1 Juan 3:3 - Yaminahua

³ Niospa fakekẽ nonori nõ yoi: “Ẽ Jesucristo fe ipanaka. Ẽ Jesús fe ikaino ãfe õiti keskarakõi ẽ ixii,” ixõ shinãkĩ nõ anã chaka shinãpaima. Jesucristo shinãi keskarari nõ shinãtiro, anã chaka shinãyamakĩ.

1 Juan 3:3 Iomraidhean Croise

Mateo 5:48

Nãskakẽ Epa Nios nai mẽraxõ yorafo noiai keskafakĩ mãri yorafo keyokõi noikãfe. A Epa Niospa shinãsharamis keskafakĩ mãri askafakãfe,” ixõ Jesús ato yoini.

Lucas 6:36

Nãskakẽ mãri ato noikõikãfe, nã Epa Niospa ato noikõiai keskafakĩ,” ixõ Jesús ato yoini.

Juan 17:19

Mĩa ea yoia keskara ẽ akaino nãfãferi askari fanõfo.

Hch. 15:9

Niospa atoya yora fetsa keskara noko õima, nã yora fisti keskara noko õi. Nã noko ani keskafakĩ ãto chakari mã ato soaxona chanĩmara faifono.

Romanos 15:12

Isaías aatori iskafakĩ kirika keneni: Nõko xini Isaí ãfe fena na maitio ikafãfe ãto xanĩfo ixii. Shinãxikani iskafakakĩ: “Nã fistichi Nios ika ano noko ifitiro nõ afe ĩpaxanõ, nõ anã nanakama,” ixõ shinãxikani, ixõ Isaías kirika keneni Cristoõnoa yoikĩ.

2 Co. 7:1

Ẽfe yora mĩshtichi, Epa Niospa nã noko yoiyoni keskara shara. Nãskakẽ nõ isharanõ keyokõichi nõko chaka nõ xatenõ. Afarafãfe nõko yora iyamai nõko õiti mẽraxõ noko chakafamatiro nãfo nõ xatekõinõ sharakõi ixiki. Nõ Epa Nios noikõiax a keskara shara nõ ipai.

Colosenses 1:5

Na meka shara chanĩmakõi Jesucristoõnoa mã mã nikamis. Jesucristo chanĩmara faax Nios ika ari mã afe ipaxatiro ixõ yoinifo mã mã nikamis. Na meka chanĩmara fakõixõ fetsafo mã ato noikõimis.

2 Tesalonicenses 2:16

Nõko Ifo Jesucristo feta nõko Epa Niospa noko noikĩ, nõko õiti mẽraxõ noko inimamakõinõ. Nãskakẽ nõ tãpitiro noko potanakama nõ afe ipaxanõ.

Tit. 3:7

Nãskaxõ noko õiti shara faano, nõ afe rafekõitiro nokomãi noikõikĩ. afe rafeax nõ afe nisharakõipakexatiro nã nõ ipaiyai keskai.

Hebreos 12:14

Nãskakẽ mẽenãpaitama keyokõi yorafo fe isharafafãikãfe. Nãskatari Jesús keskara shara ipaikãfe. Akka tsoa Jesús keskara shara iyamakani afãfekai nõko Ifo õinakafoma.

Hebreos 6:18

Chanĩma Niospa a noko yoiyoni keskara mã noko õimasharakõia mã nõ tãpia. Nãskakẽ noko pãratiroma. Noko yoini iskafakĩ: “Ẽfe Fake ẽ matoki nĩchixii mãto chaka mato soaxonõ mã efe ĩpaxanõ,” ixõ noko yoini. Nãskakẽ nõ chanĩmara fai nã noko yoiyoni keskara ãfe Fakeõnoax Epa Nios ano nõ afe ipaxatiro.

Hebreos 7:26

Akka nã Jesúsfi noko Nios kĩfixomis xanĩfokõikĩ. Apa Nios keskara sharafinakõia. Fetsafo finõkõia. Tsõakai aõnoa afaa chaka yoitiroma. Aatokai afaa chaka shinãmisma yora chakafo keskarama. Nãskaxõ Apa Nios ika anoafori ato finõkõia. Nãskaxõ a nõ yopaifo noko axosharatiro.

Stg. 4:8

Nios Ifofasharakãfe. Mã Nios Ifofasharaino mato fe rafei. Nãskakẽ mãto chaka xatekãfe afaa chakafapaikakima. Akka fẽtsa Nios Ifofasharapaifikĩ, Satanásri ifofapai, askatamaroko, Nios fisti Ifofasharakãfe.

1 Pedro 1:15

Askatamaroko afaa fetsa shinãtama isharakõikãfe. Akka Nioskai afaa chakaya osiama. Niospa mato katoni a keskara shara mã inõ.

1 Pedro 1:3

Nãskakẽ nõko Ifo Jesucristo ãfe Apa Nios nõ aicho fatiro: “Mĩ fãsi sharakõi,” ixõ nokomãi noikõiaino ãfe Fake Jesucristomãi nõkoõnoax naax anã otonikẽ. Nãskaxõ fake yome rama kãia keskara shara noko imai õiti fenasharayakõi. Nãskakẽ nõ afe isharakõipakenaka.

2 Pe. 1:4

Nãskakẽ noko yoiyoni keskafakĩ ãfe kerex sharaõxõ afara sharakõifo noko axoxii a keskara sharakõi nõ inõ. Akka a nikakaspaifãfe nã afara chakafapaiyaifo keskara fisti amisfo. Nãskaifono Niospa noko imasharai nõ ato keskara inõma.

2 Pe. 3:14

Nãskakẽ efe yora mĩshtichi, mã Jesús manakĩ manasharafafãikãfe. Mã askaito Niospa mato õi kiki ãfe Fãkeõnoax mã isharakõikẽ. Nioski mesekĩma iskafakĩ shinãfafãikãfe: “Epa Niospa ãfe Fakeõxõ ea noi. Ẽri Epa Nios noi afe rafepakexakĩ,” ixõ anori shinãfafãikãfe.

1 Juan 2:6

“Mẽ Nios fe rafekõiaki,” ixõ yoi, a Jesús imis keskara ikãfe.

1 Juan 4:17

Nõ Nios noi. Nõ Nios noikĩ finakõiax nõ inimatiro Jesús anã nãmã fotoano. Anã fotoxõ noko iskafatiro: “Nã ea Ifofaafo tii ẽfe Epa Nios ari fokani. Akka nã ea Ifofaafoma tii ẽfe Epa ari fokanima, nã omiskõipakenakafo mẽra fokani,” ato fatiro. Ato askafaino nõkai Nioski meseima. Nõ ranoima nõ afe rafekõi. Afe rafei nõ Jesús keskara iki, ãfe õiti keskara nõ iki. Nãskakẽ Jesús oaitĩa nõ akiki meseima.