Juan 10:1 - Yaminahua

¹ (Askata Jesús ato tãpimani nãatomãi ãto kexekatsaxakĩ. Oveja kexemisto ãfe ovejafo kexemis keskari fakĩ nãskarifiakĩ Jesús ato kexemis.) Nãnori Jesús ato yoini iskafakĩ: “Chanĩmakõi ẽ mato yoinõ. Yõra ovejafo kenexotiro ãfe kene mẽra inõfo, faki fofãsanõma. Nãskata yora yometsopai ovejafo ãfe kãiti ano ikitiroma, fomãkĩari ikitiro.

Juan 10:1 Iomraidhean Croise

Mateo 7:15

Anã Jesús ato yoini iskafakĩ: “Õisharakãfe, a chanĩaifãfe mato paratirofokĩ: ‘Nõ Niospa meka yoimis,’ ixõ mato paratirofo. Afãfe Niospa meka yoimisfomaki. Akka afofi ovejafo keskarafo fikanax akka ãto shinã mẽra poomã põfefo keskarakõifo. Nãskakẽ ato fishtayamakãfe.

Juan 10:7

Nãskano Jesús afianã ato yoini: “Ẽ chanĩmakõi mato yoinõ. Nã ovejafo kene mẽra ikikani nã kini fisti mẽra ikitirofo. Ẽfi na oveja kini keskaraki. Nã Epa Nios ano ikipaikani eõnoax fisti ikitirofo.

Juan 3:3

Jesús kemani: “Ẽfi chanĩmakõi mia yoikai. Tsoari oa fake yome rama kãia keskaraxma Nios xanĩfo ano nokotiroma,” fani.

Romanos 10:15

Akka Niospa ato nĩchiyamaino tsoa katiroma Niospa meka shara ato yoixikakĩ. Ãkai fotirofoma. Nãnori Isaías kirika keneni iskafakĩ: “A meka shara yoi feai sharakõi,” ixõ yoini.

Romanos 16:18

Afãfekai nõko Ifo Cristoõxõ yoimisfoma. Nãfãfe afara fipaiyaifo fistis shinãmisfo. Niospa meka tãpisharafoma ãto meka fistiõxõ ato pãrapaikani ato anorima shinãmaxikakĩ.

Tit. 1:11

Nãskakẽ ato xatemafe ato pãranõfoma. Kori fisti fipaikakĩ anorima chakakõi ato tãpimapaikani kiki. Nãskakẽ ranãrito atoõxõ Jesús kachikiri fayomisfoki.

Hebreos 5:4

Akka ãkai tsoa katometiroma Nios ato kĩfixomis xanĩfo ixii. Nios fistichi ato katotiro Aarón ani keskafakĩ.

1 Pedro 1:10

Nã Niospa meka yoimisfãfe a inõpokoai yoikakĩ Cristoõnoa meka shara yoipaonifo, Niospa Yõshi Sharapa ato shinãmanaino. Iskafakĩ yoinifo: “A noko noikĩ noko ifimis nokoki oxii, mato omiskõixoxiki mã aõnoax isharanõ,” ixõ kenenifo. Ato askafafiaino tsõa tãpisharapaonima afeskaxoma tãpisharapaipaonifo. ¿Tsoamẽ noko ifimis ixiai afetĩari oximẽ? ixõ shinãpaipaonifo.

2 Pe. 2:1

Akka, “Nõ Niospa meka mato yoinõra,” ixõ ãa nõko xinifo ato pãrapaonifo. Nãskarifiakĩ mato mẽraxõ mato pãramisfo, “Nõ Niospa meka mato yoinõra,” ikaxõ. Afãfe mato pãrakani fanĩrira mato yoikani mã anã shinãsharanõma. Akka nõko Ifo Jesús ato nãxoni afara chaka ãto ifo inõma. Nãskakẽ a nõko Ifãfe noko tãpimapaoni keskara chanĩmara faafoma. Nãskakẽ nãfo Epa Niospa ato omiskõimarisafaxii omiskõipakexanõfo.

2 Pe. 2:3

Nãskakaxõ kori fisti noikõimisfo, “Nõ mato yoinõra,” ixõ mato pãrakani. Akka a afara chakafaifo keskara mã Niospa tãpia fatora penata ato tãpimani omiskõipakexanõfo. Afetĩama Niospa shinãyoni a yora chakafo ato omiskõimapakexakĩ.

1 Juan 4:1

Efe yora mĩshtichi, fetsafãfe mato anorima yoiaifãfe ato nikayamakãfe. Iskafakĩ mato yoipaikani: “Nõ mato Niospa meka yoi Niospa noko shinãmanaino,” ifiakaxõ anorima mato yoimisfo. Askaifono Niospa meka õikĩ mã tãpitiro a yoiaifo keskara chanĩmamãkĩ. Niospa Yõshi Sharaõxõ mato yoikanimakĩ. Akka afokai Niospa ato afaa yoiama.