1 Ti. 2:3 - Yaminahua

³ Nãskakẽ Nios noko ifimisto noko õikĩ noko iskafatiro: “Na ẽfe fakefo isharafo. Iskara sharakõi. Na yorafoki ẽ inimakõira,” ixõ Niospa yoitiro.

1 Ti. 2:3 Iomraidhean Croise

Lucas 1:47

Akiki ẽ inimakõiaino ea anã potanakama, ẽ afe ipanaka, ea kexepakenaka, ea ifixii ẽ afe ĩpaxanõ.

Romanos 14:18

Nõko Ifo Cristo nõ nikasharaino Epa Nios nokoki inimasharatiro. Yorafãferi nokoõnoa shinãsharatirofo.

Filipenses 1:11

Nãskaxõ nã Jesucristo mato sharafai keskafakĩ, mãri askafatiro. Mã askaito mato õikĩ fetsafãfe mato yoikĩ iskafatirofo: “Aicho, nafo isharakõiafo Epa Niosnoax. Nios fãsi sharakõi,” ixõ yoixikani. Nãnori matoõxõ ẽ Epa Nios kĩfifafãini.

Filipenses 4:18

Nãskakẽ iskaratĩa ẽ anã afaa yopaima, mẽmãi ayaxõ. Ipafrodito ea fexoyamea a mã ea manamayamea tii. Nã ẽ fichipaiyai tiimaroko finõmainĩfofã mã ea femayamea. Nã mã Nios noiai keskafakĩ eari noikĩ mã ea femayamea. Mã ea askafaito õi matoki Nios inimakõixii.

Colosenses 1:10

Nãskaxõ nã mato amapaiyai keskara mã akaino õi Nios matoki inimakõixii. Nãskax ãfe Fake keskarakõi mã itiro. Nãskaxõ mã fetsafo sharafa fafafãikĩ mã Nios tãpiki finakõitiro.

1 Tesalonicenses 4:1

Efe yora mĩshtichi, mẽ mekai xatekĩ ẽ mato yoinõ. Nõ mato yoipaoni afeskax mã itiromãkĩ Nios matoki inimanõ. Akka nã nõ mato yoipaoni keskai mã mã askakõia. Nãskakẽ anã nõ mato yoi noko nikakapo. Mã Nios Ifofaa keskafakĩ nõko Ifo Jesucristoõxõ Ifofakĩ finakõikãfe.

1 Ti. 1:1

Ẽkĩa Pablo. Iskaratĩa ẽ mia kirika kenexõ fomai Timoteo, ẽ mia yoikĩ. Epa Niospa ea katoni ẽ ãfe meka Jesucristoõnoa ẽ ato tãpimanõ. Epa Nios noko ifimis, Jesucristo nõko Ifo feta ea yoini ẽ ato tãpimanõ. Jesucristo nokoõnoax nani ares noko Epa Nios ari iyoxii kiki.

1 Ti. 4:10

Nãskaxõ mitsiskai nõ Niospa meka yoifafãini. Nõ askafaito fetsafãfe noko omiskõimatirofo a Niospa meka õikaspaifãfe. Askai omiskõifikĩ nõ tãpikõimis Jesús iskaratĩamãi nikẽ. Nãskaxõ Jesúsmãi noko nãxonikẽ, keyokõi yorafoõnoax, nãskaxõ a Ifofamisfo ato ifixii.

1 Ti. 5:4

Akka nã kẽro ifomafa fakeyakẽ, askayamai fafafoyakẽ afãfe kexesharatirofo. Askarifakĩ nã yome pishtakẽ ato kexesharapaonifo keskafakĩri kopikiri kexesharanõfo ãfe fakefãferi. Nãskafaifãfe fetsafãfe õi kakĩ, “Nã yorafãfe Nios nikasharakani,” ikaxõ yoisharanõfo. Nãskaito õi Nios atoki inimai.

2 Timoteo 1:9

Akka Niospa ãfe Fake Cristo Jesús noko nĩchixoni nokoõnoax nãxoyonõ nõko chaka noko soaxoxiki. Askaxõ noko shinãni afe yora nõ inõ. Nõ yora chakafofiakẽ Niospa noko noimis. Taefakĩkõi Niospa mai onifaxoma, a inõpokoai tãpixõ, noko shinãni noko ifixixakĩ Jesúsxõ.

Hebreos 13:16

Askatari ato shinãmakiyamakãfe mã afarayaxõ a afaamaisfo ato inãsharakãfe. Mã ato askafaito õikĩ Nios matoki inimasharakõi kiki.

1 Pedro 2:20

Akka mã afara chakafakẽ mãto xanĩfãfe mato omiskõimanaino, Niospa mato iskafakĩ yoitiroma mã teneaito: “Mĩ afara sharakõifaa,” ixõ mato yoitiroma mãmãi afara chakafakẽ. Akka mã afara sharafaino mato omiskõimanaifono mã omiskõifinafikĩ mã tenekẽ, nõko Ifo Niospa matoõnoa yoikĩ: “Sharakõifo,” mato fatiro.

1 Pedro 2:5

Nãskarifiakĩ Niospa mato tokiri pexefã keskara faxii mã afe yorafokẽ. Askatari mã ato Epa Nios kĩfixomis inõ mato imaxii afaaya osiama sharakõi mã inõ Jesúsnoax, Jesúsmãi noko nãxonikẽ. Nãskakẽ Nios aicho fakãfe akiki inimakõikãfe, “Epa Niosi, mĩ fasi sharakõi,” fayanã.