Juan 10:10 - Yaminahua

¹⁰ Akka fetsafãfe efe yorafo ato pãrapaikani: ‘Ea ifofakãfe. Ẽ mato tãpimasharanõ,’ ixõ ato yoifikakĩ anorima ato pãrakani. Nãskakaxõ emakinoa ato ifipaikani. Yometso keskarakõifo. A ea chanĩmara faafo ato kexesharapaikanima. Ato chakafata ato retepaikani. Akka ẽ askarama. A ea Ifofamisfo ẽ ato kexesharai efe isharapakexanõfo, nono nãmãnoaxri isharapakexanõfo. Nãskax ẽ nono nãmã oni ato kexesharaxikĩ.

Juan 10:10 Iomraidhean Croise

Mateo 18:10

Anã Jesús ato yoini iskafakĩ: “Nã rama ea Ifofaõnoa fakefo keskara shinãkĩ iskafayamakãfe: ‘Na rama Jesús Ifofaafokai afaafoma,’ ixõ yoiyamakãfe. Ẽ mato mẽstekõi yoinõ. Epa Niospa ãfe ãjirifãfe nã rama ea Ifofaafo ato kexesharafafãimis. Nã ãjirifo Epa Nios fe imisfo. Nãskakẽ ãfe fakefo kexesharamis.

Mateo 18:11

Akka nã yorafo fenoafo ẽ ãto chaka soaxoniyoi ẽ oni isharapakexanõfo.

Mateo 20:28

Akka ẽri anori shinãima, ẽfe Epa Nios ariax ẽ nãmã fotoni feronãfakekõi ixiki, ẽ Niospa Fakefekẽ ea afara axonõfo ẽ onima. Askatamaroko fetsafo ẽ ato afara sharafaxoxiki ẽ oni. Ẽ atoõnoax naxiki ẽ oni Satanás chaka ãto ifo inõma,” ixõ Jesús ato yoini.

Mateo 21:13

Askafata ato yoini iskafakĩ: “Niospa shinãmanaino Isaías Niospa meka keneni iskafakĩ: ‘Mã ẽfe pexefã mẽraxõ mã ea kĩfitiro,’ ixõ keneni. Akka nã yometsofãfe pexe keskara mã famis,” ixõ Jesús ato yoini.

Mateo 23:13

Nãskata Jesús a Moisés yoikĩ kirika keneni keskara ato tãpimamisfoya fariseofo yoini iskafakĩ: “Moisés meka ato tãpimamisfãfe, mãri fariseofãfe ea nikasharakãfe. Mãfi ato pãrapaimiski. Mãkai a mã yoia keskara mã ato yoimisma. Mã ato xĩtimis Epa Nios Ifofayamanõfo. Mãri mã Nios Ifofamisma. Nã Nios Ifofapaiyaifo mã ato xĩtimis. ¡Ooa! Epa Niospa mato fãsi omiskõimaxii.

Marcos 11:17

Ato tãpimakĩ iskafakĩ ato yoini: “Niospa meka yoikĩ iskafakĩ kirikaki kenenifo: ‘Na ẽfe pexefã anoxõ keyokõichi nã maitio ano ikafãfe ea kĩfitirofo,’ ixõ kenefinifono, akka nã yometsofãfe pexe keskara mã famis,” ixõ ato yoini.

Lucas 19:10

Akka ẽ oni ẽfe Epa Nios anoax a fenoafo ato fenayanã ato ifiyoi,” ixõ ato yoini.

Juan 10:1

(Askata Jesús ato tãpimani nãatomãi ãto kexekatsaxakĩ. Oveja kexemisto ãfe ovejafo kexemis keskari fakĩ nãskarifiakĩ Jesús ato kexemis.) Nãnori Jesús ato yoini iskafakĩ: “Chanĩmakõi ẽ mato yoinõ. Yõra ovejafo kenexotiro ãfe kene mẽra inõfo, faki fofãsanõma. Nãskata yora yometsopai ovejafo ãfe kãiti ano ikitiroma, fomãkĩari ikitiro.

