Apocalipsis 7:3 - Yaminahua

³ “Manayokãfe, nã Nios Ifofamisfo ĩkisi ãto femãnãki ãfe anefo keneyonõ nãfãfe Nios yonoxomisfoki keyokõichi tãpinõfo. Nãskakẽ fena ato chakana fayamakãfe. Mai anoafo fakafã anoafori, ififo ato chakana fayamakãfe. Chipo ato axikakĩ,” ixõ ato yoia.

Apocalipsis 7:3 Iomraidhean Croise

Mateo 24:22

Akka a omiskõiaifo nõko Ifãfe xateyamano, tsoa nikeranama nai keyokeranifo. Akka afe yorafo ato noikĩ omiskõinõfoma xateni atomãi katonixakĩ.

Mateo 24:31

Nãskatari ẽfe ãjirifori ẽ yoixii ãto maneti fãsikõi manekakĩ chãi chãisafanõfo a nikakanax efe yorafo a ẽ ato katoa ichanãnõfo. Chai inoax fisti rasi efe yorafo fexikani nãno fistiax ichanãxikakĩ.

Juan 12:26

Akka a ea yonoxopaikĩ ẽfe meka nikakõixõ a ẽ yoiai keskara atiro. Ea Ifofax a ẽ ika ano nãri efe ipaxatiroki. Ea yonoxomis a ẽ yoiai keskara ea axõaito ẽfe Epa Niospa yoixii iskafakĩ: ‘Aicho. Mĩ ẽfe Fake Jesús nikasharamiski. Mĩ fãsi sharakõiki,’ Epa Niospa yoikĩ iskafaxii a ea Ifofamis.

Juan 3:33

Niospa meka chanĩmara fakĩ nõko õiti mẽraxõ nõ tãpisharakõitiro Niospa noko pãramisma, ãfe meka chanĩmakõi.

Romanos 6:22

Nãskakẽ iskaratĩa afara chaka anã mãto ifoma. Epa Nios mãto Ifo. Mãfi ãfe yonomatifoki. Mã ãfe yonomatifokẽ mato sharafa fafafãini a keskara shara mã inõ mã afe ĩpaxanõ.

Apocalipsis 13:16

Askata anã ato yoia iskafakĩ: “Maitio ikafãfe ãto mẽke kayakai aõri kenenõfo askayamakĩ ãto femãnãki kenenõfo.” Nã yoinã põfe keskara fakafã mẽranoax kãiato ãfe ane keneyamakĩ ãfe número ato kenemana. Keyokõi ato kenemana. Fakefo kenemata, xinifori kenemata, afama mĩshtifoyari kenemata, afaamaisfori kenemata, inafomari kenemata, inafori kenemana. Tsoa pishta finõmanama. Keyokõi nã yoinã põfe keskarato ãfe ane atoki kenemana.

Apocalipsis 13:17

Tsõa nã ane keneyamaxõ afaa fitiroma. Askatari afaa inãmitsatiroma a piaifori tsõa fitiroma, a rapati yopaifori tsõa fitirofoma.

Apocalipsis 14:1

Askata ẽfe namapa ẽ õia keskara afianã ẽ mato yoinõ. Nã Jesús ovejanã fake keskara mãchifã ãfe ane Sión ano nia ẽ õia. Askatari ciento cuarenta y cuatro mil afe yorafo afe niafo ika. Ãfe ane Jesús yafi Epa Nios ãto ane femãnãki kenea ẽ õia.

Apocalipsis 14:9

Askata afianã Niospa ãjiri fetsari nai mẽranoax nokotoshixõ meka fãsikõi yoia iskafakĩ: “Fẽtsa nã yoinã põfe keskara yafi ãfe nimofo keskara nikakõikĩ yoimis iskafakĩ: ‘Nã ẽfe nioskõi,’ ixõ anori yoikĩ ãto mẽkeki kenenifo, askayamakĩ ãto femãnãki na yoinã põfe keskarato ãfe ane keneafãfe Epa Nios atoki õitifishkikõixii. Nãfo Niospa ato fãsi kerexkai omiskõimaxii. Chii mẽra ato potafianokai keyonakafoma. Jesús ãfe ãjirifo sharakõifo feta õiaino a omiskõipakenakafo mẽra Niospa ato potaxii chakamãi famisfono, Nios nikakaspakakĩ. Pae meekakĩ xatenakafoma. Tsõa ato ifitiroma, nã yoinã põfe keskarato ãfe ane ãto mẽkeki keneafono, askayamakĩ ato femãnãki keneafo. Nãskakẽ pena tii ita, fakishchãi ita, omiskõixikani tenepakenakafoma,” ixõ Epa Niospa ãfe ãjirinĩ yoia.

