĩshti fatiro, nãskaxõ afe yorafo a keskara sharakõi ato ima,” ixõ aõnoa yoisharanõfo. Nãskakẽ Epa Nios feta nõko Ifo Jesucristo mato noiyanã a keskara sharakõi mato imatiro.

2 Timoteo 2:12

Askatari nõ Jesúsnoax omiskõifikĩ nõ tenei, nõ Jesús fe Epa Nios ariax xanĩfo ĩpanakakĩ. Akka nõ Jesús potakĩ, “Niospa fakemara,” ixõ nõ askafaito Jesús noko yoitiro iskafakĩ: “Mã ea Niospa Fakemara faito ẽri mato kopitiro iskafakĩ: Mĩ ẽfe fakema,” fakĩ noko fatiro.

Hebreos 9:28

Cristo ãari inãmeax noko naxõi fistini. Yora ichapafoõnoax omiskõixõ noko nãxoni. Askafiax anã ãfe yorafoki oxii, noko ĩkisharapakexakĩ. Nãskakẽ anã nokoõnoax nanakama noko chaka soaxoxiki. Askatamaroko aõnoax nõ isharapakenaka.

Apocalipsis 3:21

Fẽtsa afara chakafakĩ xatexõ ea Ifosharafai nã ẽfe Epa Nios ika ano efe ipasharatiro. Nãato Satanás finõa. Ẽfi xanĩfokõikĩ ari efe xanĩfo itiro. Ẽ Satanás yafi niafaka chakafo finõkõia. Ẽfe Epa Nios ika ano afe xanĩfokõi ẽ ika. Nãskarifiai fẽtsa ãfe chaka kachikiri fakĩ, ea Ifosharafaxii ẽ ika anoax ari efe xanĩfo ipaxatiro.