Juan 10:11

“A ea chanĩmara faifo ovejafo keskarafo. Ẽfi nã oveja kexesharamis keskaraki. Nãskakẽ ẽ efe yorafo ẽ ato nãxoxii. Oveja ifãfe feronãfake fetsa kori inãtiro ãfe oveja kexexonõ. Nãskaxõ mã kori inãno nã feronãfãke oveja kexesharatamaroko, kori fisti shinãtiro. Nãskakẽ poomã oaito fichiax ovejafo kexetama ichotiro. Nãskaxõ shinãi iskakĩ: ‘Na poomã mesekõi. Na ovejafo ẽfenãkõima, aa poomãnã pinõ ẽfenãkõimakĩ. Nãskakẽ ẽ ichoikai ea poomãnã afeska fanõma,’ ixõ shinãtiro. Akka ovejafãfe ifokõi askarama. Ãfe oveja kexesharai. Poomã oaito fichixõ ato kexesharatiro, poomãnã ato afeska fanõma. Nãskaxõ shinãtiro iskakĩ: ‘Ẽfe ovejafoõnoax ẽ natiro afokai afeskatiroma,’ ixõ shinãtiro.

Juan 12:47

“Mã ẽfe meka nikafikaxõ ea nikayamaifono ẽkai ato omiskõimanima. Akka ẽ mai ano oni yorafo omiskõimatama ato ifiyoi ẽ oni efe ĩpaxanõfo.

Juan 12:6

Anori Judaspa yoifikĩ ato kori inãkeranama. Nã Judasfi yometsokõi iniki. Nã Judaspa ãto kori kexexopaoni. Yometsofixõ nãskakẽ tsõa tãpipaonima. Nã kori fixõ a afaamaisfo ato inãkeranama, nã a kori onekerana.

Juan 3:17

Niospa ãfe Fakekõi mai ano nĩchini ato omiskõimatama ãto chaka soaxoniyonõ aõnoax isharapakexanõfo,” ixõ Jesús ato yoini.

Juan 6:33

Nã fistichi yorafo nimapakekõixatiro. Epa Niospa nãmã nĩchini yorafo ato imasharapakexanõ,” ato faito,

Romanos 2:21

A Moisés keneni keskara mã ato yoifikĩ, ¿afeskakĩri mãri mã nikakõimamẽ? “Atoki yometsoyamakãfe,” mã ato fafiai mãri mã yometsoi.

1 Ti. 1:15

Timoteo, na ẽ mia yoiai chanĩma. Keyokõichi chanĩmara fanõfo. Jesucristo nai mẽraxõ Apa Niospa nãmã nĩchini nõko chakafoõnoax noko nãxoyonõ nõ afe ĩpaxanõfo. Askafiaino na fetsafãfe chakafakĩ finayamafiaifono ẽ fãsikõi chakafakĩ finakõipaoni. Jesús Ifofamisfo ẽ chakafayopaoni.

Hebreos 6:17

Nãskarifiakĩ Niospa noko tãpimapai ãfe meka chanĩmakõi. A noko yoiyoni keskara afeskaxõ anã fetsafatiroma. Nãskaxõ ato yoini iskafakĩ: “Ẽ Nioskõi. Tsõakai ea finõtiroma. Nãskakẽ nã ẽ mato yoiai keskafakĩ mã ea chanĩmara fatiro,” ixõ ato yoini chanĩmara fanõfo.

Hebreos 7:25

Nãskakẽ Apa Niosxõ noko ifitiro nõ afe ipaiyaito nokoõxõ Apa Nios yoifafãini iskafakĩ: “Epa Niosi, ẽ ato nãxoniki, ato chaka soaxõfe. Nãskaxõ a mĩ ika ano ato imafe,” ixõ nokoõxõ Apa yoimis. Nãskakẽ a nokoõnoa Apa yoia keskafakĩ noko nãskakõi faxoxii nõ afe ĩpaxanõ. Nãskaxkai nõ fenopakenakama.

2 Pe. 1:11

Mã askaito õikĩ mato ifisharakõixii a ika ano mã afe ĩpaxanõ nõko Ifo fe. Nõko Ifo Jesucristo noko ifimis.