Apocalipsis 20:4

Askata xanĩfãfe tsaotifo Epa Nios ika anoa ẽ õia. Jesús afe yorafo yoia nã tsaoti kamaki tsaoafono, “Mã yoitiro fatofomãkĩ omiskõipakenakafo mẽra foaifoma, akka fatoforimãkĩ a omiskõipakenakafo mẽra foaifo.” Askano nãnoari ẽ õia nã Jesús chanĩmara faafo yamĩ ato textenifo. Ato texteyoafomano yoiyopaonifo: “Jesús nõko Ifo,” fayopaonifo. Niospa meka ifofamisfono, nãskakẽ ato textenifo. Akka nãfãfekai nã yoinã põfe keskara yafi ãfe nimofo yoimisfoma iskafakakĩ: “Mĩ nõko ifo nios. Nõ mia noi,” ixõkai anori yoimisfoma. Askatari aõ ato tãpinõfo ãto mẽke yafi ãto femãnã kenemisfoma. Nãskakẽ nã yoinã põfe keskara atoki õitifishkikĩ ato textemani. Mã nai fetsefiafono Jesús ato otoani. Mã otokaxõ Jesús feta maifo tii anoafo mil xinia yorafo tii ato ĩkinãfo.

Apocalipsis 22:4

Nãnoax nõko Ifo fe ãfe femãnãki õinõnãfafãixikani. Ãto femãnãki ãfe ane ato nẽtamana.

Apocalipsis 6:6

Nã cuatro Niospa onifani anoax mekaito ẽ ãfe meka nika iskaito: “Kori texe fayamanõ, feronãfãke pena fisti yonoxõ kori fixõ trigo kilo fisti fikĩ kopifatiro. Askayamakĩ tres kilo xiki fitiro. Kori texefayamaxõ afaa fetsa fitiroma. Nãskakẽ xini yafi nã uva fimi ene chakanafayamafe. Akka mã texefayamax mã fonãiki omiskõixii,” ixõ yoia.

Apocalipsis 7:1

Nãskata ẽ anã õia oa ẽfe namapa õia keskara nã ẽ mato yoinõ. Niospa ãfe ãjiri cuatro afe nai mẽra imisfo ẽ õia. Fetsa xini oaikiri nia, fetsa xini kaikiri nia, fetsa xini oaima anori nia, fetsa xini kaima anori nia. Askano nefe nishpapakekafana. Nefe nishpapakekafanaino keyokõi maifo tii anoa nii peifo takka takka ikama. Fakafãri anã poo ikama.

Apocalipsis 7:2

Nã cuatro Niospa ato yoiaito mai yafi fakafã chakafatirofo. Askata Epa Nios nipanakato ãfe ãjiri fetsa ẽ õia xini oaikirinoax oaito, nõko Epa Nios ãfe marakka fati feaito, a afe yorafo aõ marakka faxii keyokõichi tãpinõfo Niospa afe yorafokẽ. Nã Niospa ãjiri okĩ nã cuatro Niospa ãjiri fetsafori fãsikõi ato yoia iskafakĩ:

Apocalipsis 9:4

Ẽ nika iskaito: “Mai anoa fasifo fanafo ififo chakana fayamakãfe. Akka nã Niospa yorafo femãnãki keneafo, ato tekayamakãfe. Akka nã keneamafo mã ato tekatiro. Akka ato reteyamakãfe. Ato retetamaroko cinco oxe ato amakãfe ato omiskõimakĩ,” ixõ ato yoia. Nãskakẽ kõketserefãfe ato tekafo nã chanĩmara faafoma nifo keskara paekõi meafo omiskõiafo.